អាសូរ! និស្សិតម្នាក់ស្រូតចេញពីស្រុក មកធ្វើការនៅភ្នំពេញ ជួបគ្រោះអកុសលលើស្ពានអាកាស៧ មករា
- ភ្នំពេញ
រាជធានីភ្នំពេញ ៖ និស្សិតឆ្នាំទី៤ម្នាក់ ជិះម៉ូតូមកពីស្រុក ដើម្បីទៅធ្វើការនៅពេលព្រឹក បានរ៉េចង្កូត
រាជធានីភ្នំពេញ ៖ និស្សិតឆ្នាំទី៤ម្នាក់ ជិះម៉ូតូមកពីស្រុក ដើម្បីទៅធ្វើការនៅពេលព្រឹក បានរ៉េចង្កូត
រាជធានីភ្នំពេញ ៖ និស្សិតឆ្នាំទី៤ម្នាក់ ជិះម៉ូតូមកពីស្រុក ដើម្បីទៅធ្វើការនៅពេលព្រឹក បានរ៉េចង្កូត ទៅបុ.កបង្កាន់ដៃស្ពានអាកាស៧មករា បណ្តាលឱ្យស្លា.ប់យ៉ាងអាណោចអាធ័ម បង្កឱ្យមានការភ្ញាក់ផ្អើល កាលពីវេលាម៉ោង៤នឹង៥០នាទីទៀបភ្លឺថ្ងៃទី២២ ខែមករា ឆ្នាំ២០២៤ នៅលើស្ពានអាកាស៧មករា ស្ថិតនៅសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ។
ជនរងគ្រោះឈ្មោះ ទុង សុខឿន ភេទប្រុស អាយុ22ឆ្នាំ មុខរបរនិស្សិតឆ្នាំទី៤ផ្នែកប្រវត្តិវិទ្យា មានស្រុក កំណើតនៅខេត្តតាកែវ ។ ជនរងគ្រោះជិះម៉ូតូម៉ាកឌ្រីមសង់ ស៊េរីឆ្នាំ២០១៤ ពណ៌ខ្មៅ ពាក់ស្លាកលេខ ភ្នំពេញ 1CJ-2096 បើកបរ តាមបណ្ដោយផ្លូវសហព័ន្ធរុស្ស៊ី ឡើងស្ពានអាកាស៧មករា ក្នុងទិសដៅពីលិចទៅកើត ។
តាមប្រភពព័ត៌មានពីកន្លែងកើតហេតុ បានឱ្យដឹងថា នៅមុនពេលកើតហេតុ គេឃើញជនរគ្រោះ ជិះម៉ូតូម៉ាកឌ្រីមសង់ ស៊េរីឆ្នាំ២០១៤ ពណ៌ខ្មៅ ធ្វើដំណើរតែម្នាក់ឯង ក្នុងទិសដៅពីលិចទៅកើត ក្នុងល្បឿនយ៉ាងលឿន លុះមកដល់ចំណុចកើតហេតុ ក៏ស្រាប់តែជនរងគ្រោះ បានរ៉េចង្កូតទៅទៅផ្នែកខាងស្តាំ បុ.កបង្កាន់ដៃស្ពានអាកាស បណ្តាលឱ្យជនរងគ្រោះបោកទៅនឹងបង្គោលភ្លើង បែ.កក្បាល ចំណែកមួកសុវត្ថិភាពធ្លាក់ពីលើស្ពានចុះមកក្រោម ។
តាមប្រភពព័ត៌មានបានបន្តទៀតថា ជើងជនរងគ្រោះផ្នែកខាងស្ដាំបោកជាមួយបង្កាន់ដៃស្ពាន បណ្តាលឱ្យបាក់ជង្គង់ចេញឆ្អឹងមកខាងក្រៅស្លា.ប់ ភ្លាមៗនៅកន្លែងកើតហេតុ ។
បើតាមប្រភពព័ត៌មានពីមិត្តភក្ដិជនរងគ្រោះបាននិយាយប្រាប់ថា ជនរងគ្រោះ ទើបត្រឡប់មកពីស្រុកកំណើតនៅខេត្តតាកែវ ដោយភ្ញាក់តាំងពីជិតភ្លឺ ដើម្បីទៅធ្វើការបុគ្គលិកការាស់សាំងនៅម្តុំស្ពានអាកាស៥មករា ហើយមិត្តភក្តិជនរងគ្រោះបានបញ្ជាក់ទៀតថា ជនរងគ្រោះធ្វើការនៅពេល ព្រឹក ហើយរៀននៅពេលល្ងាច ។
ក្រោយពេលកើតហេតុ កម្លាំងសមត្ថកិច្ចនគរបាលជំនាញចរាចរណ៍ខណ្ឌទួលគោក បានធ្វើលិខិតប្រគល់ស.ពឱ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី ។ សមត្ថកិច្ចជំនាញចរាចរណ៍ខណ្ឌទួលគោក យកម៉ូតូជនរងគ្រោះយកទៅរក្សាទុក ដើម្បីរង់ចាំប្រគល់ឱ្យក្រុមគ្រួសារវិញ ៕
ចែករំលែកព័តមាននេះ