អ្នកភូមិនាំគ្នាខ្លាចរអែងចិត្ត ហើយរៀបរាប់ពីកន្លែងខ្មោចលងក្មេងប្រុសម្នាក់បះសក់ (វីដេអូ)
- កំពង់ចាម
រឿងខ្មោចលងក្មេងប្រុសម្នាក់នៅខេត្តកំពង់ចាម នៅតែជាបញ្ហាចោទ ដោយសារអ្នកខ្លះក៏យល់ថា «ជារឿងពិត» និងខ្លះទៀតក៏យល់ថា
ខេត្តកំពង់ចាម ៖ រឿងខ្មោចលងក្មេងប្រុសម្នាក់នៅខេត្តកំពង់ចាម នៅតែជាបញ្ហាចោទ ដោយសារអ្នកខ្លះក៏យល់ថា «ជារឿងពិត» និងខ្លះទៀតក៏យល់ថា «គឺជារឿងមិនពិតនោះឡើយ»។ តើបងប្អូនជឿទេថា នៅក្នុងលោកយើងនេះ ពិតជាមានខ្មោចលងពិត? លងរហូតដល់បាក់ស្បាតនោះ?
ប្រាកដណាស់ កាលពីពេលកន្លងទៅថ្មីៗនេះ ខ្មោចលងក្មេងប្រុសម្នាក់ដែលរស់នៅភូមិតាពយ ឃុំសំបូរ ស្រុកបាធាយ ខេត្តកំពង់ចាម ដោយក្មេងប្រុសរូបនេះ មានឈ្មោះថា ឡុង អាយុ១០ឆ្នាំ។ ហើយខណៈពេលដែលក្មេងប្រុសរូបនេះ ចេញទៅរកត្រីនៅពេលល្ងាច លុះពេលមកផ្ទះវិញ ក៏ភ្លេចស្បែកជើង។ បន្ទាប់ពីត្រឡប់ទៅយកស្បែកជើងនៅម៉ោងប្រហែលជា៧និង៣០នាទីយប់ ក៏ជួបប្រទះនឹងអមនុស្សបានលានអណ្តាតយ៉ាងវែងៗធ្លាក់ដល់ដី ធ្វើអោយក្មេងប្រុសរូបនេះភ័យបាក់ស្បាត រហូតឪពុកនាំយកក្មេងប្រុសរូបនោះមកភ្នំពេញ ដើម្បីអោយនៅឆ្ងាយពីភ្នែក និងចម្រះពីអមនុស្ស ក៏ដូចជាឆ្ងាយពីកន្លែងដែលបានជួបប្រទះនោះផងដែរ។
តើរឿងខាងលើនេះអាចថា ជាការពិតឬយ៉ាងណា? តើអមនុស្សមានពិតជាដែរឬទេ? តើពិតជាអាចអោយមនុស្សឃើញមែនទេ? អ្វីទាំងអស់នេះ នៅតែជាចម្ងល់សម្រាប់មនុស្សរាល់គ្នាផងដែរ។ ហើយក្រោយពេលដែលជួបនូវរឿងដ៏ព្រឺព្រួចនេះហើយ អ្នកភូមិអ្នកផងរបង ក៏មានការខ្លាចរអែង ហើយនាំគ្នាធ្វើការអ្វីៗស្រូតៗពីភ្លឺ និងប្រញាប់ចូលផ្ទះវិញពីព្រលប់ ក្រោយហេតុការណ៍នេះ បានកើតឡើងទៅក្មេងប្រុស ដែលជាអ្វីពុំគួរអោយជឿនោះទេ។
តាមរយៈបទសម្ភាសន៍ជាមួយសារព័ត៌មានកោះសន្តិភាព អ្នកស្រីពៅ ត្រូវជាមីងរបស់ក្មេងប្រុសដែលត្រូវខ្មោចលងមានឈ្មោះថា ឡុង រូបនោះ បានប្រាប់ឱ្យដឹងថា «ពេលក្មួយប្រុសរបស់អ្នកស្រីត្រូវបានខ្មោចលងរួចហើយនោះ ក៏ត្រូវឪពុកនាំយកក្មួយទៅភ្នំពេញបាត់ហើយ ហើយគ្នាក៏រាងក្រែលធូរស្រាលហើយដែរ»។
អ្នកស្រីពៅ ត្រូវជាមីងក្មេងប្រុសឈ្មោះ ឡុង បានប្រាប់បន្តថា «ប៉ុន្តែអ្វីដែលជាចំហាយនៃការភ័យខ្លាច ក៏នៅតែមាន ដោយក្រោយពេលលងក្មួយអ្នកស្រីរួចមក អ្នកភូមិក៏មានការខ្លាចរអែងផងដែរ។ ដោយសារកន្លែងដែលមានខ្មោចលងនោះ គឺស្ថិតនៅភូមិខាងកើត ហើយកាលពីកន្លងទៅក៏ដូចជាពុំមាននរណាស្លា.ប់នៅទីនោះឡើយ។ ប៉ុន្តែអ្វីដែលបានដឹងនោះ គឺពេលដែលសែនព្រេន ឬមានពែម្ដងៗ គឺអ្នកភូមិតែងតែយកទៅដាក់នៅកន្លែងនោះ ដូច្នេះក្មួយប្រុសអ្នកស្រីអាចមើលឃើញថា ខ្មោចលង ក៏ទំនងជាខ្មោចមកស៊ីពែ ឬទទួលយកពែ ដែលគេបានដាក់សែនជាដង្វាយអោយក៏អាចថាបានដែរ»។
គួរបញ្ជាក់ផងដែរថា កាលពីកន្លងទៅ ក្មេងប្រុសរូបនេះ មានសភាពញាក់ញ័រពេញប្រាណ កន្ទ្រាក់ដៃកន្ទ្រាក់មាត់ និយាយញញីញញ័រ ដូចជាពាក្យចាស់ពោលថា «ក្រាបជាន់នឹងពពួកអមនុស្ស» ធ្វើឱ្យមានការភ្ញាក់ផ្អើសឆោឡោដល់អ្នកភូមិផងរបងជាមួយគ្នាផងដែរ។ ហេតុការណ៍នេះ បានកើតឡើងនៅភូមិតាពយ ឃុំសំបូរ ស្រុកបាធាយ ខេត្តកំពង់ចាម ដោយបានធ្វើក្មេងប្រុសរូបនេះស្ទើរតែបាក់ស្បាតជាមួយហេតុការណ៍ដែលកើតឡើងចំពោះខ្លួន ខណៈពេលទៅរកត្រីនៅឯភូមិខាងកើត ដែលនៅនឹងផ្ទះរបស់ខ្លួននោះ។
បន្ថែមពីនេះ ចំពោះករណីខាងលើនេះ គឺក្មេងប្រុសមានឈ្មោះថា ឡុង អាយុ១០ឆ្នាំ បានទៅរកត្រីម្នាក់ឯងនៅពេលល្ងាចដោយសភាពធម្មតា លុះពេលត្រឡប់មកផ្ទះវិញ ប្អូនប្រុសក៏បានទៅងូតទឹក ក៏ដូចជាយកត្រីទៅទុក។ បន្ទាប់ក៏ប្អូនប្រុសក៏នឹកឃើញដល់ស្បែកជើងរបស់ខ្លួនដែលភ្លេចនៅកន្លែងរកត្រី ស្ថិតនៅភូមិខាងកើត ក៏ត្រឡប់ទៅយកតែម្នាក់ឯង។ លុះពេលទៅដល់ ប្អូនប្រុសក៏ស្រាប់តែប្រទះឃើញអមនុស្សបានសម្លឹងមកប្អូន ហើយលានអណ្តាញឡើងវែងៗធ្លាក់ដី រួចក៏សំដៅមកប្អូន ធ្វើឱ្យប្អូនឡុងក៏ភ័យខ្លាចយ៉ាងខ្លាំង ហើយក៏រត់យ៉ាងលឿន ប៉ុន្តែការរត់របស់ប្អូនមិនផុតនោះឡើយ ដោយសារអមនុស្សបានលងបន្លាចប្អូនតាមផ្លូវ រហូតប្អូនធ្វើពត់ជាបាត់ស្មារតី។
ខណៈពេលភ្ញាក់មកវិញ ទើបអាចគេចផុតពីអមនុស្សដែលបានលានអណ្តាញនោះ ហើយប្អូនក៏ធ្វើដំណើរមកផ្ទះវិញ ដោយស្មារតីបាក់ស្បាត កន្ទ្រាក់ដៃ ញ័រមាត់ ដោយពុំអាចគ្រប់គ្រងស្មារតីបាននោះ។ លុះពេលបានត្រឡប់មកដល់ផ្ទះវិញ ខ្លួនប្អូនក៏ពុំទាន់បាត់ភ័យ និងញាក់ញ័រនោះឡើយ។ ដូច្នេះបន្ទាប់ពីអមនុស្សបានលងបន្លាច ប្អូនប្រុសក៏បានអោយយាយរបស់ខ្លួនយកទឹកមន្តមកបោះព្រំ មានទាំងធុប និងអង្ករ ទើបប្អូនបានជាក្រែលជាមុនបន្តិច។ ប៉ុន្តែរឿងរ៉ាវមួយនេះ ពុំទាន់ចប់នោះឡើយ លុះព្រឹកឡើងប្អូនក៏បានឃើញអមនុស្សនោះម្តងទៀត ធ្វើឱ្យប្អូនស្រែកឆោឡោយ៉ាងខ្លាំង រហូតដល់ខាងក្រុមគ្រួសារយកប្អូនឡុង ទៅអោយព្រះសង្ឃស្រោចទឹកអោយ ទើបបានគ្រាន់ប្រើបន្តិចមកវិញ។
គួររំលឹកទៀតថា ៖ ព្រឺសម្បុរ! ក្មេងប្រុសម្នាក់ប្រាប់ថា ត្រូវខ្មោចលងបន្លាចលានអណ្តាតវែងដល់ដី (វីដេអូ) ៕ ដោយ ៖ លីហួ គីមឆាយ
ចែករំលែកព័តមាននេះ