ខេត្តព្រៃវែង ៖ គ្រូបង្រៀនម្នាក់នៅសាលាបឋមសិក្សាត្រពាំងថ្លោក ត្រូវបានសមត្ថកិច្ចចាប់ឃាត់ខ្លួន បន្ទាប់ពីទទួលបានពាក្យបណ្ដឹងរបស់ឪពុកម្តាយក្មេងស្រីរងគ្រោះ ដោយបានចោទប្រកាន់ថា គ្រូបង្រៀនរូបនោះ បានចាប់កូនសិស្សស្រីរបស់ខ្លួនអាយុ១១ឆ្នាំរំលោភចំនួន2ដងនៅក្នុងបន្ទប់ទឹករបស់សាលារៀន ។ ហេតុការណ៍នេះ…
ខេត្តព្រៃវែង ៖ គ្រូបង្រៀនម្នាក់នៅសាលាបឋមសិក្សាត្រពាំងថ្លោក ត្រូវបានសមត្ថកិច្ចចាប់ឃាត់ខ្លួន បន្ទាប់ពីទទួលបានពាក្យបណ្ដឹងរបស់ឪពុកម្តាយក្មេងស្រីរងគ្រោះ ដោយបានចោទប្រកាន់ថា គ្រូបង្រៀនរូបនោះ បានចាប់កូនសិស្សស្រីរបស់ខ្លួនអាយុ១១ឆ្នាំរំលោភចំនួន2ដងនៅក្នុងបន្ទប់ទឹករបស់សាលារៀន ។
ហេតុការណ៍នេះ បានបែកធ្លាយកាលពីវេលាម៉ោង៣និង15នាទីរសៀលថ្ងៃទី០៩ មករា នៅក្នុងសាលាបឋមសិក្សាត្រពាំងធ្លក ដែលស្ថិតនៅក្នុងភូមិត្រពាំងធ្លក ឃុំជាច ស្រុកកំចាយមារ ខេត្តព្រៃវែង ។
គ្រូបង្រៀនដែលត្រូវបានចាប់ឃាត់ខ្លួនមានឈ្មោះ ធីម ម៉ន អាយុ៣០ឆ្នាំ មានទីលំនៅក្នុងភូមិជាចលិច ឃុំជាច ស្រុកកំចាយមារ ចំណែកកុមារីរងគ្រោះអាយុ១១ ។ បើតាមក្មេងស្រីរងគ្រោះដែលបានផ្ដល់ព័ត៌មានមកសមត្ថកិច្ចបញ្ជាក់ថា នៅវេលាម៉ោង០៣រសៀលថ្ងៃទី០៩ មករា ក្នុងពេលដែលរូបនាងកំពុងដងទឹកនៅក្នុងបន្ទប់ទឹកស្រីម្នាក់ឯង លោកគ្រូរបស់នាងបានចូលទៅក្នុងនោះ ហើយបិទខ្ទាស់ទ្វារជាប់ រួចប៉ុនប៉ងចាប់នាងរំលោភ តែមិនបានសម្រេច ព្រោះត្រូវនាងរើបំរះ។
ពេលគ្រូនាងចេញបាត់រូបនាងក៏បន្តទៅដួសទឹកនៅក្នុងបន្ទប់ទឹកប្រុសវិញបន្តទៀត ហើយបន្តិចក្រោយមក គ្រូដដែលនោះ ក៏ចូលទៅចាប់នាងរំលោភម្ដងទៀតរហូតបានសម្រេច។ ប្រភពនេះបញ្ជាក់ទៀតថា បន្ទាប់មក រូបនាងក៏ត្រឡប់ទៅផ្ទះរៀបរាប់ប្រាប់ឪពុកម្ដាយ ទើបឪពុកម្ដាយនាំនាងទៅប្ដឹងសមត្ថកិច្ចឲ្យជួយអន្តរាគមន៍ចាប់ជនល្មើសភ្លាមៗតែម្ដង។
គួរបញ្ជាក់ផងដែរថា បច្ចុប្បន្នគ្រូបង្រៀនដែលជាជនសង្ស័យ ត្រូវបានឃាត់ខ្លួននៅអធិការដ្ឋាននគរបាលស្រុកកំចាយមារ ហើយសមត្ថកិច្ចកំពុងតែកសាងសំណុំរឿងទៅតាមនិតិវិធី ប៉ុន្តែជាមួយគ្នានោះ ក៏លេចឮព័ត៌មានមកថា ក្រុមគ្រួសារខាងគ្រូបង្រៀនកំពុងព្យាយាមសូមជួបភាគីខាងក្មេងស្រីរងគ្រោះ ដើម្បីសុំធ្វើការសម្របសម្រួលគ្នា។
ចែករំលែកព័តមាននេះ