- ភ្នំពេញ
រាជធានីភ្នំពេញ ៖ រាជរដ្ឋាភិបាលអាណត្តិទី៧ តាមរយៈក្រសួងមហាផ្ទៃ បានប្រកាសបើកយុទ្ធនាការប្រយុទ្ធប្រឆាំងគ្រឿងញៀ.នខុសច្បាប់លើកទី៩ មានរយៈពេល១ឆ្នាំ នៅឆ្នាំ២០២៤ នេះ ។ យុទ្ធនាការនេះបានដាក់ចេញ…
រាជធានីភ្នំពេញ ៖ រាជរដ្ឋាភិបាលអាណត្តិទី៧ តាមរយៈក្រសួងមហាផ្ទៃ បានប្រកាសបើកយុទ្ធនាការប្រយុទ្ធប្រឆាំងគ្រឿងញៀ.នខុសច្បាប់លើកទី៩ មានរយៈពេល១ឆ្នាំ នៅឆ្នាំ២០២៤ នេះ ។ យុទ្ធនាការនេះបានដាក់ចេញ…
រាជធានីភ្នំពេញ ៖ រាជរដ្ឋាភិបាលអាណត្តិទី៧ តាមរយៈក្រសួងមហាផ្ទៃ បានប្រកាសបើកយុទ្ធនាការប្រយុទ្ធប្រឆាំងគ្រឿងញៀ.នខុសច្បាប់លើកទី៩ មានរយៈពេល១ឆ្នាំ នៅឆ្នាំ២០២៤ នេះ ។ យុទ្ធនាការនេះបានដាក់ចេញ ក្រោយពីយុទ្ធនាការប្រឆាំងគ្រឿងញៀ.ន បានអនុវត្តចំនួន៨លើកកន្លងមក ហើយត្រូវបានអះអាងថា ទទួលបានលទ្ធផលវិជ្ជមាន ។
ក្នុងចំណោមគោលការណ៍ណែនាំជាច្រើនចំណុច នៅក្នុងផែនការនៃយុទ្ធនាការប្រយុទ្ធប្រឆាំងគ្រឿងញៀ.នខុសច្បាប់លើកទី៩ រយៈពេល ១ឆ្នាំ ចាប់ពីថ្ងៃទី១ ខែមករា ដល់ថ្ងៃទី៣១ ខែធ្នូ ឆ្នាំ២០២៤ សម្តេចធិបតី ហ៊ុន ម៉ាណែត នាយករដ្ឋមន្ត្រីក៏បានណែនាំផងដែរលើការពង្រឹង និងជំរុញយន្តការត្រួតពិនិត្យសារធាតុគីមីផ្សំឱ្យបានរឹងមាំ និងសកម្ម ក្នុងការទប់ស្កាត់ការលួចបង្វែរសារធាតុគីមីផ្សំយកទៅធ្វើការកែច្នៃផលិតគ្រឿងញៀ.នខុសច្បាប់ នៅក្នុងប្រទេសកម្ពុជាយើង ។
សម្តេចធិបតី ហ៊ុន ម៉ាណែត បានជំរុញឲ្យអនុវត្តវិធានការច្បាប់ និងវិធានការរដ្ឋបាលឱ្យបានម៉ឺងម៉ាត់ និងដូចភ្លៀងរលឹម សំដៅស្រាវជ្រាវរកឱ្យឃើញបណ្តាញអង្គការចាត់តាំងនៃក្រុមឧក្រិ.ដ្ឋជនគ្រឿងញៀ.ន ឧបាយកល សកម្មភាពទំនាក់ទំនង ការដឹកជញ្ជូន កែច្នៃ ផលិត ជួញដូរគ្រឿងញៀ.ន រួមទាំងទីតាំងប្រមូលផ្តុំការប្រើប្រាស់គ្រឿងញៀ.ន ដើម្បីបើកប្រតិបត្តិការបង្ក្រាបឱ្យដល់ឫសគល់ ប្រកបដោយប្រសិទ្ធភាព ។
ជាមួយគ្នានេះ ដើម្បីឲ្យកម្ពុជាជាប្រទេសគ្មានគ្រឿងញៀ.ន និងរក្សាគ្រួសារនីមួយៗជាគ្រួសារស្អាតស្អំ គ្មានគ្រឿងញៀ.ន តាមទស្សនវិស័យ «ចូលរួមទាំងអស់គ្នា ដើម្បីជីវិត និងសហគមន៍គ្មានគ្រឿងញៀ.ន» សម្តេចធិបតី នាយករដ្ឋមន្ត្រី ក៏ឲ្យរៀបចំប្រព័ន្ធទូរស័ព្ទទាន់ហេតុការណ៍ ដើម្បីដាក់ឱ្យដំណើរការក្នុងការទទួលព័ត៌មាន និងចាត់វិធានការដោះស្រាយ និងអន្តរាគមន៍ នៅពេលមានបណ្ដឹងព័ត៌មាន ឬសំណូមពរពីមជ្ឈដ្ឋាននានាពាក់ព័ន្ធបទល្មើសគ្រឿងញៀ.ន ។
គួរបញ្ជាក់ថា កម្ពុជាបានដាក់ចេញយុទ្ធនាការប្រយុទ្ធប្រឆាំងគ្រឿងញៀ.នខុសច្បាប់ចំនួន៨លើកមកហើយ ចាប់តាំងពីឆ្នាំ២០១៧ ដោយបានបើកប្រតិបត្តិការបង្ក្រាបបទល្មើសគ្រឿងញៀ.នសរុបបានចំនួនជាង៥ម៉ឺនករណី ឃាត់ខ្លួនជនសង្ស័យជាង១២ម៉ឺននាក់ ចាប់យកសារធាតុញៀ.នគ្រប់ប្រភេទទម្ងន់ ប្រមាណជាង២៧ម៉ឺនគីឡូក្រាម និងសារធាតុគីមីផ្សំប្រមាណជាង៥០ម៉ឺនគ.ក ។
ក្នុងនោះ សមត្ថកិច្ចបានស្រាវជ្រាវ បានរកឃើញ និងបានបង្ក្រាបបទល្មើសគ្រឿងញៀ.ន ដែលមានអង្គការចាត់តាំងចំនួន៤៣៥ករណី ឃាត់ខ្លួនមេខ្លោង ១៦៤នាក់ និងខ្សែរយៈបណ្ដាញ ៨១១នាក់ ហើយបានកសាងសំណុំរឿងបញ្ជូនទៅតុលាការ ដើម្បីផ្តន្ទាទោសតាមច្បាប់។
មកដល់ពេលនេះ សំណុំរឿងគ្រឿងញៀ.ន នៅតុលាការ ទូទាំងប្រទេសកម្ពុជាយើង ត្រូវបានរដ្ឋមន្ត្រីក្រសួងយុត្តិធម៌ លោក កើត រិទ្ធ បានប្រកាស កាលពីថ្ងៃទី៩មករា ឆ្នាំ២០២៤ ថា គិតត្រឹមថ្ងៃទី១១ ខែធ្នូ ឆ្នាំ២០២៣ មានប្រមាណជា៦៦% នៃសំណុំរឿងព្រហ្មទណ្ឌទាំងអស់ ។ ទំហំនេះធំណាស់ ដែលយើងត្រូវមើលឱ្យឃើញពីគ្រោះថ្នាក់នៃគ្រឿងញៀ.ន ។ អ្នកកំពុងជាប់ឃុំនៅពន្ធនាគារ ដែលកំពុងធ្វើឱ្យចង្អៀតណែន នៅក្នុងពន្ធនាគារនៅកម្ពុជាយើងក៏ជាអ្នកជាប់ពាក់ព័ន្ធនឹងគ្រឿងញៀ.ន ជាង៥០% ដូចគ្នា ។ ដូច្នេះយើងត្រូវប្រកាសថា នេះគឺជាគ្រោះថ្នាក់សម្រាប់សង្គមជាតិ ។
ក្នុងសន្និសីទកាសែតស្តីពីការប្រកាសដាក់ចេញនូវ «យុទ្ធនាការជំរុញ និងពន្លឿនការដោះស្រាយរឿងក្តី នៅតាមតុលាការ» និង «យុទ្ធនាការត្រួតពិនិត្យ និងដោះស្រាយភាពមិនប្រក្រតី នៅតាមតុលាការ» កាលពីរសៀលថ្ងៃទី៩ ខែមករា ឆ្នាំ២០២៤ លោកកើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានប្រកាសបើកយុទ្ធនាការតាមដានសំណុំរឿងគ្រឿងញៀ.ន នៅតុលាការដោយប្រើអភិក្រម «វះកាត់» ។ នោះ គឺលើសំណុំរឿងគ្រឿងញៀ.ន តុលាការត្រូវឈរលើគោលការណ៍ ៣គឺ៖ ទី១-តម្លាភាព ទី២-ភាពម៉ឺងម៉ាត់ និងទី៣-ភាពត្រឹមត្រូវក្នុងការអនុវត្តច្បាប់ ។ បើមិនដូច្នោះទេ តុលាការ ទាំងព្រះរាជអាជ្ញា ទាំងចៅក្រម ដែលដោះលែងឧក្រិ.ដ្ឋជនគ្រឿងញៀ.ន ដោយសារតែរឿងផលប្រយោជន៍ផ្ទាល់ខ្លួននឹងត្រូវក្រសួងចាត់វិធានការផ្លូវច្បាប់ជាមិនខាន។ លោកឧបនាយករដ្ឋមន្ត្រី កើត រិទ្ធ បានលើកឡើងថា បញ្ហាគ្រឿងញៀ.ន មិនត្រឹមតែបង្កបញ្ហាអសន្តិសុខដល់សង្គមជាតិទេ តែវាបានបំផ្លាញធនធានមនុស្សនៅកម្ពុជាតែម្តង ។ សម្រាប់រាជរដ្ឋាភិបាល តាមរយៈកងកម្លាំងប្រដាប់អាវុ.ធ មានប៉ូលិស និងប៉េអឹម រួមទាំងតុលាការ ពាក់ព័ន្ធគ្រឿងញៀ.ន គឺមិនត្រូវលើកលែង ហើយត្រូវម៉ឺងម៉ាត់ ។
ក្នុងជួរកងកម្លាំងប្រដាប់អាវុធ ពិសេសប៉ូលិស បើពាក់ព័ន្ធគ្រឿងញៀ.ន កុំថាឡើយជួញដូរ ឬឃុបឃិត ឬដោះលែងឧក្រិ.ដ្ឋជនគ្រឿងញៀ.ន គឺសូម្បីតែរកឃើញថា ជាអ្នកប្រើប្រាស់គ្រឿងញៀ.ន ក៏ប៉ូលិសនោះត្រូវបានបណ្តេញចេញពីក្របខណ្ឌតែម្តង ។ នៅតុលាការ ចៅក្រមព្រះរាជអាជ្ញា និងមន្ត្រីតុលាការទាំងអស់ត្រូវធានាឱ្យបានដាច់ខាតនៅក្នុងគោលការណ៍ការងារ ៖ ទី១-គឺតម្លាភាព ទី២-ភាពម៉ឺងម៉ាត់ និងទី៣-ភាពត្រឹមត្រូវក្នុងការអនុវត្តច្បាប់ ។
មន្ត្រីតុលាការ ក៏ត្រូវចូលរួមចំណែកទទួលខុសត្រូវចំពោះមុខប្រជាជាតិដែរ ជាពិសេស គឺបញ្ហាគ្រឿងញៀ.ន ។ ពោល គឺចោទប្រកាន់ ផ្តន្ទាទោសឧក្រិ.ដ្ឋជនគ្រឿងញៀ.ន ដោយមិនត្រូវដោះលែង ដើម្បីជាថ្នូរនឹងផលប្រយោជន៍ផ្ទាល់ខ្លួនទេ ។ ក្រៅពីវិធានការវិធានការច្បាប់ ដែលរាជរដ្ឋាភិបាល កងកម្លាំងប្រដាប់អាវុ.ធ និងតុលាការ អនុវត្តហើយនោះ ប្រជាពលរដ្ឋម្នាក់ៗ ត្រូវតែចូលរួមតាមរយៈអភិក្រមគ្រឿងញៀ.ន ដូចមន្ត្រី អាជ្ញាធរសមត្ថកិច្ចដែរ គឺ «៣មិន ១រាយការណ៍» នោះ គឺ មិនពាក់ប្រើប្រាស់ ឬជួញដូរមិនពាក់ព័ន្ធគ្រឿងញៀ.ន និងមិនអន្តរាគមន៍ ហើយបើដឹងពីអ្នកប្រើប្រាស់-អ្នកជួញដូរគ្រឿងញៀ.ន ត្រូវរាយការណ៍ទៅកាន់អាជ្ញាធរសមត្ថកិច្ច ។
ជាការពិត ទោះបីជាគ្រឿងញៀ.ន នៅស្រុកយើងរីករាលដាល ហើយកងកម្លាំងសមត្ថកិច្ចចាប់បង្ក្រាបមួយករណីៗ មានដល់រាប់រយរាប់ពាន់គីឡូក្រាមក្តី តែបើបុគ្គលម្នាក់ៗមិនយកលុយទៅទិញ មិនសាកល្បង និងមិនប្រើប្រាស់គ្រឿងញៀ.នក៏មិនដល់ថ្នាក់ ក្រុមឈ្មួញគ្រឿងញៀ.ន មកចា.ប់ចងដៃ ចងជើងយើង ឬបង្ខំឱ្យប្រើប្រាស់គ្រឿងញៀ.នទេ។
ម្យ៉ាងទៀត ទោះបីជាអ្នកញៀ.នគ្រឿងញៀ.ន ក៏នៅតែអាចផ្តាច់បាន ដោយប្រទេសយើងមានកន្លែងបន្សាប និងកាត់ផ្តាច់គ្រឿងញៀ.នច្រើនកន្លែងយូរមកហើយ ។ ដូច្នេះក្រៅតែពីវិធានការច្បាប់របស់អាជ្ញាធរសមត្ថកិច្ច បើទោះបីជាពិបាកច្បាមរកប្រភពមេខ្លោងធំគ្រឿងញៀ.នក៏ដោយ តែសំខាន់បំផុតបុគ្គលម្នាក់ៗ គ្រួសារនីមួយៗ ពិសេសយុវជនយើង ត្រូវតែចូលរួមទប់ស្កាត់ខ្លួនឯង ទប់ស្កាត់កូនក្មួយ និងក្រុមគ្រួសារ ដោយធ្វើយ៉ាងណានៅឱ្យឆ្ងាយពីគ្រឿងញៀ.ន ។ គ្រឿងញៀ.ន បំផ្លាញអ្វីៗគ្រប់យ៉ាងរាប់ទាំងអនាគតរបស់បុគ្គលអ្នកសេពគ្រឿងញៀ.ននោះផង ៕
ចែករំលែកព័តមាននេះ