ADផ្ទាំងផ្សព្វផ្សាយពាណិជ្ជកម្ម

CMACកម្ពុជាបានក្រើនរំលឹកដល់ពលរដ្ឋដែលរស់នៅក្នុងតំបន់សមរភូមិប្រយុទ្ធ សូមប្រយ័ត្នគ្រា.ប់មិនទាន់ផ្ទុះ

2 ម៉ោង មុន

ព្រះវិហារ
១០ ខែ សីហា ឆ្នាំ ២០២៥ ម៉ោង ១៣:៣០

ខេត្តព្រះវិហារ ៖ CMACកម្ពុជាបានក្រើនរំលឹកដល់ប្រជាពលរដ្ឋដែលរស់នៅក្នុងតំបន់សមរភូមិប្រយុទ្ធសូមប្រយ័ត្នគ្រាប់មិនទាន់ផ្ទុះ។បើមានការសង្ស័យ ចូកុំប៉ះពាល់និងសូមទាក់ទង CMAC ដើម្បីចុះពិនិត្យនិងបោសសម្អាត។ សារដាស់តឿននិងក្រើនរំលឹកពីមន្ត្រីCMACនេះក្រោមពីភាពតានតឹងអំពីការឈ្លានពានរបស់ថៃមកលើកម្ពុជាត្រូវបានឯកភាពបទឈប់បាញ់ចូលជាធរមាន ។ហើយប្រជាពលរដ្ឋភៀសសឹក រស់នៅបណ្តោះអាសន្នតាមមណ្ឌលសុវត្ថិភាពផ្សេងៗក្នុងខេត្តព្រះវិហារចាប់ផ្តើមវិលត្រឡប់ទៅកាន់លំនៅដ្ឋានវិញ។ គិតត្រឹមព្រលប់ថ្ងៃទី៩សីហា២០២៥នេះ…

សារដាស់តឿននិងក្រើនរំលឹកពីមន្ត្រីCMACនេះក្រោមពីភាពតានតឹងអំពីការឈ្លានពានរបស់ថៃមកលើកម្ពុជាត្រូវបានឯកភាពបទឈប់បាញ់ចូលជាធរមាន ។ហើយប្រជាពលរដ្ឋភៀសសឹក រស់នៅបណ្តោះអាសន្នតាមមណ្ឌលសុវត្ថិភាពផ្សេងៗក្នុងខេត្តព្រះវិហារចាប់ផ្តើមវិលត្រឡប់ទៅកាន់លំនៅដ្ឋានវិញ។

គិតត្រឹមព្រលប់ថ្ងៃទី៩សីហា២០២៥នេះ ប្រជាពលរដ្ឋភៀសសឹកនៅតាមមណ្ឌលសុវត្ថិភាពផ្សេងៗក្នុងខេត្តព្រះវិហារ ចំនួន៩៧៨គ្រួសារស្មើនឹង៤១២៤នាក់បានវិលត្រឡប់ទៅលំនៅដ្ឋានរៀងខ្លួនវិញជាហូហែរ។នេះបើតាមការឲ្យដឹង ពីលោក គឹម ចាន់បញ្ញា អភិបាលរងខេត្តព្រះវិហារ និងជាអ្នកនាំពាក្យរដ្ឋបាលខេត្ត។

អភិបាលរងខេត្តព្រះវិហារ និងជាអ្នកនាំពាក្យរដ្ឋបាលខេត្ត បានបញ្ជាក់ថា៖ ចាប់តាំងពីព្រឹត្តិការណ៍ផ្ទុះអាវុធនៅតាមព្រំដែនកម្ពុជា-ថៃប្រជាពលរដ្ឋភៀសសឹកមកស្នាក់នៅបណ្តោះអាសន្នមណ្ឌលសុវត្ថិភាពផ្សេងៗ ក្នុងខេត្តព្រះវិហារ មានចំនួន១៥ទីតាំង សរុបចំនួន១,១៨១៧គ្រួសារ ស្មើនឹង
៣៩,៣១១នាក់ ក្នុងនោះស្ត្រីមានចំនួន២០,៩០៥នាក់។

រហូតមកទល់ថ្ងៃទី១០សីហា២០២៥នេះប្រជាពលរដ្ឋនៅតែបន្ដចាកចេញពីមណ្ឌលសុវត្ថិភាពនានា ធ្វេីដំណេីរទៅកាន់លំនៅដ្ឋានរៀងៗខ្លួនវិញជាបន្ដបន្ទាប់ ក្រោយភាពតានតឹង និងការភៀសខ្លួនអស់រយៈពេលជាង ១០ថ្ងៃ ដោយសារសង្គ្រាមឈ្លានពានរបស់កងទ័ពសៀម។ ការសម្រេចចិត្តវិលត្រឡប់របស់ពួកគាត់ កើតឡើងក្រោយពីមានកិច្ចព្រមព្រៀងសន្តិភាពរវាងប្រទេសទាំងពីរ កាលពីថ្ងៃទី ៧ ខែសីហា កន្លងទៅនេះ។

ជាមួយនឹងការវិលត្រឡប់ទៅកាន់លំនៅឋាននេះដែរមន្ត្រីCMACកម្ពុជាក៏បានក្រើនរំលឹកដល់បងប្អូនដែលរស់នៅក្នុងតំបន់សមរភូមិប្រយុទ្ធ សូមប្រយ័ត្នគ្រាប់មិនទាន់ផ្ទុះ។ បើមានការសង្ស័យសូមទាក់ទងCMACជាបន្ទាន់ផងដែរ៕