ក្នុងសង្គ្រាមអ៊ុយក្រែន ហេតុអ្វីពេលនេះរុស្ស៊ីប្រើដ្រូនតិច?
សង្គ្រាមអ៊ុយក្រែន ៖ ក្នុងអត្ថបទមួយកាសែតBUSSINESS INSIDER លើកឡើងថា ក្នុងពេលដែល
សង្គ្រាមអ៊ុយក្រែន ៖ ក្នុងអត្ថបទមួយកាសែតBUSSINESS INSIDER លើកឡើងថា ក្នុងពេលដែលអ៊ុយក្រែនកាន់តែខើចគ្រាប់រំសេវខ្លាំងពីមួយថ្ងៃទៅមួយថ្ងៃ ខណៈការជួយទ្រទ្រង់របស់ពួកសម្ព្័ន្ធមិត្តហាក់មានភាពផុយស្រួយ ប្រធានាធិបតីរុស្សុីលោកវ្ល៉ាឌីមៀរពូទីន អាចប៉ុនប៉ងវាយសំពងខ្លាំងថែមទៀត ដោយអនុវត្តយុទ្ធសាស្ត្របាញ់ផ្លោងស្ទើររាល់ថ្ងៃដោយមីសីុល។
កាសែតនោះបន្តថា ពួកអ្នកវិភាគបញ្ហាសង្ក្រាមច្រើននាក់ធ្វើការកត់សម្គាល់ថា ការវាយលុកចុងក្រោយទាំងឡាយរបស់រុស្សុី ហាក់ដូចជាមានការខុសគ្នា ពីការវាយលុកមុនៗប្រហែលជាក្នុងគោលបំណង ធ្វើតេស្តលើកងកម្លាំងការពារអាកាសអ៊ុយក្រែន។ តាំងពីចាប់ផ្ដើមការវាយប្រហាររដូវរងាមក កងកម្លាំងការពារអាកាសអ៊ុយក្រែន ត្រូវប្រឈមមុខចំពោះតាក់ទិកថ្មីរបស់រុស្សុី។
ក្នុងការវាយប្រហារតាមអាកាសចុងក្រោយទាំងឡាយ របស់រុស្សុីលើតំបន់ក្រុងគៀវនិងខាគៀវ កងទ័ពអ៊ុយក្រែនកំណត់ឃើញការប្រើកាន់តែច្រើនរបស់រុស្សុីបណ្ដាមីសីុលបណ្ដែតនិងបាលីស្ទិក តែជាពិសេសជួនកាលមិនមានប្រើដ្រូនអត្តឃាតផង។ ការបាញ់ភ្លើងក៏ត្រូវបានបង្កើនដែរ ដើម្បីេរារាំងឲ្យបានជាអតិបរមាប្រសិទ្ធភាពប្រព័ន្ធការពារអាកាសរបស់អ៊ុយក្រែន។ គោលបំណងគឹធ្វើឲ្យប្រព័ន្ធការពារអាកាសអ៊ុយក្រែនជួបការលំបាកខ្លាំង។
មានការយល់ឃើញ២យ៉ាងចំពោះការផ្លាស់ប្ដូរតាក់ទិកនេះរបស់រុស្សុី ដោយម្យ៉ាងរុស្សុីចង់សន្សំទុកដ្រូនអត្តឃាតឲ្យបានច្រើន សម្រាប់ការវាយលុកនាពេលខាងមុខ និងម្យ៉ាងទៀតចង់សាកល្បងមើលផ្នែកការពាររបស់អ៊ុយក្រែនដើម្បីកែលម្អការវាយប្រហាររបស់ខ្លួននិងប្រសិទ្ធភាពនៃការវាយប្រហារ។
ក្នុងការវាយប្រហារកាលពីយប់ថ្ងៃទី២២មក២៣មករាលើអ៊ុយក្រែន រុស្សុីហាក់ពុំប្រើដ្រូនណាមួយឡើយខុសពីមុនដែលរុស្សុីប្រើច្រើនបំផុត។ BUSSINESS INSIDERរៀបរាប់លម្អិតថា តាមនាយសេនាធិការកងទ័ពអ៊ុយក្រែនថា ក្នុងការវាយប្រហារពីថ្ងៃទី២២មក២៣មករានោះ កងទ័ពរុស្សុីបានបាញ់មីសីុលដីអាកាសS-300និង S-400៤គ្រាប់ មីសីុលបណ្ដែតKH-101 KH-555 និង KH-55 ចំនួន១៥គ្រាប់ មីសីុលបណ្ដែតKH-22ចំនួន៨គ្រាប់ មីសីុលបាលីស្ទិកISKANDER-M ១២គ្រាប់និងមីសីុលKH-59ចំនួន២គ្រាប់ទៅកាន់តំបន់ក្រុងគៀវនិងខាគៀវ៕
ចែករំលែកព័តមាននេះ