រាជធានីភ្នំពេញ ៖ បុរសម្នាក់ត្រូវគេដាក់ពាក្យបណ្តឹង៣ទីតាំងផ្សេងគ្នា ក្រោយបន្លំខ្ចីម៉ូតូគេយកទៅបាត់ជាបន្តបន្ទាប់អស់ចំនួន៣គ្រឿង ហើយគេខ្លួនមិនចូលដោះស្រាយ ខណៈប្រជាពលរដ្ឋដែលជាម្ចាស់ម៉ូតូស្នើសុំកម្លាំងសមត្ថកិច្ចបន្តឃ្លាំមើល បន្ទាប់ពីលេចឮថា ជនសង្ស័យម្នាក់នោះបម្រុងគេចខ្លួនឆ្លងទៅប្រទេសថៃ។ តាមការរៀបរាប់អោយដឹងថា បុរសខាងលើឈ្មោះរុន…
រាជធានីភ្នំពេញ ៖ បុរសម្នាក់ត្រូវគេដាក់ពាក្យបណ្តឹង៣ទីតាំងផ្សេងគ្នា ក្រោយបន្លំខ្ចីម៉ូតូគេយកទៅបាត់ជាបន្តបន្ទាប់អស់ចំនួន៣គ្រឿង ហើយគេខ្លួនមិនចូលដោះស្រាយ ខណៈប្រជាពលរដ្ឋដែលជាម្ចាស់ម៉ូតូស្នើសុំកម្លាំងសមត្ថកិច្ចបន្តឃ្លាំមើល បន្ទាប់ពីលេចឮថា ជនសង្ស័យម្នាក់នោះបម្រុងគេចខ្លួនឆ្លងទៅប្រទេសថៃ។
តាមការរៀបរាប់អោយដឹងថា បុរសខាងលើឈ្មោះរុន ស្រស់ ហៅស្នា ភេទប្រុស អាយុ៣១ឆ្នាំ មុខរបរកម្មករសំណង់មានស្រុកកំណើតភូមិវាល ឃុំស្អាង ស្រុកស្អាង ខេត្តកណ្តាល ។ តាមការរៀបរាប់របស់ជនរងគ្រោះឈ្មោះ ឯក រ៉ាទីន ភេទប្រុស អាយុជាង៣០ឆ្នាំ រស់នៅស្រុកស្អាង ខេត្តកណ្តាល អោយដឹងថា ចាប់តាំងពីថ្ងៃទី២៨ ខែធ្នូ ឆ្នាំ២០២៣ ជនសង្ស័យខាងលើ បានប្រើប្រាស់ល្បិចខ្ទីម៉ូតូឌ្រីមC125 CCស៊េរីឆ្នាំ២០១៥ជិះ ក្រោយមកស្រាប់តែបាត់ដំណឹងមិនឃើញយកម៉ូតូត្រឡប់វិញ ។
លុះស៊ើបទើបដឹងថា ជនសង្ស័យខាងលើក្នុងរយៈពេលប៉ុន្មានថ្ងៃសោះ ខ្ចីម៉ូតូគេបន្តបន្ទាប់អស់ចំនួន៣គ្រឿង យកទៅបាត់ស្រមោល ។ តាមការរៀបរាប់បន្ថែមថា ម៉ូតូទី១ត្រូវជនសង្ស័យយកនៅខេត្តតាកែវម៉ូតូទី២យកនៅស្រុកស្អាង ខេត្តកណ្តាល និងម៉ូតូទី៣យកនៅទឹកថ្លា ខណ្ឌសែនសុខ រាជធានីភ្នំពេញ ។
ក្រោយបាត់ដំណឹងជនរងគ្រោះដែលជាម្ចាស់ម៉ូតូខាងលើ ក៏បានដាក់ពាក្យបណ្តឹងនៅតាមគោលដៅផងដែរ ដូចជាការដាក់ពាក្យបណ្តឹងនៅខេត្តតាកែវ ពាក្យបណ្តឹងដាក់ចូលសមត្ថកិច្ចស្រុកស្អាង និងពាក្យបណ្តឹងដាក់ចូលទៅអធិការដ្ឋានខណ្ឌសែនសុខជាដើម។ ប៉ុន្តែរហូតមកទល់ពេលនេះ ពុំទាន់មានពន្លឺណាមួយពីសមត្ថកិច្វទាំងនោះឡើយ តែមានតម្រុយថា ជនសង្ស័យរូបនោះបម្រុងឆ្លងដែនគេចទៅប្រទេសថៃហើយ ។
ចែករំលែកព័តមាននេះ