រាជធានីភ្នំពេញ ៖ អ្នកនាំពាក្យក្រសួងការពារជាតិកម្ពុជាបានគូសបញ្ជាក់ថា កម្ពុជានិងអន្តរជាតិនឹងបន្តធ្វើការទាមទាររហូតដល់ថ្ងៃបំពេញកាតព្វកិច្ចរបស់ខ្លួនគោរពច្បាប់អន្តរជាតិ ដោយធ្វើការដោះលែងទាហានកម្ពុជាមកឲ្យកម្ពុជាវិញ។ ថ្លែងក្នុងសន្និសីទសារព័ត៌មាន នាព្រឹកថ្ងៃទី១១ ខែសីហា ឆ្នាំ២០២៥ លោកជំទាវឧត្តមសេនីយ៍…
រាជធានីភ្នំពេញ ៖ អ្នកនាំពាក្យក្រសួងការពារជាតិកម្ពុជាបានគូសបញ្ជាក់ថា កម្ពុជានិងអន្តរជាតិនឹងបន្តធ្វើការទាមទាររហូតដល់ថ្ងៃបំពេញកាតព្វកិច្ចរបស់ខ្លួនគោរពច្បាប់អន្តរជាតិ ដោយធ្វើការដោះលែងទាហានកម្ពុជាមកឲ្យកម្ពុជាវិញ។
ថ្លែងក្នុងសន្និសីទសារព័ត៌មាន នាព្រឹកថ្ងៃទី១១ ខែសីហា ឆ្នាំ២០២៥ លោកជំទាវឧត្តមសេនីយ៍ ឯក ម៉ាលី សុជាតា អ្នកនាំពាក្យក្រសួងការពារជាតិបានលើកឡើងថា គិតចាប់ពីថ្ងៃទី២៩ ខែកក្កដា ឆ្នាំ២០២៥មក មានរយៈពេល១៣ថ្ងៃហើយ ដែលទាហានកម្ពុជាចំនួន១៨នាក់ត្រូវបានទាហានថៃចាប់ខ្លួន ហើយមិនទាន់បានបញ្ជូនមកវិញនោះទេ។
កម្ពុជាបានស្នើនិងទទូចឲ្យថៃសូមបញ្ជូនទាហានកម្ពុជាទាំង១៨រូបត្រឡប់មកវិញជាបន្ទាន់ ស្របតាមច្បាប់មនុស្សធម៌អន្តរជាតិ និងស្របតាមការអំពាវនាវរបស់បណ្តាប្រទេសជាថៃ គូរ និងស្ថាប័នអន្តរជាតិជាច្រើន។
លោកជំទាវបានគូសបញ្ជាក់ថា «ក្រសួងការពារជាតិ កងយោធពលខេមរភូមិន្ទ ព្រមទាំងអន្តរជាតិនឹងបន្តទាមទា និងបន្តទា មទារហូតដល់ថៃបំពេញកាតព្វកិច្ចរបស់ខ្លួន គោរពច្បាប់អន្តរជាតិ ហើយយើងមិនទុកឲ្យសមា ជិកនៅឯកោជាដាច់ខាត» ។
លោកជំទាវបានគូសបញ្ជាក់ថា «កម្ពុជាសូមគូសបញ្ជាក់យ៉ាងម៉ឺងម៉ាត់ និងច្បាស់បំផុត ក្នុងការប្តេជ្ញាចិត្តឥតងាករេក្នុងការគោរព និងអនុវត្តយ៉ាងខ្ជាប់ខ្ជួនក្នុងការអនុវត្តនូវល័ក្ខខណ្ឌ នៃកិច្ចព្រមព្រៀងនៃបទឈប់បាញ់ ព្រមទាំងគោរពតាមស្មារតី និងឯកភាពគ្នា ក្នុងកិច្ចប្រជុំ វិសាមញគណៈកម្មកាព្រំដែនទូទៅកម្ពុជា- ថៃកាលពីថ្ងៃទី៧ សីហា ឆ្នាំ២០២៥» ។
លោកជំទាវថា កម្ពុជាបានប្តេជ្ញាគោរពតាមប្រកបដោយស្ថាបនា និងយ៉ាងស្មោះត្រង់ និងសហការយ៉ាងជិតស្និតជាមួយប្រទេសថៃ ម៉ាឡេស៊ី និងបណ្តាប្រទេសជា សមាជិក អាស៊ានផ្សេងទៀត ដើម្បីអនុវត្តនូវបទឈប់បាញ់ប្រកបដោយប្រសិទ្ធភាព និងពេញលេញនិងដោះស្រាយវិវាទដោយសន្តិវិធីស្របតាមធម្មនុញ្ញាអង្កការសហ ប្រជាជាតិធម្មនុញ្ញអាស៊ាន ៕
ចែករំលែកព័តមាននេះ