- ភ្នំពេញ
រាជធានីភ្នំពេញ ៖ យុវជន និងយុវតី កម្ពុជា គឺជាទំពាំងស្នងឬស្សី ។ បើសិនជាពួកគេញៀ.នស្រា បារី និងគ្រឿងញៀ.ន…
រាជធានីភ្នំពេញ ៖ យុវជន និងយុវតី កម្ពុជា គឺជាទំពាំងស្នងឬស្សី ។ បើសិនជាពួកគេញៀ.នស្រា បារី និងគ្រឿងញៀ.ន…
រាជធានីភ្នំពេញ ៖ យុវជន និងយុវតី កម្ពុជា គឺជាទំពាំងស្នងឬស្សី ។ បើសិនជាពួកគេញៀ.នស្រា បារី និងគ្រឿងញៀ.ន ។ តើយើងគួរបន្ទោសពួកគេ ឬក៏សង្គម? គ្រឿងញៀ.នបានលួចលាក់បង្វក់យុវជន និងយុវតីជាច្រើនអោយខូចអនាគត ខណៈដែលគ្រឿងស្រវឹង ដូចជាស្រា និងស្រាបៀរ ក៏កំពុងធ្វើអោយពួកគេងប់ងល់សប្បាយភ្លេចខ្លួនផងដែរ ។ រីឯបារីវិញក៏កំពុងបំផ្លាញសុខភាពរបស់ពួកគេ ។
យើងទាំងអស់គ្នាត្រូវរួមគ្នាបង្កើតបរិយាកាសដ៏ល្អមួយសម្រាប់យុវជន និងយុវតីអោយពួកគេអាចចាកចេញឆ្ងាយអំពីគ្រឿងញៀ.ន គ្រឿងស្រវឹង និងបារី ។ ចំណែកយុវជន និងយុវតីខ្លួនឯងត្រូវយល់ថា គ្រឿងញៀ.ន គ្រឿងស្រវឹង និង បារី នឹងបំផ្លាញអនាគត និងសុខភាពរបស់ពួកគេ ។
តាមធម៌ព្រះពុទ្ធ ការផឹកគ្រឿងស្រវឹង ឬផឹកស្រានាំមកនូវវិនាស ៦ប្រការ គឺទី១-វិនាសទ្រព្យសម្បត្តិ ( អស់លុយ) ២-បង្កជម្លោះ ៣-កើតរោគាក្នុងខ្លួន ៤-ខូចឈ្មោះ ៥-បង្ហាញកេរ្តិ៍ខ្មាស់ទាំងរស់ និង៦-បាត់បង់បញ្ញា ។ ក្នុងសង្គមយើង សព្វថ្ងៃ អ្នកផឹកស្រាស្រវឹងមួយចំនួនក៏បានបង្កគ្រោះថ្នាក់ចរាចរណ៍ ហើយមិនត្រឹមតែគ្រោះថ្នាក់ខ្លួនឯងទេ តែក៏បានបង្កគ្រោះថ្នាក់ដល់អ្នកដទៃថែមទៀតផង។
ជាមួយនឹងគ្រោះថ្នាក់ដ៏ច្រើនបែបនេះ យុវជន និងយុវតីកម្ពុជាមិនត្រូវធ្វើបាបខ្លួនដោយសារតែធ្លាក់ខ្លួនក្នុងការប្រើប្រាស់គ្រឿងញៀ.នគ្រឿងស្រវឹង និងបារីឡើយ ។ បើសិនជាមិនទាន់ច្បាស់ថា វាទាំងអស់នេះបំផ្លាញសុខភាពរបស់អ្នកនិងអនាគតរបស់អ្នកទេ អ្នកសម្លឹងមើលមនុស្សជុំវិញខ្លួនអានសារព័ត៌មាន ឬក៏ មើលទូរទស្សន៍អ្នកនឹងឃើញគ្រោះថ្នាក់ជាច្រើនដែលកើតមានចេញពីការសេពគ្រឿងញៀ.នគ្រឿងស្រវឹង និងបារី ។
បើស្រឡាញ់ខ្លួន បើមិនចង់ធ្វើបាបខ្លួនទេ ចូរនាំគ្នាឆ្លើយថា «ទេ» ចំពោះវាទាំងអស់នេះ ។ ជំនួសមកវិញ យុវជន និងយុវតីគួរនាំគ្នាប្រឹងរៀនសូត្រ ដើម្បីអនាគត ។ យើងគួរចាំថា ចំណេះដឹង គឺជាទ្រព្យដែលចាយមិនចេះអស់ ។ បើមានចំណេះអ្នកនឹងមិនដាច់ពោះស្លា.ប់ទេ ។
ជាថ្មីម្តងទៀត ចូរសម្លឹងមើលជុំវិញខ្លួនហើយនឹងឃើញថា អ្នកមានចំណេះដឹង ចរិតល្អ និងសីលធម៌ល្អ សុទ្ធតែមនុស្សមានជីវភាពសមរម្យរស់នៅថ្លៃថ្នូរ ហើយ មិនស្ថិតក្នុងភាពក្រីក្រឡើយ ។ បើចង់សប្បាយ យុវជន និងយុវតី គួរនាំគ្នាធ្វើដំណើរទេសចរណ៍ទៅកាន់កន្លែងស្រស់ស្អាត និងសម្បូរដោយសម្បត្តិវប្បធម៌របស់កម្ពុជា ដូចជា សមុទ្រដ៏ស្រស់ស្អាត និងប្រាសាទអង្គរដ៏អស្ចារ្យរបស់កម្ពុជា ។ ក្រៅពីនេះយុវជន និងយុវតីក៏អាចកម្សាន្តសប្បាយបានផងដែរ តាមរយៈការលេងកីឡាដែលខ្លួនចូលចិត្ត ដូចជា ការលេងបាល់ទាត់ ការលេងបាល់ទះ ការហែលទឹក និងកីឡាជាច្រើនទៀត។ សកម្មភាព កីឡាមិនត្រឹមតែធ្វើអោយយុវជន និងយុវតីចាកឆ្ងាយពីគ្រឿងញៀនទេ វាថែមទាំងធ្វើអោយមានសុខភាពរឹងមាំ និងប្រាជ្ញាឈ្លាសវ័យផងដែរ ។
ចំណែកអាជ្ញាធរ ក្រុមគ្រួសារ និងសង្គមក៏ត្រូវរួមគ្នារំដោះយុវជន និងយុវតីចេញអោយផុតពីគ្រឿងញៀ.នគ្រឿងស្រវឹង និងបារីផងដែរ ។ យុទ្ធនាការបង្ក្រាបគ្រឿងញៀ.នត្រូវតែធ្វើអោយខ្លាំង និងមានប្រសិទ្ធភាព ដើម្បីកុំអោយពួកលក់គ្រឿងញៀ.នវាបានចិត្ត ។ រីឯការផ្សព្វផ្សាយលក់គ្រឿងស្រវឹង និងបារីត្រូវមានដែនកំណត់ ដើម្បីកុំអោយវាជ្រុលហួសហេតុពេក បើសិនជាយើងមិនចង់ឃើញអនាគតទំពាំងរបស់យើងទៅជាទំពាំងស្អុយ ។
ដើម្បីអនាគតកម្ពុជាដ៏រឹងមាំ និងខ្លាំង យើងមិនត្រូវបង្កើតបរិយាកាសដ៏អាប់អួរសម្រាប់យុវជន និងយុវតីអោយធ្លាក់ក្នុងការប្រើប្រាស់គ្រឿងញៀ.ន គ្រឿងស្រវឹង និងបារីឡើយ ។ រីឯយុវជន និងយុវតីវិញត្រូវតែចាំថា អនាគតរបស់ខ្លួន គឺខ្លួនឯងជាអ្នកកំណត់ ។ បើចង់បានអនាគតល្អ គឺត្រូវតែប្រឹងរៀនហើយចាកអោយឆ្ងាយពីគ្រឿងញៀ.ន គ្រឿស្រវឹង និងបារី ៕
ចែករំលែកព័តមាននេះ