ADផ្ទាំងផ្សព្វផ្សាយពាណិជ្ជកម្ម

Picture

រឿង​គ្រឿង​ស្រវឹង​ពលរដ្ឋ​យើង​ទទួលទាន​មិន​ចាញ់​គេ​ទេ ប៉ុន្តែ​ចំពោះ​ពពួក​ភេសជ្ជៈ​ផ្អែម និង លើក ឫ​ក៏​ជំនួយ​កម្លាំង​ក៏​មិន​អន់​ដែរ ។ ដូច្នេះ​សូម​ប្រុង​ប្រយ័ត្ន ហើយ​ខំប្រឹង​ដាក់​កម្រិត​ខ្លួនឯង ដើម្បី​កាត់​ផ្តាច់ បើ​មិន​ដូច្នេះ​ទេ…

រឿង​គ្រឿង​ស្រវឹង​ពលរដ្ឋ​យើង​ទទួលទាន​មិន​ចាញ់​គេ​ទេ ប៉ុន្តែ​ចំពោះ​ពពួក​ភេសជ្ជៈ​ផ្អែម និង លើក ឫ​ក៏​ជំនួយ​កម្លាំង​ក៏​មិន​អន់​ដែរ ។ ដូច្នេះ​សូម​ប្រុង​ប្រយ័ត្ន ហើយ​ខំប្រឹង​ដាក់​កម្រិត​ខ្លួនឯង ដើម្បី​កាត់​ផ្តាច់ បើ​មិន​ដូច្នេះ​ទេ មហន្តរាយ​សុខភាព​នឹង​កើត​មាន​ចំពោះ​ខ្លួន​អ្នក ។​

​រឿង​សំខាន់​ដែល​ត្រូវ​ប្រយ័ត្ន ផឹក​ភេសជ្ជៈ​មាន​ជាតិ​ស្ករ​ច្រើន​អាច​នាំ​អោយ​ទឹកនោមផ្អែម និង ស្លា​.​ប់​ផង​ដែរ ។ សូមកុំ​លេងសើច​អោយ​សោះ​ចំពោះ​ពពួក​ភេសជ្ជៈ​ទាំង​អស់នេះ ពីព្រោះ​វា​ក៏​មាន​សមត្ថភាព បំផ្លាញ​មុខងារ​សរីរាង្គ​នៅ​ខាងក្នុង​រាង​កាយ​យើង​ដូច​គ្នា ជា​ពិសេស គឺ​សរីរាង្គ​សំខាន់​ៗ ដែល​ទ្រទ្រង់​ជីវិត​យើង​តែ​ម្តង ។

តាម​ស្តង់ដា​កំណត់​សម្រាប់​មនុស្ស​ដែល​មាន​មាឌធំ​ដូច​ជា ពពួក​ជនជាតិ​អឺរ៉ុប​អី​ចំពោះ​បុរស​ម្នាក់ ប្រសិនបើ​ចង់​ឲ្យ​សុខភាព​ល្អ រាង​កាយ​អាច​ត្រូវការ​សារធាតុ​ដែល​មាន​ជាតិ​ស្ក បញ្ចូល ទៅ​ក្នុង​ខ្លួន​មិន​លើស​ពី ៩​ស្លាបព្រា​កាហ្វេ​ទេ ដែល​បរិមាណ​នេះ​ស្មើនឹង​ប្រមាណ​ជា ៣៦​ក្រាម ឫ​១៥០​កាឡូរី​ប៉ុណ្ណោះ ។ ចំពោះ​នារី​វិញ គឺ​មាន​តម្រូវការ​ជាតិ​ស្ករ​បញ្ចូល​ទៅ​ក្នុង​ខ្លួន គឺ​ឲ្យ​បាន​តិច​ជា​៦​ស្លាបព្រា​កាហ្វេ ឫ​ក៏​ប្រមាណ​ជា ២០​ក្រាម ឫ​ក៏​ត្រឹមតែ​១០០ កាឡូរី​តែ​ប៉ុណ្ណោះ​នៅ​ក្នុង​មួយ​ថ្ងៃ ។

បរិមាណ​នៃ​តម្រូវការ​ស្ករ​ទាំងនេះ គឺជា​ស្តង់ដា​សម្រាប់​ពលរដ្ឋ​អឺរ៉ុប ប៉ុន្តែ​បើ​និយាយ​អោយ មែនទែន​ទៅ គឺ​មនុស្ស​ម្នាក់​ៗ​មាន​តម្រូវការ​ច្រើន​ជាង​នេះ​បន្តិច ឫ​ត្រូវការ​តិច​ជាង នេះ​បន្តិច ទៅ​តាម​ទម្ងន់ និង​តាម​កម្ពស់​របស់​មនុស្ស​ម្នាក់​ៗ ដើម្បី​អោយ​ស្ករ ត្រូវ​សរីរាង្គ​បំ​លែង ទៅ​ជា​ថាមពល សម្រាប់​លើកកម្ពស់​កម្លាំង ឆ្លើយ​តប​នឹង​ចលនា​របស់​រាង​កាយ ។ នៅ​ក្នុង​ករណី​ដែល​យើង​ទាំងអស់​គ្នា​បញ្ចូល​សារធាតុ​ផ្អែម​ទាំងនេះ​ទៅ​ក្នុង​ខ្លួន ហើយ​រាង​កាយ​ប្រើ​មិន​អស់​សរីរាង្គ​យើង​នឹង​រក្សា​វា​ទុក​នៅ​ក្នុង​រាង​កាយ ហើយ​វា​នឹង​បង្ក​ទៅ​ជា​ខ្លាញ់ អាក្រក់ ឫ នៅ​ក្នុង​ឈាម ។ ដូច្នេះ​ហើយ​ទើប​វា​បណ្តាល​អោយ​មាន​បញ្ហា​បេះដូង​ខ្លាំង​នៅ​ក្នុង​សរសៃ ឈាម ហើយ​អាច​មាន​បញ្ហា​ដល់​បេះដូង និង​តម្រង់​នោម​ជាដើម ។

អាហារ​ដែល​មាន​សារធាតុ​ផ្អែម​ទាំងនេះ ត្រូវ​បាន​គេ​ដឹង​ថា គឺ​វា​បញ្ចូល​ទៅ​ក្នុង​ខ្លួន​យើង​ដោយ ពពួក​អាហារ​ដែល​មាន​ជាតិ​ផ្អែម​នានា ទាំង​ម្ហូប​ទាំង​អាហារ ។ ពពួក​អាហារ​ដែល មាន សុវត្ថិភាព ដើម្បី​បំពេញតម្រូវការ​ជាតិ​ស្ករ​មក​បំពេញតម្រូវការ​នៅ​ក្នុង​រាង​កាយ​យើង គឺ ពពួក​ផ្លែ​ឈើ ប៉ុន្តែ​មិន​ដូច្នេះ​ទេ ពលរដ្ឋ​យើង​ភាគច្រើន​យល់​ច្រឡំ ហើយ​ច្រើន​តែ​បញ្ចូល​សារធាតុ ផ្អែម​ទាំងនេះ​ទៅ​ក្នុង​ខ្លួន​តាម​រយៈ​ភេសជ្ជ​កំប៉ុង កាហ្វេ ទឹក​ផ្លែ​ឈើ ដែល​ពពួក​ភេសជ្ជៈ​ទាំងនេះ​គឺ​សំបូរ​សា​ធាតុ​ស្ករ​ខ្លាំង​បំផុត ។

ពាក់ព័ន្ធ​នឹង​បញ្ហា​សារធាតុ​ស្ក​នៅ​ក្នុង​ភេសជ្ជៈ​នេះ ខាង​មន្ទីរ​សុខាភិបាល​នៃ​រដ្ឋបាល​រាជធានី​ភ្នំ ពេញ​ក៏​ធ្លាប់​បាន​បញ្ចេញ​នូវ​ព័ត៌មាន​អប់រំ​ខ្លះ​ៗ​ដែរ​អំពី​គ្រោះថ្នាក់​ក៏​ដូច​ជា កម្រិត​សារធាតុ​ស្ករ នៅ​ក្នុង​ពពួក​ភេសជ្ជៈ​មួយ​ចំនួន​នៅ​ក្នុង​បរិមាណ​៥០០ មី​លី​លី​ត្រ ដែល​រួម​មានទឹក​ជំនួយ​កម្លាំង គឺជា​ទូទៅ​មាន​សារធាតុ​ស្ករ​នៅ​ក្នុង​នោះ ២១​ក្រាម ទឹកក្រឡុក​ផ្អែម​វិញ គឺ​មាន ៤០​ក្រាម ទឹកក្រូច​ច្របាច់​៤២ ក្រាម ភេសជ្ជៈ​ប៉ូវ​កម្លាំង គឺ​មាន​៥០​ក្រាម សូ​ដា ៥២ ក្រាម និង កាហ្វេ​ផ្អែម គឺ​៥៣​ក្រាម ។​

​តាម​ឯកសារ​សុខភាព​សារ​ធារ​ណៈ​ដែល​យើង​បាន​ស្រាវជ្រាវ​បាន​ឲ្យ​ដឹង​ថា ពពួក​ភេសជ្ជៈ ផ្អែម​ទាំងនេះ​ដំបូង​ឡើយ គឺ​បង្ក​ឲ្យ​យើង​មាន​បញ្ហា​លើស​គីឡូ ជំងឺ​ទឹកនោមផ្អែម បន្ទាប់​មក​គឺ​ចាប់ផ្តើម​ធ្វើ​ឲ្យ​យើង មាន​ខ្លាញ់​នៅ​ក្នុង​សរសៃឈាម ដែល​អាច​នឹង​មាន បញ្ហា​សំពាធ​ឈាម ។ ក្រោយមក ទៀត​វា​អាច​បន្ត​ឲ្យ​មាន​ផលវិបាក​ដល់​បេះដូង ហើយ​បង្ក​ជា​ជំងឺ​សំពាធ​ឈាម ឫ​លើសឈាម ។

តាម​ឯកសារ​ដែល​គេ​បាន​អង្កេត​លើ​មនុស្ស​ពេញវ័យ​ចំនួន ២៥.០០០ នាក់ បាន​បង្ហាញ​ថា រោគ​សញ្ញា​លើស​ជាតិ​ស្ករ​ដំបូង​ក៏​អាច​មាន​អាកា​រៈ​ចេញ​មុខ​ប្លែក​ៗ​ផង​ដែរ ដូច្នេះ​សូម​ប្រុង​ប្រយ័ត្ន ។ បន្ទាប់​មក​ទៀត គឺ​ជំងឺ​ទឹកនោមផ្អែម មហារីក បាក់ទឹកចិត្ត ស្បែក​ឆាប់​ចាស់ ដោយសារ​តែ​កោសិកា​ស្បែក​ក៏​ដូច​ជា​ជាលិកា​ចុះ​ខ្សោយ ហើយ​វា​ក៏​ប៉ះពាល់​ដល់​ធ្មេញ ជំងឺ​សន្លាក់ និង​បញ្ហា​ថ្លើម​ផង​ដែរ ។ ជាង​នេះ​ទៀត វា​អាច​ធ្វើ​អោយ​មនុស្ស​ស្លាប់​.​បាន​។

សូម​លើកកម្ពស់​ការ​ប្រុង​ប្រយ័ត្ន​ដោយ​ខ្លួនឯង ហើយ​ប្រសិនបើ​អាច​គួរតែ​កាត់​បន្ថយ​បណ្តើរ​ៗ បើ​មិន​ដូច្នេះ​ទេ យើង​នឹង​បំផ្លាញ​សុខភាព​ខ្លួន​យើង​ដោយសារ​តែ​យើង​ខ្លួនឯង​នេះឯង ។ គេ​មិន​ហាមឃាត់​ទេ ប៉ុន្តែ​យើង​ក៏​ត្រូវ​ដាក់​កម្រិត​ខ្លួនឯង​នៅ​ក្នុង​ការ​ទទួលទាន ។ អ្វី​ដែល​គេ​លើក​ឡើង គឺ​គ្រាន់តែ​ជា​ការ​ពញាក់​ស្មារតី​និង​ឲ្យ​យើង ដឹង​អំពី​កម្រិត​បរិមាណ សារធាតុ​ស្ក ដែល​មាន​តុល្យភាព​សម្រាប់​រក្សា​លំនឹង​សុខភាព​របស់​ខ្លួន​យើង​ម្នាក់​ៗ​ប៉ុណ្ណោះ​៕

អត្ថបទសរសេរ ដោយ

កែសម្រួលដោយ