បោះឆ្នោតសម្រាំង! លោកចូ បៃដិន និងលោកត្រាំឈ្នះដូចគ្នានៅរដ្ឋញូវហាមភៀ
សហរដ្ឋអាមេរិក ៖ ទាំងប្រធានាធិបតីអាមេរិក លោកចូ បៃដិន ទាំងអតីតប្រធានាធិបតីលោកដូ
សហរដ្ឋអាមេរិក ៖ ទាំងប្រធានាធិបតីអាមេរិក លោកចូ បៃដិន ទាំងអតីតប្រធានាធិបតីលោកដូណាល់ត្រាំ ក្នុងការបោះឆ្នោតសម្រាំងបេក្ខជនប្រធានាធិបតីសុទ្ធតែជាអ្នកឈ្នះដូចគ្នានៅរដ្ឋញូវហាមភៀ។
លោកបៃដិនមិនបានធ្វើការឃោសនាសូម្បី១នាទីក្នុងរដ្ឋនេះ តែការបោះឆោ្នតសម្រាំងបេក្ខជនប្រធានាធិបតីសម្រាប់គណបក្សប្រជាធិបតេយ្យរបស់លោក កាលពីថ្ងៃទី២៣មករា លោកនៅតែជាអ្នកឈ្នះដោយលោកMARIANNE WILLIAMSONនិងលោក DEANHILLIPS ចាញ់លោកដាច់ឆ្ងាយ។
ចំណែកក្នុងការបោះឆ្នោតរើសបេក្ខជនសម្រាំងនៃគណបក្សសាធារណរដ្ឋ សម្រាប់ការបោះឆ្នោតប្រធានាធិបតីអាមេរិកនាខែវិច្ឆិកាខាងមុខនេះ លោកដូណាល់ត្រាំបានឈ្នះលើគូប្រជែង លោកស្រីនិកគីហាឡីអតីតឯកអគ្គរដ្ឋទូតអាមេរិកប្រចាំអ.ស.ប ក្នុងការបោះឆ្នោតសម្រាំងនៅរដ្ឋញូវហាមភៀនោះដែរ។
លោកស្រីនិកគី ទោះជាចាញ់នៅរដ្ឋនេះខុសពីការរំពឹងទុក នៅតែមិនទាន់បោះបង់ការប្រកួតដែរ ដោយលោកស្រីថាអ្វីៗនៅមិនទាន់ចប់នៅឡើយទេ។ តាមកាសែតញូវយ៉កថែមថា ជ័យជម្នះរបស់លោកត្រាំនេះពិតជាប្រវត្តិសាស្ត្រ ព្រោះជាលើកទីមួយហើយ ចាប់តាំងពីឆ្នាំ១៩៧៦មក ដែលបេក្ខជនគណបក្សសាធារណរដ្ឋមួយរូបអាចដណ្ដើមយកឈ្នះ ក្នុងការបោះសម្រាំងក្នុងរដ្ឋអៃយ៉ូវ៉ាផងនិងក្នុងរដ្ឋញូវហាមភៀផងបែបនេះ៕
ចែករំលែកព័តមាននេះ