ខេត្តកណ្តាល ៖ អង្គការសម្ព័ន្ធកីឡាបាល់ទះជនពិការកម្ពុជា កាលពីពេលថ្មីៗកន្លងមកនេះបាននាំយកអំណោយមានដូចជា អាវយឺត មី ទឹកស៊ីអ៊ីវ ទឹកបរិសុទ្ធ បារី និងថវិកាមួយចំនួន ទៅប្រគល់ជូនដល់នាយកដ្ឋានអង្គរក្សសម្តេចតេជោ ហ៊ុន សែន ស្ថិតនៅបន្ទាយតាខ្មៅដើម្បីនាំយកទៅផ្តល់ជូនដល់កងយោធពលខេមរភូមិន្ទដែលកំពុងឈរជើង
ខេត្តកណ្តាល ៖ អង្គការសម្ព័ន្ធកីឡាបាល់ទះជនពិការកម្ពុជា កាលពីពេលថ្មីៗកន្លងមកនេះបាននាំយកអំណោយមានដូចជា អាវយឺត មី ទឹកស៊ីអ៊ីវ ទឹកបរិសុទ្ធ បារី និងថវិកាមួយចំនួន ទៅប្រគល់ជូនដល់នាយកដ្ឋានអង្គរក្សសម្តេចតេជោ ហ៊ុន សែន ស្ថិតនៅបន្ទាយតាខ្មៅដើម្បីនាំយកទៅផ្តល់ជូនដល់កងយោធពលខេមរភូមិន្ទដែលកំពុងឈរជើងការពារបូរណភាពទឹកដីនៅតំបន់ប្រាសាទព្រះវិហារ។ ពិធីប្រគល់ និងទទួលនាឱកាសនោះមានការចូលរួមពីលោកឧត្តមសេនីយ៍ទោ សួស ស៊ីណា មេបញ្ជាការរងកងអង្គរក្ស តំណាងលោកនាយឧត្តមសេនីយ៍ហ៊ឹង ប៊ុនហៀង អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងអង្គរក្ស លោកវរសេនីយ៍ទោ គឹម តុលា និងមន្ត្រីសំខាន់ៗជាច្រើនរូបទៀត។
លោកគ្រីស្ទ មិនកូ ប្រធានអង្គការសម្ព័ន្ធកីឡាបាល់ទះជនពិការកម្ពុជាមានប្រសាសន៍ថា អង្គការរបស់លោកមិនមែនជាអង្គការរកប្រាក់ចំណេញនោះទេ ម្យ៉ាងវិញទៀតអង្គការរបស់លោកបានមកធ្វើការនៅកម្ពុជាបម្រើដល់ផលប្រយោជន៍ជនពិការកម្ពុជាជាង១៥ឆ្នាំមកហើយក្នុងបំណងតែមួយគត់ គឺជួយដល់ជនពិការកម្ពុជា។ លោកស្រឡាញ់កម្ពុជា ដូច្នេះអ្វីដែលលោកបានប្រមែប្រមូលពីសប្បុរសជននានាយកមកប្រគល់ជូនដល់កងអង្គរក្សនៅថ្ងៃនេះជាសន្តានចិត្តរបស់លោក ព្រមទាំងសហការី ដើម្បីចូលរួមចំណែកជួយដល់សមរភូមិមុខតែប៉ុណ្ណោះ។ លោកបានមានប្រសាសន៍ទៀតថា ខ្មែរស្រឡាញ់ខ្មែរ ខ្មែរជួយខ្មែរ ។ លោកគិតថា អំណោយទាំងនេះតិចតួចមែន តែលោកសន្យាថា នឹងខិតខំស្វែងរកឱ្យបានច្រើនថែមទៀត។
លោកឧត្តមសេនីយ៍សួស ស៊ីណា បានមានប្រសាសន៍ថ្លែងអំណរគុណយ៉ាងជ្រាលជ្រៅចំពោះសន្តានចិត្តរបស់លោកគ្រីស្ទ មិនកូ និងសហការី ហើយលោកសន្យាថា នឹងនាំយកអំណោយទាំងនេះទៅផ្តល់ជូនដោយផ្ទាល់ និងដល់ដៃយុទ្ធជនរបស់យើងនៅសមរភូមិជួរមុខច្រកតាថាវ ដែលកំពុងឈរជើងការពារយ៉ាងរឹងមាំមិនឱ្យបាត់បង់ទឹកដីឡើយ។ លោកមានប្រសាសន៍ថា បច្ចុប្បន្នដោយបានការយកចិត្តទុកដាក់ទំនុកបម្រុងពីសម្តេចតេជោ និងលោកជំទាវបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បងប្អូននៅសមរភូមិជួរមុខរបស់យើងមានហូបគ្រប់គ្រាន់សម្លៀកបំពាក់សមរម្យមានជម្រកស្នាក់នៅល្អ ដូច្នេះវីរកងទ័ពរបស់យើងមិនខ្លាចលះបង់កំលាំងកាយចិត្តក្នុងការការពារបូរណភាពទឹកដីរបស់យើងឡើយ ៕
ចែករំលែកព័តមាននេះ