EPL រងសម្ពាធជាថ្មី ក្រោយ La Liga ប្រកាសកិច្ចព្រមព្រៀងថ្មីពាក់ព័ន្ធ VAR
អន្តរជាតិ ៖ លីគបាល់ទាត់កំពូលអង់គ្លេស Premier League (EPL) កំពុងប្រឈមមុខនឹងសម្ពាធជាថ្មី
អន្តរជាតិ ៖ លីគបាល់ទាត់កំពូលអង់គ្លេស Premier League (EPL) កំពុងប្រឈមមុខនឹងសម្ពាធជាថ្មី
អន្តរជាតិ ៖ លីគបាល់ទាត់កំពូលអង់គ្លេស Premier League (EPL) កំពុងប្រឈមមុខនឹងសម្ពាធជាថ្មី ដោយកាលពីថ្ងៃទី ១៩ ខែ ធ្នូ កន្លងទៅ សហព័ន្ធកីឡាបាល់ទាត់អេស្ប៉ាញ ដែលហៅកាត់ថា RFEF និងលីគកំពូលអេស្ប៉ាញ La Liga ប្រកាសអំពីកិច្ចព្រមព្រៀងថ្មី ដោយការសន្ទនារវាងអាជ្ញាកណ្តាលលើទីលាន និងមន្ត្រីបន្ទប់វីដេអូ VAR នឹងត្រូវបានបង្ហាញជាសាធារណៈ។
ប្រភពពីសារព័ត៌មានអង់គ្លេស The Telegraph បានរាយការណ៍ថា RFEF និង La Liga បានយល់ព្រមនឹងដំណើរការកិច្ចព្រមព្រៀងថ្មីនេះ ចាប់ពីខែក្រោយតទៅ។ កិច្ចព្រមព្រៀងថ្មីនេះមានន័យថា នៅក្នុងឆ្នាំថ្មី ២០២៤ ស្ថាប័នទាំងពីរនឹងធ្វើការថតរូបភាព និងសំលេងសន្ទនារវាងមន្ត្រីអាជ្ញាកណ្តាលលើទីលាន និងមន្ត្រីបន្ទប់ VAR ជុំវិញការសម្រេចចិត្តដ៏ចម្រូងចម្រាសនៅរាល់ការប្រកួតនីមួយៗរបស់ Li Liga ។ ទោះយ៉ាងណា ការសន្ទនាមិនអាចផ្សាយផ្ទាល់ភ្លាមៗបានទេ ដោយសារច្បាប់របស់ក្រុមប្រឹក្សាភិបាលសមាគមបាល់ទាត់អន្តរជាតិ ហៅកាត់ថា IFAB មិនអនុញ្ញាត។
កិច្ចព្រមព្រៀងនេះ គឺជាជំហានដ៏សំខាន់មួយ ខណៈដែលបច្ចុប្បន្នត្រូវបានហាមឃាត់ដោយ IFAB ដែលផ្តល់អាជ្ញាប័ណ្ណ VAR សម្រាប់ប្រើប្រាស់នៅក្នុងការប្រកួតនានា។ RFEF បានបញ្ជាក់ថា ការផ្សាយរូបភាព និងសំឡេងសន្ទនា នឹងកើតឡើងនៅពេលការប្រកួតនីមួយៗបានបញ្ចប់ បទពិសោធន៍អ្នកគាំទ្រនឹងប្រសើរឡើង ហើយការយល់ដឹងកាន់តែច្រើនអំពីការសម្រេចចិត្តរបស់អាជ្ញាកណ្តាលនឹងត្រូvផ្សព្វផ្សាយ ដែលនេះធ្វើឱ្យការប្រកួតទាំងមូលកាន់តែប្រសើរឡើង។
យ៉ាងណាមិញ បន្ទាប់ពីការប្រកាសរបស់ RFEF និង La Liga សម្ពាធថ្មីមួយ ត្រូវបានមើលឃើញថា ធ្លាក់លើក្របខណ្ឌ Premier League ដែលបានក្លាយជាប្រធានបទជជែកវែកញែកកាន់តែខ្លាំងឡើង។ លោក Keith Hackett អតីតអជ្ញាកណ្តាលបាល់ទាត់ និងជាប្រធាន PGMOL បានថ្លែងថា «ប្រទេសអង់គ្លេសពិតជាត្រូវតែធ្វើតាមការដឹកនាំរបស់ប្រទេសអេស្ប៉ាញ។ គ្មានសំណួរដែលថា ពួកគេត្រូវមានតម្លាភាពជាងនេះទេ»។
ងាកមក លោក Malcolm Clarke ប្រធានសមាគមអ្នកគាំទ្របាល់ទាត់ ហៅកាត់ថា FSA ក៏បានលើកឡើងថា «នេះនឹងក្លាយជាជំហានតូចមួយក្នុងទិសដៅដែលយើងគិតថា អ្នកគាំទ្រភាគច្រើនចង់បាន។ វាស្ទើរតែនឹងលុបកាបំបាក់ររិះគន់ទាំងស្រុងអំពីរយៈពេលដែលការសម្រេចចិត្តត្រូវចំណាយពេល។ ព្រោះបើមនុស្សពិតជាកំពុងស្តាប់ការសន្ទនានោះ គេអាចវិនិច្ឆ័យដោយខ្លួនឯងថា ហេតុអ្វីបានជាចំណាយពេលយូរម្ល៉េះ ហើយវាពិតជាធ្វើឱ្យមានការចាប់អារម្មណ៍ខ្លាំងណាស់»៕
ចែករំលែកព័តមាននេះ