ADផ្ទាំងផ្សព្វផ្សាយពាណិជ្ជកម្ម

Picture

កូនស្រី​លោក​ថា​ក់​ស៊ី​ន ​ដុ.តដៃដុ.តជើង​ជំរុញ​«មួយ​​ថៃ​» ឱ្យ​ក្លាយជា​ប្រភេទ​កីឡា​អូ​ឡាំ​ពិ​ក

1 ខែ មុន

ថៃ ៖ លោកស្រី ផែ​តុង​តាន ស៊ី​ណា​វ៉ា​ត្រា (Paetongtarn Shinawatra) កូនស្រី​អតីត​នាយក​រដ្ឋមន្ត្រី​ថៃ ថា​

ថៃ ៖ លោកស្រី ផែ​តុង​តាន ស៊ី​ណា​វ៉ា​ត្រា (Paetongtarn Shinawatra) កូនស្រី​អតីត​នាយក​រដ្ឋមន្ត្រី​ថៃ ថា​ក់​ស៊ី​ន ស៊ី​ណា​វ៉ា​ត់ (Thaksin Shinawatra) ដែល​ជា​អនុប្រធាន​គណៈកម្មាធិការ​យុទ្ធសាស្ត្រ​គោលនយោបាយ​អំណាច​ទន់​ប្រទេស​ថៃ កំពុង​ដុតដៃដុតជើង​ជំរុញ​ក្បាច់គុន​ប្រដាល់​ថៃ ឬ​មួយ​ថៃ ដើម្បី​ក្លាយជា​ប្រភេទ​កីឡា​អូ​ឡាំ​ពិ​ក​ផ្លូវការ​។ នេះ​បើ​យោង​តាម​ប្រភព​ពី​សារព័ត៌មាន​ថៃ​បាងកក​ប៉ុ​ស្តិ៍ចេញផ្សាយ​នៅ​ថ្ងៃ​ទី​២៣ ខែមករា ឆ្នាំ​២០២៤​។

លោកស្រី ផែ​តុង​តាន បាន​គូសបញ្ជាក់​ពី​គោលដៅ​ក្នុង​ការ​ពង្រឹង​ជំហរ​របស់​មួយ​ថៃ គឺជា​ឧបករណ៍​គោលនយោបាយ​អំណាច​ទន់​មួយ​របស់​ថៃ តាម​រយៈ​យុទ្ធសាស្ត្រ​ជា​ច្រើន រួម​ទាំង​ការ​បញ្ចូល​ទៅ​ក្នុង​កីឡា​អូ​ឡាំ​ពិ​ក​ផង​ដែរ​។ លោកស្រី​បាន​លើក​ឡើង​តាម​រយៈ​គណនី​ហ្វេ​ស​ប៊ុ​កថា «​យើង​នឹង​ទទួល​បាន​ឱកាស​អបអរ​អ្នក​ប្រដាល់​មួយ​ថៃ ដែល​តំណាង​ប្រទេស​ថៃ​ក្នុង​ព្រឹត្តិការណ៍​កីឡា​អូ​ឡាំ​ពិ​ក​នៅ​ថ្ងៃ​ណាមួយ​»​។

លោកស្រី​បន្ត​ថា លោកស្រី​ផ្ទាល់ និង​ក្រុមការងារ​នឹង​ព្យាយាម​ធ្វើ​ឱ្យ​មួយ​ថៃ​កាន់តែ​មាន​ប្រជាប្រិយភាព​ក្នុង​ចំណោម​ជនបរទេស​តាម​រយៈ​គំនិត​ផ្តួចផ្តើម​ផ្សេង​ទៀត ដូច​ជា​ការ​ដាក់​បញ្ចូល​ប្រព័ន្ធ​ចំណាត់ថ្នាក់​ស្រ​ដៀង​នឹង​ប្រព័ន្ធ​ចំណាត់ថ្នាក់​ខ្សែ​ក្រ​វ៉ា​ត់​កីឡា​តេ​ក្វា​ន់​ដូ​។ ការ​ជួយ​ជួយ​គ្រូបង្ហាត់​មួយ​ថៃ​ឱ្យ​កាន់តែ​មាន​ជំនាញ​វិជ្ជាជីវៈ និង​របៀប​ជំរុញ​ការ​ប្រកួត​បន្ថែម​ទៀត​នៅ​គ្រប់​កម្រិត​ទាំងអស់​។ ការ​បង្កើន​ចំនួន​កន្លែង​បណ្តុះបណ្តាល​មួយ​ថៃ​នៅ​បរទេស និង​លើកកម្ពស់​ការ​ផលិត​ឧបករណ៍​មួយ​ថៃ​បន្ថែម​ទៀត ដែល​ទាំង​អស់នេះ​នឹង​បន្ថែម​ការ​បញ្ចូល​គ្នា​នៃ​ការ​ពង្រីក​សក្តានុពល​កីឡា​ជាតិ​ផង​ដែរ​។

លោក Pimol Srivikorn ទីប្រឹក្សានាយករដ្ឋមន្ត្រី និង​ជា​ប្រធាន​អនុ​គណៈកម្មាធិការ​កីឡា​ក្នុង​គណៈកម្មាធិការ​យុទ្ធសាស្ត្រ​អំណាច​ទន់​ជាតិ​លើក​ឡើង​ថា រដ្ឋាភិបាល​មានការ​រីក​ចម្រើន​គួរ​ឱ្យ​កត់សម្គាល់​ក្នុង​ការ​លើកកម្ពស់​មួយ​ថៃ ហើយ​ជា​ផ្នែក​មួយ លោក​បាន​ជួប​ជាមួយ​អភិបាលក្រុង​បាងកក លោក Chadchart Sittipunt កាលពី​ពេល​ថ្មី​ៗ​នេះ ដើម្បី​ពិភាក្សា​ផែនការ​បញ្ជូន​គ្រូបង្ហាត់​មួយ​ថៃ​ទៅ​កាន់​សាលា​មួយ​ចំនួន​ក្នុង​ទីក្រុង​បាងកក ហើយ​អនុស្សរណៈ​នៃ​ការ​យោគយល់​គ្នា ដែល​ធ្វើ​ឡើង​ជាមួយនឹង​រដ្ឋបាល​ក្រុង​បាងកក នឹង​ត្រូវ​ចុះហត្ថលេខា​នៅ​ថ្ងៃ​ទី​២៩ ខែមករា ខាង​មុខ​នេះ​។

លោក​បាន​បន្ថែម​ថា គណៈកម្មាធិការ​ក៏​កំពុង​ស្វែងរក​ការ​រៀបចំ​ថ្នាក់​គោល​មួយ​ថៃ នៅ​ប្រទេស​អង់គ្លេស ដែល​អនុញ្ញាត​ជនបរទេស​អាច​រៀន​ក្បាច់គុន​ពី​គ្រូ​មួយ​ថៃ ដែល​មានការ​ទទួលស្គាល់​លំដាប់​អន្តរជាតិ​ដូច​ជា កីឡាករ Rodtang Jitmuangnon, Buakaw Banchamek និង Superbon Singha Mawynn រយៈពេល​មួយ​ថ្ងៃ​ពេញ​នៅ​ក្នុង​ខែមេសា​។ ថ្នាក់​គោល​នេះ នឹង​បំផុសគំនិត​ជនបរទេស ដោយ​ជំរុញ​ពួក​គេ​អញ្ជើញ​មិត្តភក្តិ​ពួក​គេ​មក​លេង​ប្រទេស​ថៃ ដែល​នឹង​ជំរុញ​ដល់​វិស័យ​ទេសចរណ៍​ជាតិ​ផង​ដែរ​៕

អត្ថបទសរសេរ ដោយ

កែសម្រួលដោយ