មានហេតុការណ៍មួយបានកើតឡើងគួរអោយព្រឺព្រួចចំពោះក្មេងប្រុសម្នាក់ ដោយបានឃើញអមនុស្សលានអណ្តាតយ៉ាងវែងៗអន្លាយធ្លាក់ដល់ដី រហូតជិតដល់ខ្លួនទៀត ធ្វើឱ្យក្មេងប្រុសរូបនោះភ័យស្ទើរតែស្លុ.តស្មារតី នៅពេលដែលបាន
ខេត្តកំពង់ចាម ៖ តើខ្មោចលងពិត ឬក៏យ៉ាងណា? នៅតែជាចំណោទបញ្ហា មិនថានៅប្រទេសខ្មែរយើង ឬបរទេសនោះទេ?។ អ្នកខ្លះអះអាងថា បានជួបខ្មោចលង ខ្លះទៀតថា ត្រូវខ្មោចសណ្ឌិត ខណៈបងប្អូនខ្លះនិយាយថា រឿងខ្មោចលងជារឿងមិនពិត ព្រោះតែអារម្មណ៍រវើររវាយ។
ប៉ុន្តែយ៉ាងណាមិញ មានហេតុការណ៍មួយបានកើតឡើងគួរអោយព្រឺព្រួចចំពោះក្មេងប្រុសម្នាក់ ដោយបានឃើញអមនុស្សលានអណ្តាតយ៉ាងវែងៗអន្លាយធ្លាក់ដល់ដី រហូតជិតដល់ខ្លួនទៀត ធ្វើឱ្យក្មេងប្រុសរូបនោះភ័យស្ទើរតែស្លុ.តស្មារតី នៅពេលដែលបានជួបរឿងហេតុដូច្នេះ។
ប្រាកដណាស់ ក្រោយពេលបានជួបអមនុស្សហើយនោះ ក្មេងប្រុសរូបនេះ មានសភាពញាក់ញ័រពេញខ្លួនប្រាណ កន្ទ្រាក់ដៃកន្ទ្រាក់មាត់ និយាយញញីញញ័រ ដូចជាពាក្យចាស់ពោលថា «ក្រាបជាន់នឹងពពួកអមនុស្ស» ធ្វើឱ្យមានការភ្ញាក់ផ្អើសឆោឡោដល់អ្នកភូមិអ្នកផងរបងជាមួយគ្នា។
ហេតុការណ៍ខាងលើនេះ បានកើតឡើងនៅភូមិតាពយ ស្ថិតក្នុងឃុំសំបូរ ស្រុកបាធាយ ខេត្តកំពង់ចាម ដោយធ្វើឱ្យក្មេងប្រុសរូបនេះ ស្ទើរតែបាក់ស្បាតជាមួយរឿងហេតុដែលកើតឡើងចំពោះខ្លួន ខណៈពេលទៅរកត្រីនៅឯភូមិខាងកើត ដែលនៅនឹងផ្ទះរបស់ខ្លួននោះ។
តាមរយៈបទសម្ភាសន៍ជាមួយសារព័ត៌មានកោះសន្តិភាព អ្នកស្រី ចំរើន ស្រីពៅ ត្រូវជាមីងរបស់ប្អូនប្រុស ឡុង ដែលត្រូវខ្មោចលងរូបនោះ បានប្រាប់អោយដឹងថា «ក្មួយអ្នកស្រីពិតជាត្រូវខ្មោចលង ឬពពួកអមនុស្សតាមលងបន្លាច រហូតដល់បាក់ស្បាត ស្លុ.តស្មារតីនិយាយមិនចេញពិតមែន»។
អ្នកស្រីបន្តថា «ដោយរឿងរ៉ាវនេះបានកើតឡើងចំពោះក្មួយរបស់អ្នកស្រី កាលពីវេលាម៉ោង៧និង៣០នាទីយប់។ ដោយមុនដំបូងឡើយ ក្មួយប្រុសអ្នកស្រីដែលមានឈ្មោះថា «ឡុង» អាយុ១០ឆ្នាំ បានទៅរកត្រីម្នាក់ឯងនៅពេលល្ងាចម៉ោង៥ ដោយសភាពធម្មតា លុះពេលត្រឡប់មកដល់ផ្ទះវិញ ក្មួយប្រុសក៏ចូលងូតទឹក ក៏ដូចជាយកត្រីទៅទុក។ បន្ទាប់មកនោះ ក្មួយប្រុសអ្នកស្រីក៏នឹកដល់ស្បែកជើងរបស់ខ្លួនដែលភ្លេចនៅឯកន្លែងរកត្រីនៅឯភូមិខាងកើត ក៏ត្រឡប់ទៅយកតែម្នាក់ឯង»។
អ្នកស្រីបន្តថា «ខណៈពេលនៅដល់ ក្មួយអ្នកស្រីក៏ប្រទះឃើញអមនុស្សបានសម្លឹងមកខ្លួនដោយមានសភាពគួរអោយខ្លាច ហើយក៏លានអណ្តាតឡើងវែងៗធ្លាក់មកដល់ដី រួចក៏សំដៅមកក្មួយប្រុសអ្នកស្រី ហើយក្មួយឡុងក៏បានរត់យ៉ាងលឿន ប៉ុន្តែការរត់របស់ក្មួយឡុង គឺមិនផុតនោះឡើយ ។ដោយអមនុស្សនោះ បានលងបន្លាចគ្នាតាមផ្លូវ និងរារាំងផ្លូវទៀតផង រហូតដល់ក្មួយប្រុសអ្នកស្រីធ្វើពុ.តជាបាត់ស្មារតី បន្ទាប់មកក៏ភ្ញាក់មកវិញ ទើបអាចគេចផុតពីអមនុស្សដែលលានអណ្តាតនោះបាន។ ហើយក៏ធ្វើដំណើរមកផ្ទះវិញ ដោយស្មារតីបាក់ស្បាត កន្ទ្រាក់ដៃ ញ័រមាត់ ដោយពុំអាចគ្រប់គ្រងស្មារតីបាននោះឡើយ»។
អ្នកស្រីបន្តទៀតថា «លុះពេលត្រឡប់មកដល់ផ្ទះវិញ ខ្លួនក្មួយឡុងពុំទាន់បាត់ភ័យ និងញាក់ញ័រនោះឡើយ។ ដូច្នេះ បន្ទាប់ពីអមនុស្សបានលងបន្លាចរួច ក៏បានអោយយាយរបស់ក្មេង យកទឹកមន្តមកបោះព្រំ មានទាំងធូក និងអង្ករ ទើបក្មួយប្រុសអ្នកស្រីបានរៀងក្រែលជាមុនបន្តិច»។
លោកស្រីបន្តទៀតថា «ប៉ុន្តែតែរឿងរ៉ាវមួយនេះ នៅពុំទាន់ចប់នោះឡើយ លុះពេលព្រឹកក្មួយប្រុសអ្នកស្រីក៏បានឃើញខ្មោចនោះម្តងទៀត ធ្វើឱ្យក្មេងភ័យស្រែកឆោឡោយ៉ាងខ្លាំង រហូតដល់ខាងក្រុមគ្រួសារយកក្មួយឡុង ទៅអោយព្រះសង្ឃស្រោចទឹកចេញ ទើបបានគ្រាន់បន្តិចផងដែរ»។
គួរបញ្ជាក់ផងដែរថា បើតាមការបង្ហើបរបស់ប្អូនប្រុសឡុង បានបញ្ជាក់យ៉ាងច្បាស់ថា «ខ្លួនពិតជាត្រូវបានខ្មោចតាមលងបន្លាចពិតមែន ដោយនេះអាចថា ជាលើកទី១ហើយចំពោះប្អូននោះ»៕ ដោយ ៖ លីហួ គីមឆាយ
ចែករំលែកព័តមាននេះ