រាជធានីភ្នំពេញ ៖ យុវជនមួយក្រុមកា.ចដូចសត្វខ្លា គ្រាន់តែយុវជន១ក្រុមទៀតមើលមុខក៏មិនបានដែរ ដោយចោទប្រកាន់ថា «ឌឺឲ្យពួកខ្លួន» រួចក៏កា.ន់កាំបិ.តស្ទើរគ្រប់ដៃ រួចជិះម៉ូតូដេញតាមកា.ប់តែម្ដង បណ្ដាលឲ្យយុវជនម្នាក់រងរបួសរយះខ្នងធ្ងន់ធ្ងរស្ទើរតែធ្លាយសួតមកក្រៅ។បន្ទាប់មក ក្រុមគ្រូពេទ្យបានដេរមុខរបួសជាង៣០ថ្នេរ ដោយឡែកក្រុមជនដៃដល់វិញក៏ត្រូវនគរបាលខណ្ឌដង្កោ ធ្វើការស្រាវជ្រាវ រហូតតាមចាប់ខ្លួនជាបន្តបន្ទាប់ចំនួន៧នាក់ផងដែរ។
ហេតុការណ៍ខាងលើនេះបានកើតឡើងកាលពីវេលាម៉ោង២៣និង២០នាទីយប់ ថ្ងៃទី០១ ខែមករា ឆ្នាំ២០២៤ នៅត្រង់ចំណុចដីវាល ស្ថិតនៅក្នុងភូមិត្រពាំងសាលា សង្កាត់ពងទឺក ខណ្ឌដង្កោ រាជធានីភ្នំពេញ ។
បើនគរបាល បានប្រាប់ឱ្យដឹងថា យុវជនរងគ្រោះមានឈ្មោះ សៀន អញ្ញាស៊ីសុវត្ថា អាយុ២២ឆ្នាំ ជាជនជាតិខ្មែរ មុខរបរកម្មកររោងចក្រ មានទីលំនៅក្នុងភូមិថ្មគោល សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ ចំណែកជនសង្ស័យមានគ្នាចំនួន៧នាក់រួមមាន ៖
១- ឈ្មោះ វុធ ដេវីត អាយុ១៨ឆ្នាំ មានទីលំនៅភូមិកន្ទោក សង្កាត់កន្ទោក ខណ្ឌកំបូល។
២- ឈ្មោះ ជឿន ចាន់ទិត្យ អាយុ២១ឆ្នាំ មានទីលំនៅសង្កាត់ទៀន ខណ្ឌដង្កោ។
៣- ឈ្មោះ ចាន់ ភក្តី អាយុ១៨ឆ្នាំ មុខរបរនៅផ្ទះ មានទីលំនៅភូមិព្រៃស្ពឺ សង្កាត់ចោមចៅទី២ ខណ្ឌពោធិ៍សែនជ័យ។
៤- ឈ្មោះ ពេញ វាសនា អាយុ១៨ឆ្នាំ មុខរបរកម្មកររោងចក្រ ស្នាក់នៅផ្ទះជួល ស្ថិតក្នុងភូមិរោលជ្រូក សង្កាត់ព្រៃវែង ខណ្ឌដង្កោ។
៥- ឈ្មោះ ហួយ វណ្ណរ៉ា អាយុ១៨ឆ្នាំ មានទីលំនៅក្នុងភូមិព្រៃស្ពឺ សង្កាត់ចោមចៅទី២ ខណ្ឌពោធិ៍សែនជ័យ។
៦- ឈ្មោះ ផុន សុផានិត អាយុ១៨ឆ្នាំ មានទីលំនៅភូមិព្រៃល្វា សង្កាត់ចោមចៅ២ ខណ្ឌពោធិ៍សែនជ័យ។
៧- ឈ្មោះ មឿន រ៉េ អាយុ១៨ឆ្នាំ ជាសិស្ស មានទីលំនៅភូមិដំណាក់ត្រយឹង សង្កាត់ចោមចៅទី២ ខណ្ឌពោធិ៍សែនជ័យ។
នគរបាល បានប្រាប់ឲ្យដឹងបន្តថា កម្លាំងបានធ្វើការដកហូតវត្ថុតាងមួយចំនួនពីក្រុមជនសង្ស័យខាងលើ មានដូចជា ៖ កាំបិ.តប៉័.ងតោ១ដើម, កាំបិ.តកែច្នៃចំនួន២ដើម, ម៉ូតូម៉ាកស៊ុយហ្ស៊ុយគីនិច ពណ៌ខៀវលាយ.ស ពាក់ស្លាកលេខ ភ្នំពេញ1KF-7803 មួយគ្រឿង និងម៉ូតូម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខ ភ្នំពេញ1JQ-6690 មួយគ្រឿង។
នគរបាល បានប្រាប់ឲ្យដឹងបន្តទៀតថា នៅវេលាយប់ថ្ងៃកើតហេតុ ជនរងគ្រោះឈ្មោះ សៀន អញ្ញា ស៊ីសុវត្ថា រួមនឹងមិត្តភក្តិចំនួន៤នាក់ទៀត នាំគ្នាជិះម៉ូតូ៣គ្រឿងចេញពីភូមិរោលជ្រូក សង្កាត់ព្រៃវែង ខណ្ឌដង្កោ ដើម្បីត្រឡប់ទៅផ្ទះវិញ ស្ថិតនៅក្នុងភូមិថ្មគោល សង្កាត់ចោមចៅ ខណ្ឌពោធិ៍សែនជ័យ ។
នគរបាលបានប្រាប់បន្ថែមទៀតថា លុះពេលទៅដល់ដីវាល ស្ថិតក្នុងភូមិត្រពាំងសាលា សង្កាត់ពងទឹក ខណ្ឌដង្កោ ស្រាប់តែមានក្រុមជនសង្ស័យ១ក្រុម មានគ្នាចំនួន៧នាក់ ជិះម៉ូតូម៉ាកស៊ុយហ្ស៊ុយគីនិចមួយគ្រឿង និងម៉ាកហុងដាឌ្រីមសេ១២៥ មួយគ្រឿង និងខ្លះទៀតនាំគ្នាដើរ។ ហើយយនៅក្នុងដៃរបស់ក្រុមជនសង្ស័យប្រដាប់ទៅដោយកាំបិ.តប៉័.ងតោ និងកាំបិ.តកែច្នៃ នាំគ្នាដេ.ញតាមកា.ប់ និងគ.ប់ទៅលើយុវជនរងគ្រោះពីក្រោយ បណ្តាលឲ្យត្រូវចំខ្នងចំហៀងខាងស្ដាំរងរបួសធ្ងន់ធ្ងរស្ទើរតែធ្លាយសួតមកក្រៅ។ បន្ទាប់មក ក្រុមជនសង្ស័យទាំងនោះក៏នាំគ្នារត់គេចខ្លួនបាត់ស្រមោលតែម្ដង។
ក្រោយពេលកើតហេតុ មិត្តភក្ដិក៏នាំយុវជនរងគ្រោះទៅព្យាបាលរបួសនៅមន្ទីរពេទ្យព្រះកុសុមៈ ហើយគ្រូពេទ្យដេររបួសចំនួន៣២ថ្នេរ រួចរាល់ទើបទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលពងទឹក ដើម្បីឲ្យជួយធ្វើការស្រាវជ្រាវ និងឃាត់ខ្លួនជនសង្ស័យ។
ប្រភពដដែលបន្តទៀតថា កម្លាំងនគរបាលប៉ុស្តិ៍ និងខណ្ឌ បានធ្វើការស្រាវជ្រាវ រហូតដល់វេលាម៉ោង០៤និង២០នាទី ថ្ងៃទី០១ ខែមករា ឆ្នាំ២០២៤ ទើបឈានដល់ការឃាត់ខ្លួនជនដៃដល់បានចំនួន៧នាក់ជាបន្តបន្ទាប់ រួចនាំទៅសាកសួរ។ ខណៈពេលនោះ ជនដៃដល់បានសារភាពប្រាប់ថា «ពួកខ្លួនពិតជាបានធ្វើសកម្មភាពប្រើកាំបិ.តប៉័.ងតោដេ.ញកា.ប់ និងគ.ប់ទៅលើជនរងគ្រោះប្រាកដមែន ដោយសារតែខឹងជនរងគ្រោះជិះម៉ូតូមើលមុខ ហើយឌឺដងដាក់ពួកខ្លួន»៕
ចែករំលែកព័តមាននេះ