ខេត្តបន្ទាយមានជ័យ ៖ បន្ទាប់ពីឃើញថា ការសាងសង់ប្រព័ន្ធរំដោះទឹកកខ្វក់ និងធ្វើដាក់លូនៅទីកន្លែងខ្លះ គឺមិនបានរួចរាល់ទេដោយទុកចោល បង្កឱ្យមានការរំខានដល់ប្រជាពលរដ្ឋ ។ ជាក់ស្តែង អភិបាលក្រុងសិរីសោភ័ណក៏បានសុំឱ្យក្រុមហ៊ុនម៉ៅការដាក់លូប្រអប់រំដោះទឹកកខ្វក់នៅក្នុងក្រុងសិរីសោភ័ណ…
ខេត្តបន្ទាយមានជ័យ ៖ បន្ទាប់ពីឃើញថា ការសាងសង់ប្រព័ន្ធរំដោះទឹកកខ្វក់ និងធ្វើដាក់លូនៅទីកន្លែងខ្លះ គឺមិនបានរួចរាល់ទេដោយទុកចោល បង្កឱ្យមានការរំខានដល់ប្រជាពលរដ្ឋ ។
ជាក់ស្តែង អភិបាលក្រុងសិរីសោភ័ណក៏បានសុំឱ្យក្រុមហ៊ុនម៉ៅការដាក់លូប្រអប់រំដោះទឹកកខ្វក់នៅក្នុងក្រុងសិរីសោភ័ណ សូមកុំធ្វើទុកចោលអី កុំឱ្យប៉ះពាល់ដល់បងប្អូនប្រជាពលរដ្ឋធ្វើដំណើរតាមផ្លូវ ។ ការលើកឡើងបែបនេះ ក្នុងកិច្ចប្រជុំពិភាក្សាគម្រោងជួសជុលផ្លូវមួយ កាលពីថ្ងៃទី២២ មករា ឆ្នាំ២០២៤ ស្ថិតនៅសាលប្រជុំក្រុងសិរីសោភ័ណ ។
លោក ស្រេង សុផល អភិបាលក្រុងសិរីសោភ័ណបានប្រាប់ថា ក្រុងសិរីសោភ័ណទទួលបានគម្រោងដាក់ប្រព័ន្ធលូប្រអប់រំដោះទឹកកខ្វក់ដែលត្រូវបានកសាងជាបណ្តើរៗ ហើយមានបងប្អូនប្រជាពលរដ្ឋមួយចំនួនបានត្អូញត្អែរថា ក្រុមហ៊ុនដែលដាក់ប្រព័ន្ធលូរំដោះទឹកធ្វើយឺតយ៉ាវណាស់ និងធ្វើមុខលូខ្លះបានទុកចោល ទៀតផង បណ្ដាលឱ្យប្រជាពលរដ្ឋជួបការលំបាកចេញ-ចូលទៅផ្ទះ និងមានភក់ជ្រាំផង ។
លោកបានបញ្ជាក់ទៀតថា បន្ទាប់ពីប្រជាពលរដ្ឋបានលើកឡើងពីបញ្ហាបែបនេះ អាជ្ញាធរក្រុងសិរីសោភ័ណបានចុះសម្របសម្រួលជាមួយប្រជាពលរដ្ឋហើយ និងបន្ទាប់ពីកសាងប្រព័ន្ធលូប្រអប់រួចរាល់ហើយគឺលែងមានការព្រួយបារម្ភពីទឹកជន់លិចក្នុងក្រុងទៀតហើយ ព្រោះមានប្រព័ន្ធលូរំដោះទឹកចេញពីក្រុង ។
លោកឃ្លូក នួយ អភិបាលរងខេត្តបន្ទាយមានជ័យបានមានប្រសាសន៍ថា ក្រោយកសាងប្រព័ន្ធលូប្រអប់រំដោះទឹកកខ្វក់នៅក្រុងសិរីសោភ័ណ មានផ្លូវ១ខ្សែប្រវែង៩០០ម៉ែត្រ តភ្ជាប់ពីរង្វង់មូលហនុមាន ផ្លូវជាតិលេខ៦ ដល់រង្វង់មូលស្រីគ្រប់ល័ក្ខជាប់ផ្លូវជាតិលេខ៥ ក្រោយកសាងលូប្រអប់រំដោះទឹកកខ្វក់ផ្លូវខូចខាតប្រជាពលរដ្ឋធ្វើដំណើរជួបការលំបាកត្រូវជួសជុលឡើងវិញផ្លូវDBSTសម្រួលដល់ប្រជាពលរដ្ឋធ្វើដំណើរបានងាយស្រួល ។
ចែករំលែកព័តមាននេះ