លោកត្រាំ ត្រូវបានរដ្ឋមួយទៀតហាមមិនឱ្យឈរឈ្មោះបោះឆ្នោត
សហរដ្ឋអាមេរិក ៖ រដ្ឋមេនប្រកាសកាលពីថ្ងៃទី២៨ធ្នូថា អតីតប្រធានាធិបតីលោកដូណាល់ត្រាំនឹង
សហរដ្ឋអាមេរិក ៖ រដ្ឋមេនប្រកាសកាលពីថ្ងៃទី២៨ធ្នូថា អតីតប្រធានាធិបតីលោកដូណាល់ត្រាំនឹងមិនមានឈ្មោះក្នុងការបោះឆ្នោតសម្រាំងជ្រើសរើសបេក្ខជនប្រធានាធិបតីសម្រាប់គណបក្សសាធារណរដ្ឋឡើយ។ ការបោះឆ្នោតសម្រាំងនោះគ្រោងធ្វើនាថ្ងៃទី៥មីនាខាងមុខនេះ។
លោកស្រីSHENNA BELLOWSមនុស្សជិតដិតនឹងលោកចូបៃដិន លេខាធិការរដ្ឋមេនទទួលបន្ទុកខាងរៀបចំការបោះឆ្នោត ជាអ្នកប្រជាធិបតេយ្យប្រកាសទាំងភ្ញាក់ផ្អើលថា លោកត្រាំមិនសមកាន់តំណែងប្រធានាធិបតីឡើយ។ លោកស្រីលើកហេតុផលពីការសម្រេចនោះថាដោយយោងតាមកថាខណ្ឌទី៣ នៃរដ្ឋធម្មនុញ្ញដែលធ្វើវិសោធនកម្មលើកទី១៤។ ការធ្វើវិសោធនកម្មរដ្ឋធម្មនុញ្ញនោះដែលអនុម័តកាលពីឆ្នាំំ១៨៦៨ចែង ហាមឃាត់រាល់មនុស្សដែលធ្វើសកម្មភាពបះបោរ មិនឲ្យកាន់តំណែងជាអ្នកទទួលខុសត្រូវរបស់រដ្ឋ។
លោកត្រាំពិតណាស់នឹងធ្វើការតវ៉ាទៅសាលាឧទ្ធណ៍ចំពោះការសម្រេចនេះ។ មុននេះតុលាការកំពូលរដ្ឋកូឡូរ៉ាដូ បានហាមឃាត់រួចហើយលោកត្រាំមិនឲ្យឈរឈ្មោះជាបេក្ខជនប្រធានាធិបតីរួចមកហើយ៕
ចែករំលែកព័តមាននេះ