រឿងជួយស៊ីញ៉ូឡាន និងគោះដំបូលកង់បី ផ្ទុះជម្លោះបែកផ្សែង ផ្អើលផ្សាររន្ទះបា.ញ់
- ភ្នំពេញ
រាជធានីភ្នំពេញ ៖ មានករណីផ្ទុះហិ.ង្សារវាងបុរសជាអ្នករត់កងបីឥណ្ឌាម្នាក់ និងបុរសម្នាក់ទៀតជា
រាជធានីភ្នំពេញ ៖ មានករណីផ្ទុះហិ.ង្សារវាងបុរសជាអ្នករត់កងបីឥណ្ឌាម្នាក់ និងបុរសម្នាក់ទៀតជាអ្នកភូមិជួយស៊ីញ៉ូរថយន្ត ដោយដើមហេតុផ្តើមចេញពីរឿងផ្លូវនៅក្នុងផ្សារស្ទះ ក៏ជួយស៊ីញ៉ូរថយន្ត និងគោះដំបូលកង់បីឥណ្ឌា ដោយប្រាប់ថាចាំបន្ដិចឱ្យរថយន្តទៅសិន ក៏កើតជាហិ.ង្សាវា.យគ្នាផ្អើលតែម្តង ។
ហេតុការណ៍ខាងលើបង្កការភ្ញាក់ផ្អើលកើតឡើងកាលពីវេលាម៉ោង៩និង៣០នាទីយប់ថ្ងៃទី២៨ ខែមេសា ឆ្នាំ២០២៤ នៅភូមិ១៦ហៅផ្សាររន្ទះបាញ់ សង្កាត់ទន្លេបាសាក់ ខណ្ឌចម្ការមន រាជធានីភ្នំពេញ។
តាមប្រភពព័ត៌មានពីបងប្អូនប្រជាពលរដ្ឋដែលឃើញហេតុការណ៍បានប្រាប់ឱ្យដឹងថា នៅមុនពេលកើតហេតុ មានបុរសម្នាក់ជាអ្នកភូមិបានជួយស៊ីញ៉ូឡាន ដោយសារផ្លូវនៅក្នុងផ្សារស្ទះ ។ ពេលនោះក៏មានបុរសម្នាក់ទៀតជាអ្នករត់ម៉ូតូកង់បីឥណ្ឌាបើកមក ធ្វើឱ្យបុរសជាអ្នកស៊ីញ៉ូឡានបានទៅគោះដំបូលកង់ ដោយប្រាប់ថាឱ្យរថយន្តទៅមួយសិន ស្រាប់តែពេលនោះបុរសជាអ្នករត់កង់បីស្រែកឱ្យ ហើយបុរសជាអ្នកស៊ីញ៉ូឡានក៏ស្ទុះទៅចាប់ក្របួចករអាវ តែមិនទាន់បានវាយផង ក៍ត្រូវអ្នករត់បីឥណ្ឌាវាយទៅលើគាត់ជាច្រើនដៃ បណ្តាលឱ្យដួលទៅលើដី។ ពេលងើបឡើងវិញគាត់ខឹងនឹងបុរសជាអ្នករត់កង់បីដែលវាយមកលើគាត់ ទើបគាត់ទៅទាញដំបូលកង់បីរហែកតែម្ដង ដោយសារគាត់ស្រវឹងស្រាមិនអាចតដៃឈ្នះបុរសរត់កង់បីនោះទេ ។
ប្រជាពលរដ្ឋនាំគ្នាហួសចិត្តចំពោះអ្នករត់កង់បីឥណ្ឌាដែលបានវាយទៅលើបុរសម្នាក់ដែលជាប្រជាពលរដ្ឋរស់នៅកន្លែងកើតហេតុ ដោយសារគ្រាន់តែរឿងជួយស៊ីញ៉ូឡាន ហើយទៅគោះដំបូលកង់បីឥណ្ឌា ដោយប្រាប់ថាចាំបន្ដិចឱ្យរថយន្តទៅសិន ក៏កើតជាហិ.ង្សាវាយគ្នាបែបនេះ ។
បន្ទាប់ពីកើតហេតុ ក៏មានកម្លាំងកងរាជអាវុធហ្ថតខណ្ឌចម្ការមនចុះមកទីតាំងកើតហេតុ ដោយទុកឱ្យភាគីទាំងសងខាងដោះស្រាយគ្នា តែដោយសារបុរសជាអ្នករត់កង់បីវាយគេហើយថែមទាំងទាមទារសំណងទៀត ទើបធ្វើឱ្យខាងភាគីរងគ្រោះមិនព្រម ដោយសារភាគីអ្នករត់កង់បីវាយគេបែកមុខហើយចង់ទារសំណងទៀត។
ក្រោយពេលកើតហេតុ កម្លាំងកងរាជអាវុធហ្ថតខណ្ឌចម្ការមនបាននាំភាគីទាំង២យកទៅធ្វើការសួរនាំនិងអនុវត្តន៍ទៅតាមនីតិវិធីច្បាប់ ដោយសារវាយគ្នាបែកមុខ៕
ចែករំលែកព័តមាននេះ