ខេត្តបន្ទាយមានជ័យ ៖ វីរៈកងទ័ពចំនួន២រូបដែលរងរបួស ក្នុងពេលសង្គ្រាមឈ្លានពានពីភាគីថៃ បានមកសម្រាកព្យាបាលនៅមន្ទីរពេទ្យមិត្តភាពកម្ពុជា.ជប៉ុនមង្គលបូរី បានជាសះស្បើយនិងវិលត្រឡប់ទៅលំនៅដ្ឋានវិញហើយកាលពីថ្ងៃទី១០ ខែសីហា ឆ្នាំ២០២៥ ។ នៅពេលជូនដំណើរវីរៈកងទ័ពទាំង២រូបត្រឡប់ទៅលំនៅដ្ឋានវិញ…
ខេត្តបន្ទាយមានជ័យ ៖ វីរៈកងទ័ពចំនួន២រូបដែលរងរបួស ក្នុងពេលសង្គ្រាមឈ្លានពានពីភាគីថៃ បានមកសម្រាកព្យាបាលនៅមន្ទីរពេទ្យមិត្តភាពកម្ពុជា.ជប៉ុនមង្គលបូរី បានជាសះស្បើយនិងវិលត្រឡប់ទៅលំនៅដ្ឋានវិញហើយកាលពីថ្ងៃទី១០ ខែសីហា ឆ្នាំ២០២៥ ។
នៅពេលជូនដំណើរវីរៈកងទ័ពទាំង២រូបត្រឡប់ទៅលំនៅដ្ឋានវិញ គេសង្កេតឃើញវត្តមានឯកឧត្តម អ៊ុ រាត្រី អភិបាលខេត្តបន្ទាយមានជ័យនិងមន្ត្រីក្រោមឱវាទផងដែរ ។
ឯកឧត្តម អ៊ុ រាត្រី បានឱ្យដឹងថា វីរៈកងទ័ពទាំង២រូបខាងលើ រួមមាន១-ឈ្មោះ ហើស លឿ អាយុ៤៤ឆ្នាំ(ឋាន្តរស័ក្តិពលបាលឯក)ឈជើងតំបន់បេះដូងប្រាសាទតាមាន់ រងរបួសភ្លៅខាងស្តាំ និង២-ឈ្មោះ នួន សារ៉ាយ អាយុ៥០ឆ្នាំ(ឋាន្តរស័ក្តិពលឯក)ឈជើងជាមួយគ្នា រងរបួសដៃស្តាំ។
ឯកឧត្តមបានកោតសសើរចំពោះវីរៈកងទ័ពទាំង២រូបដែលឈជើងការពារព្រំដែនតំបន់ប្រាសាទតាមាន់ធំដែលរងរបួសដោយកងទ័ពថៃឈ្លានពានបូរណភាពទឹកដី បណ្តាលអោយវីរៈកងទ័ពរងរបួសពិតជាកងទ័ពដែលអង់អាចក្លាហានដែលបាញ់តបតការពារដែនអធិបតេយ្យកម្ពុជាមិនអោយទាហានថៃឈ្លានពានបានឡើយ។
ឯកឧត្តម អ៊ុ រាត្រី បានបញ្ជាក់ថា វីរៈកងទ័ពកម្ពុជាមានភាពអត់ធ្មត់តែរឹងម៉ាំងនិងអង់អាចក្លាហានដើម្បីតបតនិងទាហានថៃដែលមានបំណងឈ្លានមកលើកម្ពុជាដែលរវៈកងទ័ពកម្ពុជាទទួលបានជ័យជម្នះគ្រប់សមរភូមិដែលហ៊ានលះបង់សាច់ស្រស់ឈាមស្រស់ដើម្បីបុព្វហេតុជាតិមាតុភូមិកម្ពុជា ៕
ចែករំលែកព័តមាននេះ