ខេត្តកណ្តាល ៖ ស្ត្រីម្នាក់ត្រូវរថយន្តធុនធំកិនចំក្បាលស្លា.ប់ភ្លាម ខណៈប្តីរបស់នាងបើកម៉ូតូវ៉ារ៉ឺម៉កទៅកៀរជាមួយរថយន្តនោះបណ្តាលឱ្យដួលខ្ទាតប្រពន្ធចូលកង់រថយន្តកាលពីវេលាម៉ោង៥ និង៥៤នាទីព្រឹក ថ្ងៃទី២៥ ឧសភា នៅលើផ្លូវជាតិលេខ២១ស្ថិតនៅភូមិក្នុងព្រែក ឃុំព្រែកគយ ស្រុកស្អាង
ខេត្តកណ្តាល ៖ ស្ត្រីម្នាក់ត្រូវរថយន្តធុនធំកិនចំក្បាលស្លាប់ភ្លាម ខណៈប្តីរបស់នាងបើកម៉ូតូវ៉ារ៉ឺម៉កទៅកៀរជាមួយរថយន្តនោះបណ្តាលឱ្យដួលខ្ទាតប្រពន្ធចូលកង់រថយន្តកាលពីវេលាម៉ោង៥ និង៥៤នាទីព្រឹក ថ្ងៃទី២៥ ឧសភា នៅលើផ្លូវជាតិលេខ២១ស្ថិតនៅភូមិក្នុងព្រែក ឃុំព្រែកគយ ស្រុកស្អាង។
ស្ត្រីរងគ្រោះឈ្មោះងួន ស៊ីម អាយុ៣៥ឆ្នាំ ចំណែកប្តីរងរបួសស្រាលឈ្មោះឡូ សំណាង អាយុ៣២ឆ្នាំ រស់នៅភូមិស្វាយតានី ឃុំព្រែកគយ ស្រុកស្អាង។ ក្រោយកើតហេតុអ្នកបើករថយន្តបានចតរថយន្តទុកចោល ហើយរត់គេចខ្លួនបាត់។ សាក្សីឃើញហេតុការណ៍ឱ្យដឹងថា ជនរងគ្រោះពីរនាក់ប្តីប្រពន្ធជិះម៉ូតូសេ១២៥ ស៊េរីឆ្នាំ២០០៧ ពណ៌ខ្មៅ ពាក់ស្លាកលេខកណ្តាល១E៤៧៥៥ ពីត្បូងទៅជើង លុះដល់ចំណុចកើតហេតុបើកវ៉ារ៉ឺម៉កមួយគ្រឿងទៀតដឹកកម្មកររោងចក្រ។
ស្របពេលនោះមានរថយន្តធុនធំមួយគ្រឿងម៉ាកហ៊ីយ៉ាន់ដាយ ចំណុះ១៥តោន ពាក់ស្លាកលេខបណ្តោះអាសន្ន៤៣៧៣ បើកមកពីទិសផ្ទុយគ្នា ហើយម៉ូតូរបស់ជនរងគ្រោះប៉ះដៃចង្កូតនឹងរថយន្តនោះបណ្តាលឱ្យដួលខ្ទាតស្ត្រីជាប្រពន្ធចូលក្រោមកង់រថយន្តកិនចំក្បាលស្លាប់ភ្លាម។ ចំណែកប្តីរងរបួសត្រូវគេបញ្ជូនទៅសង្គ្រោះនៅមន្ទីរពេទ្យបង្អែកស្រុកស្អាង។ ក្រោយកើតហេតុប៉ូលិសចរាចរណ៍ស្រុកស្អាងបានទៅវាស់វែង ហើយយករថយន្តនោះទៅរក្សាទុកនៅអធិការដ្ឋាននគរបាលស្រុកដើម្បីរង់ចាំម្ចាស់ចូលខ្លួនទៅដោះស្រាយ ៕
ចែករំលែកព័តមាននេះ