ទីក្រុងតៃប៉ិ៖ ប្រធានាធិបតីតៃវ៉ាន់ លោកស្រីសៃអ៊ីងវេន (Tsai Ing-Wen) មានសារនយោបាយមួយនៅក្នុងឱកាសចូលឆ្នាំសាកល និងនៅក្នុងឱកាសជិតបោះឆ្នោតប្រធានាធិបតីនៅកោះតៃវ៉ាន់។ លោកស្រីថ្លែងថាទំនាក់ទំនងរវាងតៃវ៉ាន់ និងចិនបើទៅអនាគតប្រែប្រួលបែបណាត្រូវតែកំណត់ជោគវាសនាអនាគតដោយឆន្ទៈរបស់ប្រជាជនតៃវ៉ាន់។ សន្តិភាពរវាងដែនដីទាំងពីរនេះត្រូវប្រកបដោយកិត្តិយសស្មើមុខស្មើមាត់…
ទីក្រុងតៃប៉ិ៖ ប្រធានាធិបតីតៃវ៉ាន់ លោកស្រីសៃអ៊ីងវេន (Tsai Ing-Wen) មានសារនយោបាយមួយនៅក្នុងឱកាសចូលឆ្នាំសាកល និងនៅក្នុងឱកាសជិតបោះឆ្នោតប្រធានាធិបតីនៅកោះតៃវ៉ាន់។ លោកស្រីថ្លែងថាទំនាក់ទំនងរវាងតៃវ៉ាន់ និងចិនបើទៅអនាគតប្រែប្រួលបែបណាត្រូវតែកំណត់ជោគវាសនាអនាគតដោយឆន្ទៈរបស់ប្រជាជនតៃវ៉ាន់។ សន្តិភាពរវាងដែនដីទាំងពីរនេះត្រូវប្រកបដោយកិត្តិយសស្មើមុខស្មើមាត់ (dignity)។ លោកស្រីថ្លែងដូច្នេះបន្ទាប់ពីប្រមុខដឹកនាំចិន លោកស៊ីជីនពីង លើកឡើងអំពីបំណងបង្រួបបង្រួមទឹកដីដោយគ្មានអ្វីអាចមករារាំងបានឡើយ។
ម៉្យាងទៀត សារនយោបាយនេះក៏ធ្វើឡើងស្របពេលដែលប្រទេសចិនបន្តធ្វើសកម្មភាពយោធាកាន់តែខ្លាំងជាងមុននៅជុំវិញកោះតៃវ៉ាន់ដើម្បីដាក់សម្ពាធផ្នែកយោធា នយោបាយ និងការទូត។ ជាពិសេស អ្នកវិភាគខ្លះចាត់ទុកថានេះជាការដាក់សម្ពាធទៅលើប្រជាជនតៃវ៉ាន់ដែលនឹងចូលរួមបោះនៅថ្ងៃទី១៣ ខែមករាខាងមុខ។ រដ្ឋាភិបាលចិនធ្លាប់ព្រលយពាក្យជារឿយៗថា «តៃវ៉ាន់បើបោះឆ្នោតត្រូវមានសន្តិភាព, ប៉ុន្តែបើបោះឆ្នោតខុសអាចនឹងមានសង្គ្រាម»។
ថ្មីៗនេះ លោកស៊ីជីនពីងមានសារជូនពរនៅថ្ងៃចូលឆ្នាំសាកលដោយប្រើប្រាស់ពាក្យពេចន៍វោហារសាស្ត្រច្បាស់ៗជាងមុន។ លោកថ្លែងថាប្រជាជនចិនដីគោកក៏ដោយ ប្រជាជនតៃវ៉ាន់ក៏ដោយ ពួកយើងជាជាតិសាសន៍ និងឈាមជ័រដូចគ្នាប្រៀបបាននឹងមហាគ្រួសារតែមួយ។ ជាការឆ្លើយតបទៅនឹងសុន្ទរកថារបស់លោកស៊ីនជីនពីង លោកស្រីឆាយអ៊ីងវេនថ្លែងថាមូលដ្ឋានគ្រឹះដ៏សំខាន់បំផុតនៃការប្រកាន់យកមាគ៌ានយោបាយដែលត្រូវដើរនៅក្នុងទំនាក់ទំនងតៃវ៉ាន់-ចិនគឺលទ្ធិប្រជាធិបតេយ្យ។
គេលោកស្រីយល់ថាគេត្រូវការឆន្ទៈជារួមរបស់ប្រជាជនតៃវ៉ាន់ដើម្បីសម្រេចនៅក្នុងរឿងនេះ (សម្រេចថាត្រូវប្រកាន់យកមាគ៌ាបែបណា)។ សរុបសេចក្ដីមក យើងជាប្រទេសកាន់លទ្ធិប្រជាធិបតេយ្យ។ ប្រទេសចិនគួរតែគោរពលទ្ធផលបោះឆ្នោតនៅតៃវ៉ាន់នាពេលខាងមុខនេះ។ ការធ្វើឱ្យមានសន្តិភាព និងស្ថិរភាពនៅច្រកសមុទ្ទតៃវ៉ាន់គឺជាការទទួលខុសត្រូវរួមគ្នារវាងចិន និងតៃវ៉ាន់(ត្រូវមានចំណែកទាំងអស់គ្នា)។ កាលពីពេលកន្លងមក លោកស្រីសៃអ៊ីងវេនធ្លាប់បោះដៃទៅខាងភាគីចិនដើម្បីស្នើសុំសម្រុះសម្រួលគ្នា។ ប៉ុន្តែប្រទេសចិនមិនរវល់ទេ ព្រោះចិនចាត់ទុកថាលោកស្រីជាមេដឹកនាំបំបែកទឹកដី។
លោកស្រីសៃអ៊ីងវេនចាត់ទុកការពង្រឹង និងធ្វើទំនើបកម្មវិស័យការពារជាតិគឺជានយោបាយជាអាទិភាព។ លោកស្រីលើកជាការឧបមាថានៅតាមផ្ទះនីមួយៗមានសោសម្រាប់ចាក់ការពារផ្ទះ។ នេះមិនមែនជាការធ្វើសកម្មភាពញុះញង់អ្នកជិតខាងទេ, យើងគ្រាន់តែចង់ការពារខ្លួនយើងតែប៉ុណ្ណោះ។ ដូច្នេះ លោកស្រីយល់ថាដែនដីមួយក៏ត្រូវតែមានអ្វីសម្រាប់ការពារខ្លួនផងដែរ។ ប្រជាជនតៃវ៉ាន់ចង់រស់នៅដោយសុខសន្តិភាព។ ប៉ុន្តែជាសន្តិភាពដែលប្រកបដោយការគោរពគ្នា (សំដៅលើសន្តិភាពដោយស្មើមុខស្មើមាត់ និងដោយសុទ្ធចិត្ត, មិនមែនសន្តិភាពបានមកដោយការគាបសង្កត់ឱ្យទទួលយកទាំងបង្ខំចិត្ត)។
រដ្ឋាភិបាលតៃវ៉ាន់ធ្លាប់បាននិយាយជាច្រើនដងហើយថាប្រទេសចិនព្យាយាមជ្រៀតជ្រែកនៅក្នុងការបោះឆ្នោតខាងមុខ មិនថាដោយប្រើប្រាស់ព័ត៌មានក្លែងក្លាយ, ដោយធ្វើសកម្មភាពយោធានៅក្បែរកោះតៃវ៉ាន់ដើម្បីដាក់សម្ពាធ ឬដោយការដាក់សម្ពាធពាណិជ្ជកម្មនោះទេ។ លោកស្រីសៃអ៊ីងវេនសង្ឃឹមថាប្រជាជនដែលជាម្ចាស់ឆ្នោតនឹងប្រុងប្រយ័ត្នត្រង់ចំណុចនេះ។ លោកស្រីសាយអ៊ីងវេននឹងលាលែងពីតំណែងនៅខែឧសភានៅពេលប្រធានាធិបតីតៃវ៉ាន់ថ្មីស្បថចូលកាន់តំណែង៕
ប្រភព៖ Channel News Asia
https://www.channelnewsasia.com/asia/taiwan-president-tsai-china-ties-will-people-4019411
ចែករំលែកព័តមាននេះ