ខេត្តកំពត ៖ រថយន្តពន្លត់អគ្គិភ័យស្រុកកំពង់ត្រាច និងរថយន្តពន្លត់អគ្គិភ័យស្រុកបន្ទាយមាសកាលពីរសៀលថ្ងៃទី២៨ មេសា បានចេញជួយបាញ់ទឹកភ្លើងឆេះព្រៃនៅភូមិជ្រោះតាសោម ឃុំប្រាសាទភ្នំខ្យង ស្រុកកំពង់ត្រាច ខេត្តកំពត។
លោកវរសេនីឯក សេង សុគន្ធ អធិការនគរបាលស្រុកកំពង់ត្រាចបាននិយាយប្រាប់អោយដឹងថាការជួយពន្លត់ភ្លើងឆេះព្រៃនេះ មានរថយន្តពន្លត់អគ្គិភ័យនគរបាលស្រុកបន្ទាយមកជួយអន្តរាគមន៍ផងដែរ រួមទាំងកំលាំងនគរបាលស្រុកទាំងពីរ ក្នុងនោះក៏មានប្រជាពលរដ្ឋជួយវាយពន្លត់ភ្លើងផងដែរ គឺមិនអោយភ្លើងឆេះព្រៃរាលដាលទៅឆាបឆេះកន្លែងផ្សេង។
លោកវរសេនីឯកបានប្រាប់បន្តថា ទំហំការឆេះព្រៃដែលមានការជួយរួមដៃពន្លត់ភ្លើងឆេះព្រៃនេះមានទំហំជាង១០ហិកតាឯណោះ ។ រីឯប្រជាពលរដ្ឋនៅភូមិជ្រោះតាសោម ក៏មានការភ័យខ្លាចភ្លើងឆេះព្រៃផងដែរ ព្រោះនៅជិតផ្ទះពួកគាត់សំបូរទៅដោយព្រៃភ្នំ និងដីចម្ការ ហើយកុំតែបានរថយន្តរបស់នគរបាលចេញជួយពន្លត់ភ្លើងទាន់កុំអីផ្ទះពលរដ្ឋពិតរងកាឆេះខូចខាតមិនខាន
ឡើយ។
ចែករំលែកព័តមាននេះ