២០២៤! ឆ្នាំមាសសម្រាប់អ្នកគាំទ្របាល់ទាត់ ជាមួយនឹងព្រឹត្តិការណ៍ធំៗជាច្រើន
អន្តរជាតិ ៖ ឆ្នាំ ២០២៤ ត្រូវបានចាត់ទុកជាឆ្នាំមាស សម្រាប់អ្នកគាំទ្រកីឡាបាល់ទាត់នៅទូទាំង
អន្តរជាតិ ៖ ឆ្នាំ ២០២៤ ត្រូវបានចាត់ទុកជាឆ្នាំមាស សម្រាប់អ្នកគាំទ្រកីឡាបាល់ទាត់នៅទូទាំងពិភពលោក ដោយព្រឹត្តិការណ៍ដ៏ធំជាច្រើនដែលនឹងបង្ហាញវត្តមាននៅឆ្នាំនេះ ដើម្បីមកអង្រួនអារម្មណ៍ ក៏ដូចជាបម្រើខ្សែចក្ខុអ្នកស្នេហាកីឡាដ៏ពេញនិយម និងមានប្រជាប្រិយភាពខ្លាំងបំផុតមួយនេះ ដែលរួមមាន ៖ AFC Asian Cup, Africa Cup of Nations, UEFA Champions League Final, UEFA Euro, Copa América និង Summer Olympics ។
AFC Asian Cup 2023 ឬ ជើងឯកទ្វីបអាស៊ីឆ្នាំ ២០២៣
ព្រឹត្តិការណ៍កក្រើកទ្វីបអាស៊ីមួយនេះ ដែលប្រទេសកាតាទទួលធ្វើជាម្ចាស់ផ្ទះ នឹងចាប់ផ្តើមការប្រកួត នាថ្ងៃទី១២ ខែមករា រហូតដល់ថ្ងៃទី១០ ខែកុម្ភៈ ឆ្នាំ២០២៤ ដែលមាន២៤ក្រុមធ្វើការប្រកួតប្រជែងគ្នា។
ពូល A ៖ ម្ចាស់ផ្ទះកាតា ចិន តាហ្ស៊ីគីស្ថាន និង លីបង់
ពូល B ៖ អូស្ត្រាលី អ៊ូសបេគីស្ថាន ឥណ្ឌា និង ស៊ីរី
ពូល C ៖ អ៊ីរ៉ង អារ៉ាប់រួម ហុងកុង និង ប៉ាឡេស្ទីន
ពូល D ៖ ជប៉ុន ឥណ្ឌូនេស៊ី អ៊ីរ៉ាក់ និង វៀតណាម
ពូល E ៖ កូរ៉េខាងត្បូង ម៉ាឡេស៊ី ហ្ស៊កដានី និង បារ៉ែន
ពូល F ៖ អារ៉ាប៊ីសាអូឌីត ថៃ កៀហ្ស៊ីស៊ីស្ថាន និង អូម៉ង់
Africa Cup of Nations 2023 ឬ ជើងឯកទ្វីបអាហ្វ្រិកឆ្នាំ ២០២៣
ព្រឹត្តិការណ៍ដ៏ធំបំផុតប្រចាំទ្វីបអាហ្វ្រិកនៅឆ្នាំនេះ ប្រទេសកូតឌីវ័រទទួលធ្វើជាម្ចាស់ផ្ទះ ដែលនឹងចាប់ផ្តើមនាថ្ងៃទី១៣ ខែមករា រហូតដល់ថ្ងៃទី១១ ខែកុម្ភៈ ឆ្នាំ២០២៤ ដោយមាន២៤ក្រុមធ្វើការប្រកួតប្រជែងគ្នា។
ពូល A ៖ ម្ចាស់ផ្ទះកូតឌីវ័រ នីហ្សេរីយ៉ា អេក្វាទ័រហ្គីណេ និង ហ្គីណេប៊ីសូ
ពូល B ៖ អេហ្ស៊ីប ហ្គាណា កាប់វែរ និង ម៉ូហ្សាំប៊ិក
ពូល C ៖ សេណេហ្គាល់ កាមេរូន ហ្គីណេ និង ហ្គាំប៊ី
ពូល D ៖ អាល់ហ្សេរី បួគីណាហ្វាសូ ម៉ូរីតានី និង អង់ហ្គោឡា
ពូល E ៖ ទុយនេស៊ី ម៉ាលី អាហ្វ្រិកខាងត្បូង និង ណាមីប៊ី
ពូល F ៖ ម៉ារ៉ុក សាធារណរដ្ឋប្រជាធិបតេយ្យកុងហ្គោ ហ្សាំប៊ី និង តង់ហ្សានី
ការប្រកួតពានរង្វាន់ក្លិបជើងឯកទ្វីបអឺរ៉ុបវគ្គផ្តាច់ព្រ័ត្រ នឹងប្រព្រឹត្តទៅនៅថ្ងៃទី០១ ខែមិថុនា ឆ្នាំ២០២៤ នៅកីឡដ្ឋានជាតិ Wembley ទីក្រុងឡុងដ៍ ចក្រភពអង់គ្លេស ដ្បិតបច្ចុប្បន្នការប្រកួតបានឈានដល់វគ្គ១៦ក្រុមចុងក្រោយហើយ។
-ថ្ងៃទី១៣ ខែកុម្ភៈ (ជើងទី១) និង ថ្ងៃទី៦ ខែមីនា (ជើងទី២)
Copenhagen (ដាណឺម៉ាក) ប៉ះ Manchester City (អង់គ្លេស)
RB Leipzig (អាល្លឺម៉ង់) ប៉ះ Real Madrid (អេស្ប៉ាញ)
-ថ្ងៃទី១៤ ខែកុម្ភៈ (ជើងទី១) និង ថ្ងៃទី៥ ខែមីនា (ជើងទី២)
PSG (បារាំង) ប៉ះ Real Sociedad (អេស្ប៉ាញ)
Lazio (អ៊ីតាលី) ប៉ះ Bayern Munich (អាល្លឺម៉ង់)
-ថ្ងៃទី២០ ខែកុម្ភៈ (ជើងទី១) និង ថ្ងៃទី១៣ ខែមីនា (ជើងទី២)
Inter Milan (អ៊ីតាលី) ប៉ះ Atlético Madrid (អេស្ប៉ាញ)
PSV (ហូឡង់) ប៉ះ Borussia Dortmund (អាល្លឺម៉ង់)
-ថ្ងៃទី២១ ខែកុម្ភៈ (ជើងទី១) និង ថ្ងៃទី១២ ខែមីនា (ជើងទី២)
Porto (ព័រទុយហ្គាល់) ប៉ះ Arsenal (អង់គ្លេស)
Napoli (អ៊ីតាលី) ប៉ះ Barcelona (អេស្ប៉ាញ)
UEFA Euro 2024 ឬ ជើងឯកទ្វីបអឺរ៉ុបឆ្នាំ ២០២៤
ព្រឹត្តិការណ៍ដែលប្រទេសអាល្លឺម៉ង់ទទួលធ្វើម្ចាស់ផ្ទះនៅឆ្នាំនេះ នឹងចាប់ផ្តើមនាថ្ងៃទី១៤ ខែមិថុនា រហូតដល់ថ្ងៃទី១៤ ខែកក្កដា ឆ្នាំ២០២៤ ដោយមាន២៤ក្រុមធ្វើការប្រកួតប្រជែងគ្នា។
ពូល A ៖ ម្ចាស់ផ្ទះអាល្លឺម៉ង់ ស្កុតឡែន ហុងគ្រី និង ស្វីស
ពូល B ៖ អេស្ប៉ាញ ក្រូអាត អ៊ីតាលី និង អាល់បានី
ពូល C ៖ ស្លូវេនី ដាណឺម៉ាក ស៊ែប និង អង់គ្លេស
ពូល D ៖ ក្រុមជម្រុះ Play-off ហូឡង់ អូទ្រីស និង បារាំង
ពូល E ៖ បែលហ្ស៊ិក ស្លូវ៉ាគី រូម៉ានី និង ក្រុមជម្រុះ Play-off
ពូល F ៖ តួកគី ក្រុមជម្រុះ Play-off ព័រទុយហ្គាល់ និង ឆែក
Copa América 2024 ឬ ជើងឯកអាមេរិកខាងត្បូងឆ្នាំ ២០២៤
នៅឆ្នាំនេះ សហរដ្ឋអាមេរិកទទួលធ្វើជាម្ចាស់ផ្ទះ ដែលនឹងចាប់ផ្តើមនាថ្ងៃទី២០ មិថុនា រហូតដល់ថ្ងៃទី១៤ ខែកក្កដា ឆ្នាំ២០២៤ ដោយមាន១៦ក្រុមធ្វើការប្រកួតប្រជែងគ្នា។
ពូល A ៖ អាហ្សង់ទីន បេរ៉ូ ឈីលី និង ក្រុមជម្រុះ Play-off
ពូល B ៖ ម៉ិកស៊ិក អេក្វាឌ័រ វេនេហ្ស៊ុយឡា និង ចាម៉ៃកា
ពូល C ៖ សហរដ្ឋអាមេរិក អ៊ុយរ៉ាហ្គាយ ប៉ាណាម៉ា និង បូលីវី
ពូល D ៖ ប្រេស៊ីល កូឡុំប៊ី ប៉ារ៉ាហ្គាយនិង ក្រុមជម្រុះ Play-off
Summer Olympics 2024 ឬ កីឡាអូឡាំពិករដូវក្តៅឆ្នាំ ២០២៤
ព្រឹត្តិការណ៍កីឡាចម្រុះជាប្រវត្តិសាស្ត្រមួយនេះ នឹងធ្វើពិធីបើកនាថ្ងៃទី២៦ ខែកក្កដា ដោយដំណើរការរហូតដល់ថ្ងៃពិធីបិទ នាថ្ងៃទី១១ ខែសីហា ឆ្នាំ២០២៤ ដោយមានអត្តពលិកចំនួន ១០,៥០០នាក់ ធ្វើការប្រកួតលើ៣២ប្រភេទកីឡា និង៤៨វិញ្ញសា។ ចំណែកឯវិញ្ញាសាបាល់ទាត់ទាំងបុរស និងនារី នឹងដំណើរការចាប់ពីថ្ងៃទី២៤ ខែកក្កដា រហូតដល់ថ្ងៃ១០ ខែសីហា៕
ចែករំលែកព័តមាននេះ