ប្រទេសវៀតណាម ៖ ក្នុងរយៈពេល១១ថ្ងៃ នៃឆ្នាំ២០២៤នេះ ប្រទេសវៀតណាមបានជួបរឿងហេតុគ្រោះថ្នាក់ធំៗផ្ទួនៗ ដូចជា ៖ ឧបទ្ទវហេតុផ្ទុះឆេះយន្តហោះយោធា ធ្លាក់លើផ្ទះអ្នកស្រុក ក្នុងខេត្ត Quang Nam និងហេតុការណ៍ភ្លើងឆេះព្រៃដ៏សន្ធោសន្ធៅនៅលើកំពូលភ្នំ Co Tien ក្នុងទីក្រុងឆ្នេរសមុទ្រ Nha Trang ជាដើម។ គួររំលឹកថា ៖ ភ្លើងឆាបឆេះភ្នំ Co Tien យ៉ាងក្រហមឆ្អិនឆៅ ហាក់បីដូចជាសមុទ្រភ្លើង ។
រហូតឈានមកដល់ថ្ងៃទី១២ ខែមករា ឆ្នាំ២០២៤នេះ សារព័ត៌មាន VN Express បានផ្សាយថា «ផ្លូវហាយវេលេខ១៤ ដែលជាផ្លូវជាតិវែងជាងគេបំផុតទី២ ហើយត្រូវគេចាត់ទុកជាផ្លូវសរសៃឈា.មដ៏សំខាន់ក្នុងតំបន់ខ្ពង់រាបកណ្តាលប្រទេសវៀតណាមនោះ កំពុងបន្តរងការខូចខាតយ៉ាងធ្ងន់ធ្ងរ ខណៈពេលដែលស្នាមប្រេះកាន់តែបន្តរីករាលដាលធំឡើងៗ ប្រវែងជាង១០០០ម៉ែត្រ នៅក្នុងទីក្រុង Gia Nghia សង្កាត់ Quang Truc ស្រុកTuy Duc ខេត្ត Dak Nong»។
បើតាមប្រភពពីប្រជាពលរដ្ឋនៅក្នុងតំបន់ បានអះអាងថា «កំណាត់ផ្លូវជាតិលេខ១៤ ឆ្លងកាត់សង្កាត់ Nghia Thanh បានបា.ក់ស្រុ.តក្នុងជម្រៅ ៤.៥ម៉ែត្រ និងបណ្តោយជាង២០០ម៉ែត្រ ដើមឈើ បង្គោលភ្លើងជាច្រើនត្រូវបានដួលរលំ ខណៈពេលដែលផ្ទះរបស់ប្រជាពលរដ្ឋជាច្រើនគ្រួសាររស់នៅក្បែរនោះ ក៏រងការខូចខាតផងដែរ ដែលជំរុញអោយអាជ្ញាធរមូលដ្ឋានត្រូវផ្លាស់ប្តូរទីលំនៅរបស់មនុស្សរាប់រយនាក់»។
ប្រភពដដែលបន្តថា «បន្ទាប់ពីបា.ក់ស្រុតជិត៦ខែមកនេះ កំណាត់ផ្លូវហាយវេលេខ១៤នេះ នៅតែស្ថិតក្នុងភាពច្របូកច្របល់ ព្រោះមូលហេតុមិនទាន់ត្រូវបានវាយតម្លៃ ហើយវាមានហានិភ័យខ្ពស់ដែលអាចបង្កគ្រោះថ្នាក់ទៅដល់យានយន្តដែលឆ្លងកាត់ទៀតផង។ កាលពីដើមខែសីហា បន្ទាប់ពីមានភ្លៀងធ្លាក់ខ្លាំង គេក៏ឃើញកើតមានស្នាមប្រេះ រហែកជាច្រើនកន្លែងបានរីករាលដាលនៅលើផ្លូវនេះ»។
ប្រភពដដែលបន្តថា «ចំណែកអាជ្ញាធរបានរកឃើញលំហូរទឹកក្រោមដីនៅក្រោមតំបន់ផ្លូវដែលបា.ក់ស្រុតនោះ ខណៈផ្ទះរាប់សិបគ្រួសាររស់នៅក្បែរនោះ ត្រូវបានបង្ខំឱ្យផ្លាស់ប្តូរទីលំនៅ ហើយរថយន្តទាំងអស់ត្រូវបានបង្វែរទៅផ្លូវវាងវិញ»។
គិតចាប់ពីខែសីហា មកដល់ថ្ងៃទី១១ ខែមករា ឆ្នាំ២០២៤នេះ ទោះបីជាតំបន់បា.ក់ស្រុតមិនមានសញ្ញានៃការរីករាលដាល ប៉ុន្តែមិនទាន់ត្រូវបានជួសជុលឡើងវិញនៅឡើយទេ ហើយបច្ចុប្បន្នទីតាំងនោះ ត្រូវបានគ្របដណ្តប់ដោយរុក្ខជាតិ។ ប៉ុន្តែអ្វីដែលគួរឱ្យព្រួយបារម្ភនោះ ស្នាមប្រេះបន្តរីករាលដាលប្រហែល១គីឡូម៉ែត្រទៀតហើយ។
បើតាមអ្នកបើកបរឈ្មោះ Nguyen Xuan Cuong អាយុ៤៣ឆ្នាំ) បាននិយាយប្រាប់ឱ្យដឹងថា «គាត់ឧស្សាហ៍បើកឡានឆ្លងកាត់ផ្លូវនេះ ប៉ុន្តែមិនយល់ពីមូលហេតុ ខណៈទីតាំងរងការខូចខាតនោះ មិនបានបង្ហាញសញ្ញានៃការជួសជុលទេ។ យានជំនិះត្រូវចែកជាពីរគន្លង នៅផ្នែកខាងឆ្វេងដៃ ហើយអ្នកបើកបរត្រូវបែងចែកជា២ផ្លូវយ៉ាងតូចចង្អៀត»។
លោក Nguyen បាននិយាយបន្តថា «ប្រសិនបើអ្នកមិនស្គាល់ផ្លូវទេ គ្រោះថ្នាក់អាចកើតឡើងយ៉ាងងាយនៅក្នុងតំបន់នេះនាពេលយប់»។
តំណាងនាយកដ្ឋានដឹកជញ្ជូនខេត្ត Dak Nong បាននិយាយដែរថា «មូលហេតុដែលកំណាត់ផ្លូវបា.ក់ស្រុត មិនទាន់ត្រូវបានជួសជុលនោះ គឺដោយសារតែអង្គភាពគ្រប់គ្រងមិនបានជួលអង្គភាពប្រឹក្សាត្រួតពិនិត្យ»។
មន្ត្រីរូបនេះបន្តថា «យោងតាមដំណើរការក្រុមហ៊ុន BOT Joint Stock Company និង Duc Long BT ត្រូវតែជួលអង្គភាពប្រឹក្សាអធិការកិច្ច។ ផ្អែកលើលទ្ធផលនេះ ក្រុមអធិការកិច្ច នឹងពិនិត្យការវា.យតម្លៃ ហើយផ្តល់លទ្ធផលអធិការកិច្ច ចុងក្រោយស្នើគម្រោងជួសជុល»។
ប្រភពដដែលបន្ថែមថា «ផ្នែកនៃផ្លូវដែលបា.ក់ស្រុត ត្រូវបានវិនិយោគដោយក្រសួងដឹកជញ្ជូន ប៉ុន្តែក្រោយមកត្រូវបានផ្ទេរទៅឱ្យក្រុមហ៊ុន Duc Long Dak Nong BOT និង BT Joint Stock Company សម្រាប់ការគ្រប់គ្រង ថែទាំ ការធ្វើអាជីវកម្ម និងប្រើប្រាស់»។
ជាការកត់សម្គាល់ ផ្លូវហាយវេលេខ១៤ ត្រូវបានដាក់ប្រើប្រាស់តាំងពីឆ្នាំ២០១០ ផ្លូវនេះមានប្រវែង៩៨០គីឡូម៉ែត្រ។ ដោយចំណុចចាប់ផ្តើមចេញពីស្ពាន Dakrong ខេត្តQuang Tri ហើយចំណុចបញ្ចប់ គឺនៅផ្លូវហាយវេ១៣ ស្ថិតក្នុងខេត្ត Binh Phuoc។ ផ្លូវនេះ គឺជាផ្លូវជាតិវែងជាងគេបំផុតទី២ នៅប្រទេសវៀតណាម បន្ទាប់ពីផ្លូវហាវេលេខ១ ហើយក៏ជាផ្លូវដ៏សំខាន់ ត.ភ្ជាប់ខេត្តខ្ពង់រាបកណ្តាល ជាមួយភាគខាងជើងកណ្តាល និងភាគអាគ្នេយ៍ ឆ្លងកាត់តំបន់ជាច្រើនផងដែរ ៕
អត្ថបទដោយ ៖ អោម ចែតច័ន្ទណារ៉ា
ចែករំលែកព័តមាននេះ