ថៅកែអេតចាយភ័.យពេកជំងឺរើឡើង ត្រូវបញ្ជូនទៅសង្គ្រោះបន្ទាន់ ក្រោយឆេះរោងកម្មករ ក្នុងខណ្ឌដង្កោ
- ភ្នំពេញ
រាធធានីភ្នំពេញ ៖ ព្រះអគ្គិដែលបង្កឡើងដោយការឆ្លងចរន្តអគ្គិសនីបានឆាបឆេះរោងស្នាក់នៅរបស់
រាធធានីភ្នំពេញ ៖ ព្រះអគ្គិដែលបង្កឡើងដោយការឆ្លងចរន្តអគ្គិសនីបានឆាបឆេះរោងស្នាក់នៅរបស់កម្មករក្នុងទីតាំងលក់ និងទិញអេតចាយមួយកន្លែងយ៉ាងសន្ធោសន្ធៅ និងមានផ្សែងខ្មៅឃ្មួលខ្មាញ់ហោះឡើងលើអាកាស ។ ខណៈនោះបានធ្វើឲ្យស្ត្រីម្ចាស់ទីតាំងនោះនូវការភិតភ័យយ៉ាងខ្លាំង រហូតបេះដូងធ្វើទុក្ខចុកណែនទ្រូងស្ទើរស្លា.ប់ ហើយភ្លាមៗនោះត្រូវបានក្រុមគ្រួសារដឹកតាមម៉ូតូកង់បីនាំទៅកាន់មន្ទីរពេទ្យដើម្បីសង្គ្រោះបន្ទាន់។
ហេតុការណ៍ខាងលើនោះបានកើតឡើង បង្កឲ្យមានការភ្ញាក់ផ្អើលកាលពីវេលាម៉ោង១២និង៣០នាទីថ្ងៃត្រង់ ថ្ងៃទី២៣ ខែធ្នូ ឆ្នាំ២០២៣ ស្ថិតនៅតាមបណ្ដោយផ្លូវលេខ២១៧ ភូមិរលួស សង្កាត់ជើងឯក ខណ្ឌដង្កោ រាជធានីភ្នំពេញ។
តាមប្រភពព័ត៌មានបានឲ្យដឹងថា រោងស្នាក់នៅរបស់កម្មករដែលរងការឆាបឆេះនោះសាងសង់ពីដែកប្រក់ស័ង្កសីមានទំហំ៦ម៉ែត្រគុណនឹង៨ម៉ែត្រ ហើយក៏មានស្តុកអេតចាយចម្រុះជាច្រើនមុខនៅក្នុងនោះផងដែរ ។ ចំណែកស្ត្រីដែលដែលជាម្ចាស់ទីតាំងខាងលើឈ្មោះអ៊ឹម ស៊ីវិន អាយុ៤៣ឆ្នាំ មុខរបរលក់និងទិញអេតចាយ ស្នាក់នៅក្នុងទីតាំងកើតហេតុនោះ។
តាមប្រភពមួយនោះបានប្រាប់ឲ្យដឹងបន្តទៀតថា នៅមុនពេលកើតហេតុ ខណៈដែលម្ចាស់ទីតាំងនិងកម្មករ៣ទៅ៤នាក់ទៀតកំពុងសម្រាកក្រោយហូបបាយថ្ងៃត្រង់រួច ស្រាប់តែមានការឆ្លងចរន្តអគ្គិសនីបង្កជាអណ្ដាតភ្លើងឆាបឆេះរោងកម្មករនិងឆេះរាលដល់អេតចាយយ៉ាងសន្ធោរសន្ធៅភ្លាមៗព្រមទាំងមានផ្សែងហោះឡើងលើកប់អាកាសតែម្ដង ។ ពេលនោះភ្លើងឆេះលឿនខ្លាំងណាស់ ព្រោះអេតចាយសម្បូរទៅដោយគ្រឿងជ័រដែលងាយនិងឆាបឆេះបំផុត ហើយក្រុមកម្មករនៅទីនោះបាននាំគ្នាដងទឹកជះពន្លត់ដែរ ប៉ុន្តមិនរលត់ឡើយរឹតតែឆេះខ្លាំងទៅៗ ទើបផ្ដល់ព័ត៌មានទៅកាន់អាជ្ញាធរខណ្ឌដង្កោដើម្បីសុំជំនួយរថយន្តពន្លត់អគ្គិភ័យ។
តាមប្រភពខាងលើបានបានប្រាប់បន្ថែមទៀតថា ខណៈរោងកម្មករត្រូវអគ្គិលេបត្របាក់បែបនេះបានធ្វើឲ្យស្ត្រីដែលជាម្ចាស់ទីតាំងរងការភិតភ័យជាខ្លាំង រហូតធ្វើឲ្យជម្ងឺបេះដូងរើឡើងបណ្ដាលឲ្យគាត់ចុកណែនទ្រូស្ទើរស្ទះដង្ហើមស្លា.ប់ ហើយត្រូវបានក្រុមគ្រួសារដឹកបញ្ជូនទៅកាន់មន្ទីរពេទ្យដើម្បីសង្គ្រោះបន្ទាន។ដោយឡែកអាជ្ញាធរនិងនគរបាលខណ្ឌដង្កោបានទៅកាន់ទីនោះភ្លាមៗ ហើយក៏មានរថយន្តពន្លត់អគ្គិភ័យចំនួន៥គ្រឿងទៅដល់ជាបន្តបន្ទា ដោយប្រើប្រាស់ទឹកអស់៣រថយន្ត ស្មើនឹង១៤ម៉ែត្រគូបទើបរលត់ទៅវិញនៅវេលាម៉ោង១និង២០នាទីថ្ងៃដដែលនោះ ៕
ចែករំលែកព័តមាននេះ