កីឡាការិនីលំដាប់ទី១ពិភពលោកការ៉ូលីន វ៉ូនីអាកគីទទួលបានជោគជ័យមួយជំហានបន្ទាប់ពីបានឆ្លងផុតជុំទី ១ប្រកួតតឺន្នីសក្របខណ្ឌធំFrench Openនៅទីលានដីក្រហមរ៉ូឡង់ ហ្គារ៉ូសស្ថិតក្នុងទីក្រុងប៉ារីស ប្រទេសបារាំងកាលពីថ្ងៃចន្ទទី២៣ខែឧសភាកន្លងមកនេះ។
ប្រកួតក្នុងជុំទី១នេះនាងវ៉ូនីអាកគីបានយកឈ្នះកីឡាការិនិរបស់ជប៉ុនគីមីកូ
កីឡាការិនីលំដាប់ទី១ពិភពលោកការ៉ូលីន វ៉ូនីអាកគីទទួលបានជោគជ័យមួយជំហានបន្ទាប់ពីបានឆ្លងផុតជុំទី១ប្រកួតតឺន្នីសក្របខណ្ឌធំFrench Openនៅទីលានដីក្រហមរ៉ូឡង់ ហ្គារ៉ូសស្ថិតក្នុងទីក្រុងប៉ារីស ប្រទេសបារាំងកាលពីថ្ងៃចន្ទទី២៣ខែឧសភាកន្លងមកនេះ។
ប្រកួតក្នុងជុំទី១នេះនាងវ៉ូនីអាកគីបានយកឈ្នះកីឡាការិនិរបស់ជប៉ុនគីមីកូ ដេតគ្រុមក្នុងលទ្ធផល២សិតជាប់ៗគ្នា៦-០និង៦-២ដោយប្រើរយៈពេលតែ៦០នាទីប៉ុណ្ណោះ។ ពេលនេះកីឡាការិនីដាណឺម៉ាករូបនេះកំពុងតែព្យាយាមដើម្បីយកពានជើងឯកក្របខណ្ឌធំឲ្យខាងតែបាន ដ្បិតក្នុងនាមជាកីឡាការិនីលំដាប់ទី១ពិភពលោកនាងមិនទាន់បានយកឈ្នះពានក្របខណ្ឌធំណាមួយនៅឡើយទេ។ នៅជុំទី២វ៉ូនីអាកគីនឹងជួបប្រកួតជាមួយកីឡាការិនីកាណាដាអាឡេកសាន់ដ្រា វ៉ូនីអាក ។
កីឡាការិនីការពារជើងឯកហ្វ្រង់សេស្កា ស្គៀវ៉ូនក៏បានឡើងទៅជុំបន្តផងដែរបន្ទាប់ពីបានយកឈ្នះកីឡាការិនីវ័យក្មេងរបស់អាមេរិកមេឡានី អូឌីនក្នុងលទ្ធផល៦-២និង៦-០។ កីឡាការិនីអុីតាលីរូបនេះបានប្រើពេលអស់៦២នាទីយកឈ្នះនាងអូឌីនដែលមានវ័យទើប១៩ឆ្នាំ។នៅទីនេះកាលពីឆ្នាំទៅមិញនាងស្គៀវ៉ូនបានយកឈ្នះនាងវ៉ូនីអាកគីក្នុងវគ្គ១/៤ផ្តាច់ព្រ័ត្រ ហើយទីបំផុតក៏បានយកឈ្នះពានជើងឯកបន្ទាប់ពីបានផ្តួលកីឡាការិនីអូស្ត្រាលីសាម៉ាន់ថា ស្តូសួ។ នៅជុំបន្ទាប់នាងស្គៀវ៉ូននឹងជួបប្រកួតជាមួយកីឡាការិនីវេសណា ដូឡុន។ នាងស្គៀវ៉ូនបាននិយាយថា៖«ខ្ញុំនៅតែមានការភិតភ័យខ្លះៗដែរ។ តែយ៉ាងណាខ្ញុំសប្បាយចិត្តខ្លាំងដែលបានមកប្រកួតនៅទីនេះជាថ្មីម្តងទៀត។ ទីលានប្រកួតនៅទីនេះល្អខ្លាំងណាស់។ វាហាក់បីដូចជាយើងធ្វើដំណើរទៅដល់ផ្ទះវិញ ហើយអ្វីៗត្រូវបានអ្នកម្តាយរបស់យើងរៀបចំឲ្យយ៉ាងស្រួល។ ខ្ញុំមានអារម្មណ៍បែបនោះ»។
ឯនាងអូឌីនវិញបាននិយាយថា៖«ខ្ញុំទទួលបានមេរៀនប្រកួតនៅលើទីលានដីក្រហមយ៉ាងល្អ។ ខ្ញុំមិនដែលធ្លាប់បានប្រកួតជាមួយកីឡាការិនីណាម្នាក់ដែលវាយកូនបាល់បានខ្លាំងដូច្នេះទេ។ ការវាយសឺវីសរបស់នាងពិតជាបានល្អខ្លាំងណាស់។ ពេលនេះខ្ញុំអាចដឹងថា នាងយកឈ្នះពានជើងឯកក្របខណ្ឌធំមួយនេះកាលពីឆ្នាំទៅមិញយ៉ាងម៉េចហើយ»។
កីឡាការិនីរុស្ស៊ីវេរ៉ា ហ្សូណារេវ៉ាបានយកឈ្នះនាងឡូដេស ដូមិនហ្គេសខណៈនាងប៉េត្រា វីតូវ៉ាបានយកឈ្នះនាងហ្គ្រេតតា អាន។ នាងហ្សូណារេវ៉ាដែលបានបរាជ័យក្នុងវគ្គផ្តាច់ព្រ័ត្រទាំងនៅក្របខណ្ឌធំ WimbledonនិងUS.Openកាលពីឆ្នាំទៅមិញក្នុងពេលប្រកួតនៅជុំទី១នេះបានធ្វើឲ្យមានកំហុសunforced errors២៩ធៀបនឹងដៃគូរបស់នាងដែលមានតែ១៩ ។ ចំណែកកីឡាការិនីវ័យ១៩ឆ្នាំរបស់ឆែកវីតូវ៉ាដែលទើបតែបានលើកពានជើងឯកកម្មវិធីMadrid Mastersក្នុងពេលថ្មីៗបំបាក់កីឡាការិនីហុងគ្រីក្នុងលទ្ធផល៦-២និង៦-១ ។
ក្នុងពេលជាមួយគ្នានេះដែរនៅលើតារាងប្រកួតលេខ១៤ នាងសារ៉ា អេរ៉ានីបានយកឈ្នះកីឡាការិនីវ័យ១៨ឆ្នាំរបស់អាមេរិកគ្រីស្ទីណា ម៉ាកហេលក្នុងលទ្ធផល៦-៧,៦-២និង៩-៧។ កីឡាការិនីបារាំងម៉ារីយ៉ុង បាតូលីបានយកឈ្នះកីឡាការិនីហ្ស៊កហ្ស៊ីអាណា តាស៊ីវីលីក្នុងលទ្ធផល១-៦, ៦-២ និង៦-១ ខណៈកីឡាការិនីរុស្ស៊ីម៉ារីយ៉ា គីរីឡឹនកូបានយកឈ្នះកីឡាការិនីអាមេរិកកូកូ វ៉ាន់ដឺវេចក្នុងលទ្ធផល៧-៦និង៦-២។
កីឡាការិនីស៊ែប៊ីជែឡេណា ជែនកូវិចក៏បានឆ្លងផុតជុំទី១ផងដែរបន្ទាប់ពីបានយកឈ្នះកីឡាការិនីអ៊ុយក្រែនអាឡូណា បុនដារិនកូក្នុងលទ្ធផល៦-៣និង៦-១ ។ នៅជុំបន្ទាប់ជែនកូវិចនឹងជួបប្រកួតជាមួយកីឡាការិនីរុស្ស៊ីវេរ៉ា ឌូសេវីណាដែលបានយកឈ្នះកីឡាការិនីអូស្ត្រាលីជេឡេណា ដូគិចក្នុងលទ្ធផល៤-៦,៦-៣និង៦-២។
ចំណែកលទ្ធផលការប្រកួតឯកត្តជនផ្នែកបុរសវិញ កីឡាករលំដាប់ទី២ពិភពលោកណូវ៉ាក់ យ៉ូកូវិចបានយកឈ្នះកីឡាករហូឡង់ធៀម៉ូ ដឺបាកគ័រក្នុងលទ្ធផល៦-២,៦-១និង៦-៣។ នេះគឺជាជ័យជម្នះលើកទី៤០របស់គេហើយសម្រាប់រដូវកាលប្រកួតឆ្នាំ២០១១នេះ។ កីឡាកររូបនេះបាននិយាយថា៖«ខ្ញុំមិនបានរាប់នោះទេ មិនដឹងជាឈ្នះលើកទីប៉ុន្មានហើយទេ។ ខ្ញុំមិនគិតអំពីការឈ្នះជាបន្តបន្ទាប់គ្នានោះទេបើទោះបីជាជ័យជម្នះទាំងអស់វាបានធ្វើឲ្យខ្ញុំមានមោទនភាពក៏ដោយចុះ»។
អតីតកីឡាករលំដាប់ទី១ពិភពលោកឡីតុន ហេវីតបានធ្វើឲ្យបណ្តាអ្នកគាំទ្រអស់សង្ឃឹមយ៉ាងខ្លាំងបន្ទាប់ពីរូបគេបានប្រកាសដកខ្លួនពីការប្រកួត។ ក្នុងជុំទី១កីឡាករហេវីតតម្រូវជួបជាមួយកីឡាករអេស្ប៉ាញអាល់បឺត ម៉ុងតានេស។ ការដកខ្លួនមិនប្រកួតរបស់ហេវីតនេះត្រូវបានគេគិតថាមកពីរបួសចាស់ដែលបានរើឡើងវិញ ។
ចំណែកកីឡាករអេស្ប៉ាញដេវីដ ហ្វេរ័រមានក្តីរីករាយជាខ្លាំងបន្ទាប់ពីបានឆ្លងផុតជុំទី១ដោយជោគជ័យ។ ហ្វេរ័របានយកឈ្នះកីឡាករហ្វាំងឡង់ហ្សាក់កូ នៀមីណិនក្នុងលទ្ធផល៦-៣,៦-៣និង៦-១។ កីឡាករវ័យ២៩ឆ្នាំរូបនេះនៅជុំទី២នឹងជួបប្រកួតជាមួយបារាំងហ្សូ៊លីយ៉ង់ បង់ណេតូដែលបានយកឈ្នះកីឡាករព័រទុយហ្គាល់រី ម៉ាសាដូក្នុងលទ្ធផល៤-៦,៦-១,៦-២និង៦-០។ ហ្វេរ័រដែលធ្លាប់ឈានចូលដល់វគ្គ១/៤ផ្តាច់ព្រ័ត្រនៅបារាំងនេះចំនួន២លើកបាននិយាយថា៖«ខ្ញុំតែងសង្ឃឹមថា ការប្រកួតរបស់ខ្ញុំបានល្អនៅទីក្រុុងប៉ារីសនេះ» ៕
ចែករំលែកព័តមាននេះ