ជាងបើកសាកឡានភ្ញៀវ ស្រាប់តែធុំក្លិនឈ្ងៀម លុះមួយសន្ទុះផ្អើលជិតទីលានវាយកូនហ្គោល
- ភ្នំពេញ
ជាងបើកសាករថយន្តភ្ញៀវ ស្រាប់តែធុំក្លិនឈ្ងៀម
រាជធានីភ្នំពេញ ៖ រថយន្តស៊េរីទំនើបមួយគ្រឿងត្រូវអគ្គិភ័យឆាបឆេះ ក្នុងបឹងកក់ បង្កការភ្ញាក់ផ្អើលដល់សន្តិសុខ និងសមត្ថកិច្ច ជួយអន្តរាគមន៍ពន្លត់កាលពីវេលាម៉ោង៤និង៣០នាទីរសៀលថ្ងៃទី ២០ ខែធ្នូ ឆ្នាំ២០២៣ នៅចំណុចជិតនិងទីលានវាយកូនហ្គោល ស្ថិតនៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
តាមប្រភពព័ត៏មានបានអោយដឹងថា នៅមុនពេលកើតហេតុ បុរស២នាក់ជាជាងជួសជុល បានបើករថយន្ត Range Rover ពណ៏ស ពាក់ស្លាកលេខ ភ្នំពេញ 2AN-3688 (បើកសាករថយន្តភ្ញៀវ) ខណៈនោះ បុរសជាអ្នកបើកបរធុំក្លិនឈ្ងៀមចេញពីខាងមុខរថយន្ត ។ លុះមួយសន្ទុះក្រោយមក ស្រាប់តែកើតជាអណ្តាតភ្លើងរួមនឹងផ្សែងខ្មៅ ។ ភ្លាមៗ សន្តិសុខនៅក្នុងបឹងកក់ បានជួយយករថយន្តមកជួយបាញ់ពន្លត់ និងបានបន្តទាក់ទងទៅសមត្ថកិច្ចមូលដ្ឋានអោយជួយមកអន្តរាគមន៏ ។
ក្នុងប្រតិបត្តិការណ៏នេះដែរ បានប្រើប្រាស់រថយន្តពន្លត់អគ្គិភ័យ ដោយបាញ់ទឹកអស់ចំនួន២គ្រឿង មានរថយន្តស្នងកាដ្ឋាននគរបាលរដ្ឋបាលរាជធានីភ្នំពេញ១គ្រឿង និងរថយន្តស្រោចផ្ការរបស់ទីលានវ៉ៃកូនហ្គោលចំនួន១គ្រឿង បាញ់រលត់ជាស្ថាពរនៅវេលាម៉ោង៥ល្ងាចថ្ងៃដដែល ។ ចំពោះមូលហេតុ សមត្ថកិច្ចសន្និដ្ឋានថា គឺមកឆ្លងចរន្តអគ្គសនី ៕ (ដោយ ៖ រដ្ឋា)
ចែករំលែកព័តមាននេះ