មីស៊ីលរំលងទ្វីបថ្មីដែលកូរ៉េខាងជើងទើបបា.ញ់សាកជាមីស៊ីលខ្លាំងបំផុត
ប្រទេសកូរ៉េខាងជើង ៖ មេដឹកនាំកូរ៉េខាងជើងលោកគីមជុងអ៊ុនសច្ចាជម្រុញការអភិវឌ្ឍអាវុធ
ប្រទេសកូរ៉េខាងជើង ៖ មេដឹកនាំកូរ៉េខាងជើងលោកគីមជុងអ៊ុនសច្ចាជម្រុញការអភិវឌ្ឍអាវុធ
ប្រទេសកូរ៉េខាងជើង ៖ មេដឹកនាំកូរ៉េខាងជើងលោកគីមជុងអ៊ុនសច្ចាជម្រុញការអភិវឌ្ឍអាវុធនុយក្លេអ៊ែររបស់ប្រទេសលោក និងព្រមានអាមេរិកចំពោះរាល់ការសម្រេចចិត្តអាក្រក់របស់ខ្លួន។
លោកថ្លែងបែបនេះបន្ទាប់ពីលោកត្រួតពិនិត្យមើលការបាញ់សាកមីស៊ីលបាលីស្ទិកដែលខ្លាំងបំផុតរបស់ប្រទេស។ នេះបើតាមសេចក្ដីរាយការណ៍នាថ្ងៃទី១៩ធ្នូរបស់ទីភ្នាក់ងារព័ត៌មានកូរ៉េខាងជើងKCNA ។
ក្រុងព្យុងយ៉ាងបានបាញ់សាកល្បងកាលពីថ្ងៃទី១៨ធ្នូមីស៊ីលបាលីស្ទិកHWASONG-18 ជាមីសីុលបាលីស្ទិករំលងទ្វីបICBMថ្មី ដែលខ្លួនបាញ់សាកជាលើកទី៣។ ការបាញ់មីស៊ីលនេះធ្វើឡើងបន្ទាប់ពីការមកដល់កូរ៉េខាងត្បូងនៃនាវាមុជទឹកអាមេរិកUSS MISSOURIនិងបន្ទាប់ពីការព្រមានរបស់អាមេរិកនិងកូរ៉េខាងត្បូងដែលថា រាល់ការវាយប្រហារនុយក្លេអ៊ែររបស់កូរ៉េខាងជើង នឹងនាំទៅដល់ទីបញ្ចប់់នៃរបបក្រុងព្យុងយ៉ាង។
លោកគីម ជុងអ៊ុន ថ្លែងថា ការបាញ់សាកមីស៊ីលកាលពីថ្ងៃទី១៨ធ្នូ ជាការបញ្ជូនសញ្ញាច្បាស់មួយដល់កងកម្លាំងប្រទូស្តរ៉ាយ ហើយកំណត់ពីភារកិច្ចសំខាន់ថ្មីៗ សម្រាប់អភិវឌ្ឍកងកម្លាំងនុយក្លេអ៊ែរយុទ្ធសាស្ត្ររបស់កូរ៉េខាងជើង។ ពេលទៅពិនិត្យមើលការបាញ់សាកមីស៊ីល HWASONG-18 គេឃើញមេដឹកនាំំកូរ៉េខាងជើងអមដំណើរដោយកូនស្រីលោក។
ក្រសួងការពារប្រទេសជប៉ុនថ្លែងថាមីស៊ីលHWASONG-18 អាចបាញ់បានចម្ងាយដល់ទៅ១៥.០០០គីឡូម៉ែត្រគឺអាចវាយប្រហារដល់ដែនដីអាមេរិកទាំងមូល។ មីសីុលនោះពេលបាញ់សាកបានហោះហើរក្នុងចម្ងាយជាង១០០០គីឡូម៉ែតមុនពេលធ្លាក់ចូលសមុទ្រនិងហោះដល់កម្ពស់ប្រមានជា៦០០០គីឡូម៉ែត្រ ៕
ចែករំលែកព័តមាននេះ