ខេត្តព្រះសីហនុ ៖ ភូមិចំនួន៣ក្នុងឃុំបិតត្រាំង ត្រូវបានប្រកាសតំបន់វិនិច្ឆ័យការចុះបញ្ជីដីធ្លីមានលក្ខណៈជាប្រព័ន្ធ ហើយក៏ជាភូមិចុងក្រោយសម្រាប់ខេត្តព្រះសីហនុ ។ នេះជាការលើកឡើងរបស់ឯកឧត្តម គួច ចំរើន អភិបាលនៃគណ:អភិបាលខេត្តព្រះសីហនុ…
ខេត្តព្រះសីហនុ ៖ ភូមិចំនួន៣ក្នុងឃុំបិតត្រាំង ត្រូវបានប្រកាសតំបន់វិនិច្ឆ័យការចុះបញ្ជីដីធ្លីមានលក្ខណៈជាប្រព័ន្ធ ហើយក៏ជាភូមិចុងក្រោយសម្រាប់ខេត្តព្រះសីហនុ ។ នេះជាការលើកឡើងរបស់ឯកឧត្តម គួច ចំរើន អភិបាលនៃគណ:អភិបាលខេត្តព្រះសីហនុ មានប្រសាសន៍បើកកិច្ចប្រជុំ កាលពីព្រឹកព្រឹកថ្ងៃទី១៩ ខែធ្នូ ឆ្នាំ២០២៣ ដោយមានការចូលរួមពីឯកឧត្តម វង្ស ផាណាត ប្រធានក្រុមប្រឹក្សាខេត្តព្រះសីហនុ បានអញ្ជើញចូលរួម និងមានការចូលរួមពីឯកឧត្តម លោកជំទាវ ជាសមាជិកក្រុម ប្រឹក្សាខេត្ត លោកអភិបាលរងខេត្ត លោកអភិបាលក្រុង ស្រុក មន្ត្រីរាជការកងកម្លាំងប្រដាប់អាវុធ និងបងប្អូនប្រជាពលរដ្ឋជាម្ចាស់ក្បាលដី មកពីភូមិគគីរ និងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ បានមកចូលរួមយ៉ាងកុះករ។
ឯកឧត្តម គួច ចំរើន អភិបាលខេត្តព្រះសីហនុ មានប្រសាសន៍ឲ្យដឹងថា តាងនាមរដ្ឋបាលខេត្តព្រះសីហនុ ខ្ញុំពិតជាមានសេចក្តីសោមនស្សរីករាយដែលបានចូលរួមក្នុងកិច្ចប្រជុំស្តីពីការប្រកាសកំណត់តំបន់ធ្វើការវិនិច្ឆ័យការចុះបញ្ជីដីធ្លីមានលក្ខណៈជាប្រព័ន្ធនៅភូមិចំណោតរាម ភូមិគគីរ និងភូមិពូធឿង ឃុំបិតត្រាំង ស្រុកព្រៃនប់ ដែលជាភូមិចុងក្រោយ នៃការប្រកាសកំណត់តំបន់ធ្វើការវិនិច្ឆ័យការចុះបញ្ជីដីធ្លីមានលក្ខណៈជាប្រព័ន្ធនៅខេត្តព្រះសីហនុ ។
ជាការឆ្លើយតបទៅនឹងរាជរដ្ឋាភិបាល និងក្រសួងដែនដី ហើយកិច្ចការនេះយើងប្រកាសឈានបញ្ចប់ភូមិចុងក្រោយនៅទីនេះ ក្នុងចំណោមភូមិទាំង១១១ ក្នុងខេត្តព្រះសីហនុ យើងសម្រេចប្រកាសបានភូមិចំនួន ៨៧ភូមិរួចហើយ និងចែកប័ណ្ណជូនប្រជាពលរដ្ឋ ហើយនៅសល់ភូមិ១២ទៀត បានចុះវាស់វែងតំណាក់កាលទី៤ ហើយការប្រកាសចុះវាស់វែងកំណត់តំបន់វិនិច្ឆ័យដីធ្លីលក្ខណជាប្រព័ន្ធ 0៣ភូមិ មានភូមិចំណោតរាម ភូមិគគីរ និងភូមិពូធឿង ឃុំបិតត្រាំង ស្រុកព្រៃនប់ ដែលមានមន្ត្រីរបស់យើងនឹងធ្វើការចុះវាស់វែងថ្ងៃនេះ ព្រោះមន្ត្រីរបស់យើងបានខិតខំប្រឹងប្រែងចុះវាស់វែងក្បាលដីបានជាង ១៣ម៉ឺនក្បាលដី និងបានផ្តល់ប័ណ្ណកម្មសិទ្ធករបានជាង ៧៧ ០០០ប័ណ្ណ និងប័ណ្ណដែលបានផលិតរួចចំនួន១ ៨៨៧ប័ណ្ណ ដែលបងប្អូនមិនទាន់មកទទួលយកប័ណ្ណទៅប្រើប្រាស់ ទាក់ទងនឹងឯកសារ សូមបងប្អូនប្រជាពលលរដ្ឋក្នុងភូមិទាំង0៣ នៃឃុំបិតត្រាំង ត្រូវរៀបចំឯកសារមានដូចជា សុំបុត្រអាពាពិពាហ៍ អត្តសញ្ញាណប័ណ្ណ សំបុត្រកំណើត ដើម្បីឱ្យមន្ត្រីរបស់យើងចុះធ្វើការវាស់វែងឪ្យបានលឿនឆាប់ ។
ក្នុងនាមក្រុមប្រឹក្សា គណ:អភិបាល សូមស្នើរសុំប្រជាពលរដ្ឋត្រូវត្រៀមឯកសារ និងបញ្ជាក់ឯកសារនៅតាមសាលាឃុំ សង្កាត់ឪ្យបានត្រឹមត្រូវយកមកប្រើប្រាស់ នៃការចុះបញ្ចីដីធ្លីជាលក្ខណប្រព័ន្ធ ឆ្លើយតបតាមតម្រូវការរបស់បងប្អូនប្រជាពលរដ្ឋ ដូច្នេះយើងត្រូវមានការចូលរួមទាំងអស់គ្នា ដើម្បីឪ្យការចុះបញ្ជីដីធ្លីលក្ខណជាប្រព័ន្ធបានលឿន ទន្ទឹមនោះមន្ត្រីរបស់យើងត្រូវរក្សាឯកសារពីប្រជាពលរដ្ឋឪ្យបានល្អ ទាក់ទងនឹងបង្គោលព្រំ បងប្អូនត្រូវបោះបង្គោលព្រំដីរបស់ខ្លួនឪ្យបានហើយរួចរាល់ ដើម្បីឪ្យក្រុមការងារងាយស្រួលធ្វើការវាស់វែងបានលឿន និងសុំជួយទំនាក់ទំនងជាមួយម្ចាស់ក្បាលដី ដើម្បីឪ្យគាត់មកបំពេញទិន្នន័យឪ្យបានពេញលេញបានលឿននិងឆាប់និងទទួលបានប័ណ្ណកម្មសិទ្ធយកទៅប្រើប្រាស់ ។
ឯកឧត្តម អភិបាលខេត្តព្រះសីហនុ បានធ្វើការកោតសរសើរ និងវាយតម្លៃខ្ពស់ចំពោះថ្នាក់ដឹកនាំ មន្ត្រីរាជការ បុគ្គលិក នៃមន្ទីរររៀបចំដែនដីនគរូបនីយកម្មសំណង់ និងសុរិយោដីខេត្តព្រះសីហនុ ដែលបានខិតខំយកអស់កម្លាំងកាយចិត្តប្រាជ្ញាស្មារតី មិនខ្លាចភាពនឿយហត់ មិនគីតថ្ងៃឈប់សំរាកប្រឹងប្រែងធ្វើការចុះបញ្ជីដីធ្លីមានលក្ខណ:ជាប្រព័ន្ធនៅទូទាំងខេត្តព្រះសីហនុ ទទួលបាននូវលទ្ធផលគួរជាទីមោទក។ ទាំងអស់នេះ គឺពិតជាបានចូលរួមចំណែកយ៉ាងសំខាន់ជាមួយរាជរដ្ឋាភិបាល ក្រសួង និងរដ្ឋបាលខេត្ត ក្នុងការលើកកម្ពស់សុវត្ថិភាពការកាន់កាប់ដីធ្លី ដែលជាបច្ច័យជួយជំរុញកំណើនសេដ្ឋកិច្ចសង្គម ប្រកបដោយនិរន្តរ៍ភាព និងសុខ ដុមនីយកម្ម ជាពិសេសស្របតាមគោលនយោបាយដីធ្លីរបស់រាជរដ្ឋាភិបាលកម្ពុជា។ ទន្តឹមនោះ យើងត្រូវធ្វើការចុះបញ្ជីដីរដ្ឋសម្រាប់ការគ្រប់គ្រងឪ្យបានត្រឹមត្រូវ ។
ហើយសម្រាប់ភូមិទាំង១១១ យើងបានប្រកាសជាតំបន់វិនិច្ឆ័យរួចរាល់អស់ហើយ រាល់ឯកសារកាន់កាប់ដីធ្លីទាំងឡាយណា ត្រូវទុកជាមោឃ:ទាំងអស់ ព្រោះការចុះបញ្ជីដីធ្លីមានលក្ខណបច្ចេកទេសត្រឹមត្រូវតាមផ្លូវច្បាប់ រាល់គ្រប់ឯកសារនៅក្នុងខេត្តព្រះសីហនុ មិនមានសុពលភាពបានទៀតនោះទេ ត្រូវបានរំលាយចោលក្នុងការប្រកាសតំបន់វិនិច្ឆ័យដីធ្លីលក្ខណជាប្រព័ន្ធ ។
ចែករំលែកព័តមាននេះ