លោកគីម ជុងអ៊ុន អំពាវនាវឱ្យជំរុញការរៀបចំសង្គ្រា.ម
ប្រទេសកូរ៉េខាងជើង ៖ បណ្ដាសារព័ត៌មានរដ្ឋកូរ៉េខាងជើងរាយការណ៍នាថ្ងៃទី២៨ ធ្នូថា មេដឹកនាំ
ប្រទេសកូរ៉េខាងជើង ៖ បណ្ដាសារព័ត៌មានរដ្ឋកូរ៉េខាងជើងរាយការណ៍នាថ្ងៃទី២៨ ធ្នូថា មេដឹកនាំប្រទេសលោកគីមជុងអ៊ុន អំពាវនាវឲ្យជម្រុញការរៀបចំសង្គ្រាម របស់ប្រទេសលោក ក្នុងនោះមានកម្មវិធីអាវុធនុយក្លេអ៊ែរផង មកពីសភាពការណ៍នយោបាយនិងយោធាធ្ងន់ធ្ងរ ដែលលោកថា បង្កឡើងដោយឧបាយកលប្រឈមមុខដាក់គ្នារបស់សហរដ្ឋអាមេរិកនិងបណ្ដាសម្ព័ន្ធមិត្ត។
ក្នុងកិច្ចប្រជុំពេញអង្គរបស់គណៈកម្មាធិការកណ្ដាលបក្សពលករកូរ៉េ ជាកិច្ចប្រជុំធំប្រចាំឆ្នាំរបស់បក្ស លោកគីម ជុងអ៊ុន បានបញ្ជាដល់កងទ័ពលោកឲ្យបង្កើនការផលិតគ្រាប់រំសេវ ជម្រុញផ្នែកអាវុធនុយក្លេអ៊ែរ និងផ្នែកការពារស៊ីវិល ដើម្បីជម្រុញការរៀបចំសង្គ្រាម។ តាមទីភ្នាក់ងារព័ត៌មានផ្លូវការKCNA របស់ប្រទេសនេះថា មេដឹកនាំអពាវនាវបែបនេះមកពីសភាពការណ៍នយោបាយនិងយោធានៅឧបទ្វីបកូរ៉េបានឡើងដល់ចំណុចធ្ងន់ធ្ងរបំផុត ដោយលោកលើកពីឧបាយកលប្រឈមមុខគ្នារបស់សហរដ្ឋអាមេរិកនិងសម្ព័ន្ធមិត្ត ដែលខ្លាំងបំផុតពុំធ្លាប់មានក្នុងប្រវត្តិសាស្ត្រ។
អាមេរិក កូរ៉េខាងត្បូងនិងជប៉ុនបានបង្កើនកិច្ចសហប្រតិបត្តិការខាងយោធា ដោយដំណើរការប្រព័ន្ធចែកចាយព័ត៌មានគ្នា ពីការបាញ់មីស៊ីលរបស់កូរ៉េខាងជើងនិងបង្កើនសមយុទ្ធយោធារួមក្នុងតំបន់។ កងទ័ពអាមេរិកបានបញ្ជូនមកកាន់កូរ៉េខាងត្បូងរយៈពេលប៉ុន្មានខែចុងក្រោយនេះ នាវាមុជទឹកនុយក្លេអ៊ែរUSS MISSOURI នាវាផ្ទុកយន្តហោះUSS RONALD REAGAN និងយន្តហោះទម្លាក់គ្រាប់បែកយុទ្ធសាស្ត្រB-52 ៕
ចែករំលែកព័តមាននេះ