រដ្ឋាភិបាលថៃគ្រោងផ្តល់ជូនទិដ្ឋាការពិសេស សម្រាប់ជនបរទេសចង់មកហាត់«មួយថៃ»
ថៃ ៖ រដ្ឋាភិបាលថៃគ្រោងនឹងណែនាំលើការលើកលែងទិដ្ឋាការពិសេសរយៈពេល៩០ថ្ងៃ សម្រាប់ជន
ថៃ ៖ រដ្ឋាភិបាលថៃគ្រោងនឹងណែនាំលើការលើកលែងទិដ្ឋាការពិសេសរយៈពេល៩០ថ្ងៃ សម្រាប់ជន
ថៃ ៖ រដ្ឋាភិបាលថៃគ្រោងនឹងណែនាំលើការលើកលែងទិដ្ឋាការពិសេសរយៈពេល៩០ថ្ងៃ សម្រាប់ជនទេសចរបរទេសចង់មកប្រទេសថៃក្នុងបំណងហាត់ក្បាច់គុនប្រដាល់ថៃ ឬមួយថៃ ដើម្បីបញ្ចប់វគ្គហ្វឹកហាត់របស់ពួកគេ។ នេះបើយោងតាមប្រភពពីសារព័ត៌មានថៃបាងកកប៉ុស្តិ៍ ចេញផ្សាយកាលពីថ្ងៃទី១៤ ខែមករា កន្លងទៅ។
លោក Pimol Srivikorn ទីប្រឹក្សានាយករដ្ឋមន្ត្រី និងជាប្រធានអនុគណៈកម្មាធិការរបស់រដ្ឋាភិបាលសម្រាប់ការជំរុញសកម្មភាពទាក់ទងនឹងកីឡា បានថ្លែងថា សមាជិកបានសម្រេចចិត្តនៅក្នុងកិច្ចប្រជុំកាលពីថ្ងៃទី១២ ខែមករា កន្លងទៅ ដើម្បីលើកកម្ពស់ប្រដាល់មួយថៃ ដែលជាផ្នែកមួយនៃអំណាចទន់លើការជំរុញវិស័យទេសចរណ៍ និងសេដ្ឋកិច្ចរបស់ប្រទេសថៃ។ លោកបន្តថា ជាមួយនឹងទិដ្ឋាការទេសចរណ៍ ជនបរទេសអាចស្នាក់នៅក្នុងប្រទេសថៃបានរហូតដល់៦០ថ្ងៃ ប៉ុន្តែជាមួយនឹងទិដ្ឋាការពិសេសសម្រាប់មករៀនមួយថៃ ពួកគេអាចស្នាក់នៅបានរហូតដល់៩០ថ្ងៃ។
លោកបានបន្ថែមទៀតថា រដ្ឋាភិបាលនឹងកំណត់កម្រិតស្ដង់ដារ ដើម្បីទទួលបានថ្នាក់រៀន ហើយក៏មានការបញ្ជាក់សម្រាប់គ្រូបង្វឹកមួយថៃ ដូច្នេះសិល្បៈគុនប្រយុទ្ធជាតិមួយនេះ អាចត្រូវបានផ្សព្វផ្សាយយ៉ាងត្រឹមត្រូវ និងទូលំទូលាយជុំវិញពិភពលោក។ លើសពីនេះ រដ្ឋាភិបាលនឹងផ្សព្វផ្សាយមួយថៃ តាមរយៈគេហទំព័រផ្លូវការ Now Muay Thai (www.nowmuaythai.com) ដែលជាវេទិកាសម្រាប់ជនបរទេសដែលចាប់អារម្មណ៍លើមួយថៃ ដើម្បីជ្រើសរើសវគ្គសិក្សាទូទាំងប្រទេសថៃ៕
ចែករំលែកព័តមាននេះ