លោកផ្កាយ១ ស្នងការរងខេត្តកំពង់ស្ពឺ ត្រូវបញ្ជូនទៅតុលាការហើយ ក្រោយប្រពន្ធដើម ប្ដឹ.ងរឿងក្លែងលិខិតលួ.ចការប្រពន្ធថ្មី
- កំពង់ស្ពឺ
ខេត្តកំពង់ស្ពឺ ៖ លោកឧត្តមសេនីយ៍ត្រី ង៉ាម រី ស្នងការរងនៃស្នងការនគរបាលខេត្តកំពង់ស្ពឺ ទទួល
ខេត្តកំពង់ស្ពឺ ៖ លោកឧត្តមសេនីយ៍ត្រី ង៉ាម រី ស្នងការរងនៃស្នងការនគរបាលខេត្តកំពង់ស្ពឺ ទទួល
ខេត្តកំពង់ស្ពឺ ៖ លោកឧត្តមសេនីយ៍ត្រី ង៉ាម រី ស្នងការរងនៃស្នងការនគរបាលខេត្តកំពង់ស្ពឺ ទទួលបន្ទុកអន្តរាគមន៍ ពេលនេះត្រូវបានកូនចៅរបស់លោកនៅកងអន្តរាគមន៍ការពារយ៉ាងព្រោងព្រាត ជាទីបំផុត គ្រាដែលលោកត្រូវបានបញ្ជូនខ្លួនទៅកាន់អយ្យការសាលាដំបូងខេត្តកំពង់ស្ពឺហើយនៅព្រឹកថ្ងៃទី១៩ ខែមករា ឆ្នាំ២០២៤ ដើម្បីសាកសួរជុំវិញការក្លែងឯកសាររៀបការប្រពន្ធថ្មី។
លោកឧត្តមសេនីយ៍ត្រី ង៉ាម រី ត្រូវបានអយ្យការសាលាដំបូងខេត្តកំពង់ស្ពឺ បញ្ជាឱ្យឃាត់ខ្លួនកាលពីព្រលប់ថ្ងៃទី ១៨ ខែមករា ឆ្នាំ២០២៤ តាមអាធិបញ្ជារបស់ លោក ស៊ិន វិរៈ ព្រះរាជអាជ្ញាអមអយ្យការសាលាដំបូងខេត្តកំពង់ស្ពឺ។
មហាជនក៏ដូចជាមន្ត្រីរាជការទូទាំងខេត្តកំពុងរង់ចាំមើលថាតើវាសនារបស់លោកង៉ាវរីនិងទៅជាយ៉ាងណា ក្រោយពេលបញ្ជូនទៅកាន់តំណាងអយ្យការធ្វើការសាកសួរ។
រហូតមកដល់ព្រឹកថ្ងៃទី១៩ ខែមករា ឆ្នាំ២០២៤នេះ ប្រពន្ធដើមរបស់លោកហាក់បីដូចជាបន្ទន់ឥរិយាបថខ្លះៗហើយ តែទោះជាយ៉ាងណាក៏លោកអាចនឹងជាប់ពាក់ព័ន្ធបទល្មើសផ្សេងៗទៀតផងដែរ។
ចំណែកឯរោងការដែលទើបសង់ឡើងកាលពីព្រឹកថ្ងៃទី 18 ខែមករាឆ្នាំ 2023 នោះក្នុងគោលបំណងសែនចងដៃកាត់សក់បង្កក់សេរីក្នុងពិធីអាពាហ៍ពិពាហ៍របស់លោកជាមួយកូនក្រមុំថ្មីនោះក៏ត្រូវបានរុះរើចេញហើយដែរ។ ចំណែកឯភ្ញៀវដែលគ្រោងនឹងមកចូលរួមពិធីនេះក៏បានដឹងគ្រប់គ្នាអស់ហើយ តាមរយៈការជូនដំណឹងរបស់សារព័ត៌មាន។
សូមបញ្ជាក់ថា លោក ង៉ាម រី ឬលោក ឃុត វឌ្ឍនា បានដាក់ពាក្យស្នើសុំចុះសំបុត្រអាពាហ៍ពិពាហ៍ ដើម្បីរៀបការជាមួយនារីម្នាក់ដែលជាអាជីវករនៅក្នុងសង្កាត់កណ្តោលដុំ ក្រុងច្បារមន ទាំងមិនទាន់បានលែងលះប្រពន្ធដើមដាច់ស្រេច។ ជាមួយនឹងការដាក់ពាក្យស្នើរសុំរៀបអាពាហ៍ពិពាហ៍ លោក ង៉ាម រី បានក្លែងឯកសារដោយដូរឈ្មោះ ទីកន្លែងរស់នៅ និងបញ្ជាក់ភាពពោះម៉ាយដោយចៅសង្កាត់បឹងសាឡាង រាជធានីភ្នំពេញ។ ការដាក់ពាក្យស្នើសុំដើម្បីរៀបអាពាហ៍ពិពាហ៍នេះ អាជ្ញាធរសង្កាត់កណ្តោលដុំក៏បានឯកភាព ហើយសាម៉ីខ្លួនទាំងសងខាងក៏បានបោះធៀបការហៅភ្ញៀវ ដើម្បីអបអរសាទរពិធីមង្គល ដែលនឹងរៀបចំឡើងនៅល្ងាចថ្ងៃ១៩ ខែមករា ឆ្នាំ២០២៤ រួចរាល់ហើយដែរ។
ពាក់ព័ន្ធនឹងចំណាត់ការយ៉ាងណា ព្រះរាជអាជ្ញាអមអយ្យការសាលាដំបូង លោក ស៊ិន វិរៈ នៅមិនទាន់បញ្ជាក់ឱ្យច្បាស់នៅឡើយទេ ខណៈកំពុងសាកសួរជនសង្ស័យនៅអយ្យការនៅឡើយ ៕
ខាងក្រោមនេះជាអត្ថបទពាក់ព័ន្ធ ៖
ចែករំលែកព័តមាននេះ