ADផ្ទាំងផ្សព្វផ្សាយពាណិជ្ជកម្ម

Picture

ឡាន២គ្រឿង​មានផ្លាកលេខដូចគ្នា «គេថាឡានភ្លោះ»

2 ខែ មុន
  • ភ្នំពេញ

រាជធានី​ភ្នំពេញ ៖ កាលពី​ថ្ងៃ​១៣ ឧសភា មានការ​ចាប់អារម្មណ៍​មួយ​បាន​កើតឡើង ខណៈ​ដែល​គេ​បានឃើញ​អាក់​ខោ​ន​ក្នុង​ហ្វេ​ស​ប៊ុ​កមួយ បាន​បង្ហាញ​រថយន្ត​តូ​យ៉ូ​តា​ព្រូស​ពណ៌​ស​២​គ្រឿង​មាន​ផ្លា​ក​លេខ​ដូច​គ្នា គឺ​ភ្នំពេញ២BH៤៤៩៧ ដែល​គេ​និយាយ​ថា «​ឡាន​ភ្លោះ​»…

រាជធានី​ភ្នំពេញ ៖ កាលពី​ថ្ងៃ​១៣ ឧសភា មានការ​ចាប់អារម្មណ៍​មួយ​បាន​កើតឡើង ខណៈ​ដែល​គេ​បានឃើញ​អាក់​ខោ​ន​ក្នុង​ហ្វេ​ស​ប៊ុ​កមួយ បាន​បង្ហាញ​រថយន្ត​តូ​យ៉ូ​តា​ព្រូស​ពណ៌​ស​២​គ្រឿង​មាន​ផ្លា​ក​លេខ​ដូច​គ្នា គឺ​ភ្នំពេញ២BH៤៤៩៧ ដែល​គេ​និយាយ​ថា «​ឡាន​ភ្លោះ​» ។

អ្នកនាំពាក្យ និង​ជា​អនុរដ្ឋលេខាធិការ​ក្រសួង​សាធារណការ និង​ដឹក​ជញ្ជូន ឯកឧត្តម ផ​ន រឹម នៅ​រសៀល​ថ្ងៃ​ទី​១៣ ខែឧសភា ឆ្នាំ​២០២៤ បាន​បញ្ជាក់​ថា ខ្ញុំ​សូម​ជម្រាប​ជូន​សាធារណជន​មេត្តា​ជ្រាប​ថា នៅ​ព្រឹក​ថ្ងៃ​ទី​១៣ ខែឧសភា ឆ្នាំ​២០២៤ មានការ​ចែករំលែក​ត​ៗ​គ្នា​តាម​បណ្តាញ​តេ​ឡេ​ក្រាម និង​បណ្តាញ​ទំនាក់ទំនង​សង្គម​ហ្វេ​ស​ប៊ុ​ក ដោយ​មិន​មាន​បញ្ជាក់​ប្រភព​រូបថត ទីកន្លែង និង​ពេលវេលា​ឡើយ ។

អ្នកនាំពាក្យ​ក្រសួង​សាធារណការ​បាន​បន្ត​ថា ពាក់ព័ន្ធ​ករណី​(​ដូច​រូបភាព​) ខ្ញុំ​សូម​បញ្ជាក់​ថា យោង​តាម​ការ​ពិនិត្យ​ទិន្នន័យ​ចុះបញ្ជី​របស់​រថយន្ត​ខាង​លើ មាន​ភិនភាគ​រថយន្ត​ម៉ាក TOYOTA PRIUS ពណ៌​ស ស៊េរី​២០១០ បាន​ចុះបញ្ជី​ក្នុង​ឆ្នាំ​២០២០ ធ្លាប់​ធ្វើទុតិយតា​បណ្ណ​ម្តង និង​ផ្ទេរកម្មសិទ្ធិ​២​ដង ។ មិន​ធ្លាប់​មាន​ធ្វើទុតិយា​ផ្លា​ក​លេខ​ទេ ។ ត្រង់​ចំណុច​នេះ យើង​អាច​សន្និដ្ឋាន​បឋម​បាន​ថា «​រថយន្ត​ទាំង​ពីរ មាន​មួយ​ពាក់​ផ្លា​ក​លេខ​ក្លែងក្លាយ​» ។

លោក​ថា ដើម្បី​ផ្តល់​ភាព​ត្រឹមត្រូវ​សម្រាប់​ម្ចាស់​រថយន្ត​ពាក់​ផ្លា​ក​លេខ​ស្របច្បាប់​ឯកឧត្តម​បាន​អំពាវនាវ​ដូច​ខាងក្រោម​៖
១-​ក្នុង​ករណី​សង្ស័យ​(​ដូច​រូប​) សូម​អំពាវនាវ​សមត្ថកិច្ច​ចរាចរណ៍​ផ្លូវគោក​មេត្តា​ឃាត់​ទុក ដើម្បី​ផ្ទៀង​ផ្ទាល់​ឯកសារ​រក​ភាព​ត្រឹមត្រូវ ។ ២-​ចំពោះ​ម្ចាស់​យានយន្ត ក៏​ត្រូវ​ចេញ​មុខ​ដាក់​ពាក្យបណ្តឹង​ស្វែងរក​ភាព​ត្រឹមត្រូវ​សម្រាប់​ខ្លួនឯង​ផង​ដែរ ។

តាម​ប្រភព​ព័ត៌មាន នៅ​ព្រឹក​ថ្ងៃ​១៤ ឧសភា បានឱ្យ​ដឹង​ថា លោក​ឧត្តមសេនីយ៍ឯក ជួន ណា​រិ​ន្ទ អគ្គស្នងការ​រង និង​ជា​ស្នងការ​នគរបាល​រាជធានី​ភ្នំពេញ បាន​ដាក់​បទបញ្ជា​ឱ្យ​សមត្ថកិច្ច​ក្រោម​ឱវាទ​ក្នុងភូមិ​សាស្ត្រ​រាជធានី តាម​ស្វែងរក​រថយន្ត​តូ​យ៉ូ​តា​ព្រូស​ពណ៌​ស ដែល​មាន​ផ្លា​ក​លេខ​ដូច​គ្នា​នេះ​ហើយ តែ​រហូត​មក​ដល់​ល្ងាច​ថ្ងៃ​ដដែល មិន​ទាន់​មាន​ព័ត៌មាន​ទាក់ទិន​នឹង​រថយន្ត​ពាក់​ផ្លា​ក​លេខ ២BH៤៤៩៧ នេះ​នៅឡើយ តែ​រំពឹង​ថា ការ​តាម​ប្រមាញ់​ពី​អត្តសញ្ញាណ​រថយន្ត​នេះ នឹង​រក​ឃើញ​ការ​ពិត​មិន​ខាន ៕ អត្ថបទ៖ សហការី

អត្ថបទសរសេរ ដោយ

កែសម្រួលដោយ