ក្រោយត្រឡប់មកពីហ្គាហ្សាវិញ នាយករដ្ឋមន្ត្រីអ៊ីស្រាអែលសន្យាបង្កើនការប្រយុទ្ធ
សង្គ្រាមអ៊ីស្រាអែលនិងក្រុមហាម៉ាស់ ៖ មកដល់ថ្ងៃទី៨០នៃសង្គ្រាមជាមួយពួកហាម៉ាស់ប៉ាឡស្ទីន
សង្គ្រាមអ៊ីស្រាអែលនិងក្រុមហាម៉ាស់ ៖ មកដល់ថ្ងៃទី៨០នៃសង្គ្រាមជាមួយពួកហាម៉ាស់ប៉ាឡស្ទីន នាយករដ្ឋមន្ត្រីអ៊ីស្រាអែល លោកបេនចាមីន នេតាន់យ៉ាហ៊ូ ប្រកាសថា នាថ្ងៃទី២៥ ធ្នូ លោកបានទៅកាន់ហ្គាហ្សា និងបន្ទាប់ពីវិលត្រឡប់ពីទីនោះវិញ លោកសន្យាពីការបង្កើនការប្រយុទ្ធ នៅដែនដីប៉ាឡេស្ទីននោះ។
នៅមុខបណ្ដាសមាជិកសភានៃគណបក្សលីគូដរបស់លោក នាយករដ្ឋមន្ត្រីអីុស្រាអែលថ្លែងថា ខ្ញុំទើបមកពីជ្រោយហ្គាហ្សា។ យើងមិនបញ្ចប់ការប្រយុទ្ធនៅទីនោះឡើយហើយនឹងបន្តដោយយើងបង្កើនការប្រយុទ្ធនាបណ្ដាថ្ងៃខាងមុខ ហើយនោះនឹងជាសង្គ្រាមរយៈពេលយូរមួយដែលមិនទាន់ងាយបញ្ចប់ឡើយ។
ការអះអាងនោះរបស់លោកនេតាន់យ៉ាហ៊ូ បង្ហាញថា លោកមិនបន្ទាន់ជំហរឡើយក៏ទោះបីមានការអំពាវនាវ របស់អង្គការក្រៅរដ្ឋាភិបាលជាច្រើននិងរបស់បណ្ដាសាច់ញាតិគ្រួសារចំណាប់ខ្មាំង ឲ្យមានបទឈប់បាញ់គ្នាមួយក្ដី ៕
ចែករំលែកព័តមាននេះ