បន្ទាយមានជ័យ ៖ ពិធីបួងសួងសុំសេចក្តីសុខជូនដល់កងទ័ពដែលកំពុងបំពេញភារកិច្ចការពារបូរណៈភាពទឹកដី និងមាតុភូមិ ត្រូវបានធ្វើឡើងនៅថ្ងៃទី០៩ ខែសីហា ឆ្នាំ២០២៥ នៅប្រាសាទបន្ទាយទ័ព ស្រុកថ្មពួក ។…
បន្ទាយមានជ័យ ៖ ពិធីបួងសួងសុំសេចក្តីសុខជូនដល់កងទ័ពដែលកំពុងបំពេញភារកិច្ចការពារបូរណៈភាពទឹកដី និងមាតុភូមិ ត្រូវបានធ្វើឡើងនៅថ្ងៃទី០៩ ខែសីហា ឆ្នាំ២០២៥ នៅប្រាសាទបន្ទាយទ័ព ស្រុកថ្មពួក ។
ក្នុងឱកាសបួងសួងឯកឧត្តម អ៊ុ រាត្រី អភិបាលខេត្តបន្ទាយមានជ័យនិងលោកជំទាវ និងអភិបាលរងខេត្ត មន្ត្រីរាជការបងប្អូនប្រជាពលរដ្ឋនិងសិស្សានុសិស្សបានចូលរួមពិធីបួងសួង តាមប្រពៃណីយ ដើម្បីសេចក្តីសុខជូនដល់កងទ័ពដែលកំពុងបំពេញភារកិច្ចការពារបូរណៈភាពទឹកដី ដែលមានបំណងឈ្លានពានពីសត្រូវសៀម ។
ឯកឧត្តម អ៊ុ រាត្រី ប្រាប់ថា ៖ ប្រាសាទបន្ទាយទ័ព គឺជាប្រាសាទដែលពូកែសាកសិទ្ធិទើបបានរៀបចំពិធីបួងសួង ដល់បុព្វបុរស់ខ្មែរមេទ័ពកម្ពុជា ដែលមានរិទ្ធីអំណាចនាសម័យដើម ប្រោសព្រំសុំសេចក្តីសុខសេចក្តីចម្រើន ជូនដល់កងទ័ពជួរមុខ និងប្រជាពលរដ្ឋកម្ពុជា ទទួលបានសុខសន្តិភាពឈ្នះអស់មារសត្រូវ ដែលមានបំណងឈ្លានពានមកលើកម្ពុជា ត្រូវវិនាសហិនហោច ។
ឯកឧត្តមបានបញ្ជាក់ថា ៖ មន្ត្រីរាជការប្រជាពលរដ្ឋ និងសិក្សានុសិស្សបានឧទ្ទិសជូនដល់វីរៈកងទ័ព ដែលបានពលីជីវិតក្នុងបុព្វហេតុការពារជាតិមាតុភូមិកម្ពុជា សូមអោយទទួលបានកុសល់ផលបុណ្យគ្រប់ៗគ្នា ៕
ចែករំលែកព័តមាននេះ