រាជធានីភ្នំពេញ ៖ លោកអ៊ាង សុផល្លែតជំនួយការសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រាប់ឱ្យដឹងថា លោក WAN JIFEI ប្រធានក្រុមប្រឹក្សាជំរុញពាណិជ្ជកម្មអន្តរជាតិនៃសភាពាណិជ្ជកម្មចិនបានមានប្រសាសន៍ថា ដំណើរទស្សនកិច្ចរបស់លោកមកកាន់ព្រះរាជាណាចក្រកម្ពុជានៅពេលនេះ
រាជធានីភ្នំពេញ ៖ លោកអ៊ាង សុផល្លែតជំនួយការសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រាប់ឱ្យដឹងថា លោក WAN JIFEI ប្រធានក្រុមប្រឹក្សាជំរុញពាណិជ្ជកម្មអន្តរជាតិនៃសភាពាណិជ្ជកម្មចិនបានមានប្រសាសន៍ថា ដំណើរទស្សនកិច្ចរបស់លោកមកកាន់ព្រះរាជាណាចក្រកម្ពុជានៅពេលនេះ គឺដើម្បីជួបពិភាក្សាជាមួយលោកទេសរដ្ឋមន្ត្រី ចម ប្រសិទ្ធ ក៏ដូចជាសមាគមពាណិជ្ជកម្មកម្ពុជាដើម្បីពង្រីកពាណិជ្ជកម្មនិងវិនិយោគនៅព្រះរាជាណាចក្រកម្ពុជា ។
លោកអ៊ាង សុផល្លែត បានប្រាប់ឱ្យដឹងបែបនេះ នាព្រឹកថ្ងៃទី២៤ ខែឧសភា ឆ្នាំ២០១១ នៅវិមានសន្តិភាពនៃទីស្តីការនាយករដ្ឋមន្ត្រី ក្នុងឱកាសដែលលោក WAN JIFEI ចូលជួបសម្តែងការគួរសមនិងពិភាក្សាការងារជាមួយសម្តេចតេជោនាយករដ្ឋមន្ត្រី ខណៈពេលដែលលោកមកបំពេញទស្សនកិច្ចនៅព្រះរាជាណាចក្រកម្ពុជា គោលបំណងពង្រីកពាណិជ្ជកម្មនិងវិនិយោគ ។
លោក WAN JIFEI មានប្រសាសន៍ថា ក្នុងដំណើរទស្សកិច្ចនេះលោកបាននាំមកជាមួយនូវអ្នកវិនិយោគក្រុមហ៊ុនសហគ្រាសធំៗចិនយ៉ាងច្រើនដែរ ដើម្បីស្វែងយល់ការវិនិយោគនៅព្រះរាជាណាចក្រកម្ពុជានេះ ។ ជាងនេះទៅទៀត លោកក៏បានជម្រាបសម្តេចតេជោនាយករដ្ឋមន្ត្រីផងដែរថា លោកទើបតែត្រឡប់មកពីប្រទេសជប៉ុន ក្នុងនោះគឺពិភាក្សាលើបញ្ហាតំបន់ពាណិជ្ជកម្មពិសេសរវាងចិន-ជប៉ុន-កូរ៉េ និងក៏បានពិភាក្សាលើតំបន់ពាណិជ្ជកម្មពិសេសចិន អាស៊ានដែរ ។ ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព.
ចែករំលែកព័តមាននេះ