តួកគីសម្លា.ប់ប្រមុខពួកឃើតម្នាក់ក្នុងការវា.យប្រហារនៅអ៊ីរ៉ាក់
ប្រទេសតួកគី ៖ តួកគីបានបើកធ្វើចាប់តាំងពីចុងសប្ដាហ៍មុនមក ការវាយប្រហារតាមអាកាស
ប្រទេសតួកគី ៖ តួកគីបានបើកធ្វើចាប់តាំងពីចុងសប្ដាហ៍មុនមក ការវាយប្រហារតាមអាកាសប្រឆាំងអ្វីដែលខ្លួនហៅថាពួកភេរវករនៅភាគខាងជើងស៊ីរីនិងនៅអ៊ីរ៉ាក់។ ការវាយប្រហារទាំងនោះធ្វើឡើងជាការសងសឹកបន្ទាប់ពីការស្លាប់ទាហានតួកគី១២នាក់ រយៈពេលត្រឹម២ថ្ងៃនៅភាគខាងជើងអ៊ីរ៉ាក់ កន្លែងដែលក្រុងអង់ការ៉ាមានបណ្ដាមូលដ្ឋានយោធានៅទីនោះ។
កាលពីថ្ងៃទី២៦ ធ្នូ ភ្នាក់ងារស៊ើបការណ៍តួកគី គូសបញ្ជាក់ថា បានវាយប្រហារសំដៅលើប្រមុខម្នាក់ក្នុងចំណោមប្រមុខនៃចលនាឧទ្ទាមឃើតក្រុមPKK ក្នុងឱកាសនៃប្រតិបត្តិការមួយក្នុងទីក្រុងស៊ូឡីម៉ានីញ៉េភាគខាងជើងអ៊ីរ៉ាក់។
ប្រភពព័ត៌មានសន្តិសុខតួកគីនិយាយថា ជនឈ្មោះ MEHMET SEFA AKMAN មានរហស្សនាមថា BAHOZ ZAGROS ប្រមុខគណបក្សពលករឃើតឌីស្ថាន PKK នៅក្រុងស៊ូឡីម៉ានីញ៉េបានត្រូវស្លាប់ក្នុងការវាយប្រហារតម្រង់ទិសដៅកាលពីថ្ងៃទី២៦ ធ្នូ។ ការវាយប្រហារតាមអាកាសនោះធ្វើឡើងដោយអង្គការស៊ើបការណ៍ជាតិតួកគី ៕
ចែករំលែកព័តមាននេះ