ពលរដ្ឋឃើញបុរសម្នាក់លោ.តទឹក ស្មានតែចាប់បានត្រីធំ ក៏ដើរទៅមើល ផ្អើលយ៉ាងរន្ធ.ត់
- ព្រៃវែង
ខេត្តព្រៃវែង ៖ បុរសម្នាក់បានស្លា.ប់បាត់បង់ជីវិតយ៉ាងអាណោចអាធម នៅមាត់ច្រាំងដៃទន្លេតូច
ខេត្តព្រៃវែង ៖ បុរសម្នាក់បានស្លា.ប់បាត់បង់ជីវិតយ៉ាងអាណោចអាធម នៅមាត់ច្រាំងដៃទន្លេតូច ដោយសារតែដើរឆក់ត្រីខុសបច្ចេកទេស បណ្តាលអោយឆក់ទាំងខ្លួនឯងស្លា.ប់។
ហេតុការណ៍នេះ បានកើតឡើងកាលពីវេលាម៉ោង៥និង១៥នាទីល្ងាចថ្ងៃទី៣ មករា ឆ្នាំ២០២៤ នៅចំណុចមាត់ច្រាំងដៃទន្លេតូច ដែលស្ថិតក្នុងភូមិក្រាំងតាយ៉ង ឃុំក្រាំងតាយ៉ង ស្រុកពាមជរ ខេត្តព្រៃវែង។
ជនរងគ្រោះឈ្មោះ គុជ ផេង ភេទប្រុស អាយុ២៧ឆ្នាំ មានទីលំនៅក្នុងឃុំកើតហេតុ ។
សមត្ថកិច្ចស្រុកពាមជរបានអោយដឹងថា យោងតាមសំដីប្រជាពលរដ្ឋ ដែលបានឃើញហេតុការណ៍ បានអះអាងថា មុនពេលកើតហេតុ ជនរងគ្រោះបានស្ពាយអាគុយ និងឧបករណ៍ឆក់ ដើរឆក់ត្រីម្នាក់ឯងតាមបឹងតាមវាលធម្មតាទេ ប៉ុន្តែពេលដើរមកដល់មាត់ច្រាំងដៃទន្លេតូច ជាចំណុចកើតហេតុ ក៏ស្រាប់តែលឺសំឡេងជនរងគ្រោះស្រែកហ៊ឺសឡើង ហើយលោតប្រូង រួចក៏បាត់ស្ងាត់ឈឹង។
ពីដំបូងគេស្មានថា ជនរងគ្រោះឆក់បានត្រីធំហើយលោតចាប់ តែដល់បាត់សំឡេងស្ងាត់ឈឹងយូរ សង្ស័យក៏ដើរទៅមើល ក៏ស្រាប់តែឃើញជនរងគ្រោះដេកកប់ភក់ស្លាប់បាត់ទៅហើយ ទើបផ្អើលឆោឡោឡើង និងរាយការណ៍ប្រាប់សមត្ថកិច្ចចុះទៅពិនិត្យដល់កន្លែងកើតហេតុភ្លាមៗតែម្តង។
ក្រោយពិនិត្យសាកសព ឃើញថាពិតជាស្លាប់ដោយសារឆក់ចរន្តភ្លើងពិតមែន សមត្ថកិច្ចក៏ប្រគល់សាកសពអោយទៅសាច់ញាតិ យកទៅធ្វើបុណ្យតាមប្រពៃណីតែម្តង ៕
ចែករំលែកព័តមាននេះ