ខេត្តបន្ទាយមានជ័យ ៖ បុរសម្នាក់បានលោតពីលើអគារមួយកន្លែង ដែលមានកម្ពស់ជាង១០ម៉ែត្រ ហើយត្រូវបានគេដឹកបញ្ជូនទៅកាន់មន្ទីរពេទ្យជួយសង្គ្រោះដែរ តែមិនអាចជួយជីវិតទាន់ដដែល ហេតុការណ៍កើតឡើងកាលពីម៉ោង១១ព្រឹកថ្ងៃទី០២ ខែមករា ឆ្នាំ២០២៣ ស្ថិតក្នុងភូមិក្បាលស្ពាន២…
ខេត្តបន្ទាយមានជ័យ ៖ បុរសម្នាក់បានលោតពីលើអគារមួយកន្លែង ដែលមានកម្ពស់ជាង១០ម៉ែត្រ ហើយត្រូវបានគេដឹកបញ្ជូនទៅកាន់មន្ទីរពេទ្យជួយសង្គ្រោះដែរ តែមិនអាចជួយជីវិតទាន់ដដែល ហេតុការណ៍កើតឡើងកាលពីម៉ោង១១ព្រឹកថ្ងៃទី០២ ខែមករា ឆ្នាំ២០២៣ ស្ថិតក្នុងភូមិក្បាលស្ពាន២ សង្កាត់អូរជ្រៅ ក្រុងប៉ោយប៉ែត ។
បើតាមនាយប៉ុស្តិ៍នគរបាលសង្កាត់អូរជ្រៅបានប្រាប់ឱ្យដឹងថា នៅវត្តប៉ាលិលេយ្យមានបុរសម្នាក់អាយុប្រមាណ៣០ឆ្នាំបានឡើងទៅលើដំបូលអគារវិបស្សនាដែលមានកម្ពស់ជាង១០ម៉ែត្រដោយឈររេររយ:ពេលជាងកន្លះម៉ោងឯណោះ ។
នាយប៉ុស្តិ៍បានបញ្ជាក់ថា ជនរងគ្រោះដែលលោតលើអគារនេះ នៅមិនទាន់ស្គាល់អត្តសញ្ញាណនៅឡើយទេ ហើយមិនទាន់ដឹងមូលហេតុអ្វីដែរ ដោយសមត្ថកិច្ចធ្វើកោសល្យវិច័យសិន ។ ក្នុងហេតុការណ៍នេះ ត្រូវបានអ្នកជិតខាងប្រាប់ គាត់ឈរមិននិយាយស្តី និងមានកាយវិការយ៉ាងស្ងៀមស្ងាត់ពេលនៅលើអគារ ។
នាយប៉ុស្តិ៍បានបញ្ជាក់ទៀតថា សាកសពជនរងគ្រោះរក្សាទុកនៅមន្ទីពេទ្យបង្អែកក្រុងប៉ោយប៉ែត ដើម្បីរង់ចាំមន្ត្រីនិងកម្លាំងជំនាញចុះមកពិនិត្យ ។
ចែករំលែកព័តមាននេះ