ក្មេ.ងម្នាក់តែងបណ្តើរសុនខ២ក្បាលទៅរកត្រី លុះមិនមកផ្ទះ ឪពុកម្តាយដើររកឃើញត្រឹមស្បែកជើង
- ភ្នំពេញ
រាជធានីភ្នំពេញ ៖ ក្មេងប្រុសម្នាក់បណ្តើរសត្វសុនខមួយគូចេញពីផ្ទះទៅដើររកត្រី លុះមិនឃើញត្រឡប់
រាជធានីភ្នំពេញ ៖ ក្មេងប្រុសម្នាក់បណ្តើរសត្វសុនខមួយគូចេញពីផ្ទះទៅដើររកត្រី លុះមិនឃើញត្រឡប់មកវិញ ឪពុកម្តាយភ័.យស្លន់ស្លោរុករកប្រទះឃើញស្បែកជើងនៅមាត់ទឹកស្រះមួយកន្លែង ក៏ដាក់ការសង្ស័យថា លង់ទឹកស្លា.ប់បាត់ទៅហើយ ក៏នាំគ្នារត់ទៅប្ដឹងសមត្ថកិច្ចមូលដ្ឋានភ្លាមៗ បង្កការភ្ញាក់ផ្អើលកើតឡើងកាលពីវេលាវេលាម៉ោង៦យប់ថ្ងៃទី១៩ ខែធ្នូ ឆ្នាំ២០២៣ ស្ថិតនៅចំណុចភូមិព្រៃល្វាកើត សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
ក្មេងរងគ្រោះដែលបាត់ខ្លួនខាងលើឈ្មោះ ហេង លីហុង ភេទប្រុស អាយុ៨ឆ្នាំ ជាសិស្ស បច្ចុប្បរស់នៅភូមិទួលល្វាកើត សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ មានឪពុកឈ្មោះហេង អាយុ៣៥ឆ្នាំ ធ្វើការងារនៅធនាគារ និងម្ដាយឈ្មោះ ស្រីនាង អាយុជាង៣០ឆ្នាំ មុខរបរលក់ ចាប់ហួយ និងមើលកូនតូច ។
យោងតាមប្រភពព័ត៌មានបញ្ជាក់ពីអាណាព្យាបាលឪពុកម្ដាយរបស់ក្មេងរងគ្រោះបានអោយដឹងថា មុនពេលកើតហេតុ ក្មេងរងគ្រោះខាងលើតែងតែហៅសត្វសុនខ និងបណ្តើរចេញពីផ្ទះទៅជាមួយដើម្បីដើររកត្រីនៅស្រះក្នុងដីឡូមួយកន្លែងខាងកើតភូមិដូចសព្វដង ។ លុះនៅវេលាម៉ោងជាង៥កក៏បានបេះផ្លែ ស្រឃ៊រ យកមកឱ្យម្ដាយ រួចក៏ត្រឡប់ទៅវិញទៀត ។ បន្ទាប់ពីឪពុកវិលត្រឡប់មកពីធ្វើការវិញ នៅវេលាម៉ោងកើតហេតុខាងលើក៏សួរប្រពន្ធរកកូនទៅណាមិនឃើញនៅផ្ទះ ពេលនោះក៏បង្កការភ្ញាក់ផ្អើលឆោឡោនាំគ្នារុករកជាច្រើនម៉ោងនៅតែមិនឃើញ លុះមកដល់វេលាម៉ោង៩យប់ស្រាប់តែប្រទះឃើញស្បែកជើងកូនអណ្ដែតទឹកនៅមាត់ស្រះក្នុងដីឡូមួយកន្លែងដែលមានរបងព័ទ្ធជុំ ក៏សង្ស័យថាកូនរបស់ពួកគាត់លង់ទឹកស្លា.ប់ ក៏បានរត់ទៅប្ដឹងសមត្ថកិច្ចមូលដ្ឋានអោយជួយអន្តរាគមន៍ភ្លាមៗផងដែរ។
ក្រោយពីសមត្ថកិច្ចមូលដ្ឋានបានទទួលពាក្យបណ្ដឹងរបស់ឪពុកម្ដាយក្មេងរងគ្រោះដែលបាត់រួចក៏ប្រាប់ថាអោយរង់ចាំពេលព្រឹកឡើងនឹងធ្វើការស្រាវជ្រាវរុករកបន្ត ពីព្រោះយប់ជ្រៅទៅហើយ ពិបាកធ្វើការក៏អោយឪពុកម្តាយរបស់ក្មេងប្រុសរងគ្រោះត្រឡប់ទៅផ្ទះវិញសិនចុះ ៕
ចែករំលែកព័តមាននេះ