ធុំក្លិនស្អុយពេក! អ្នកជិតខាងទ្រាំលែងបាន ក៏នាំគ្នាអើតមើល ផ្អើលបុរីម៉ន ដានី ខណ្ឌកំបូល
- ភ្នំពេញ
រាជធានីភ្នំពេញ ៖ ការរស់នៅក្នុងផ្ទះមួយតែម្នាក់ឯងពុំមែនជាមធ្យោបាយល្អនិងងាយស្រួលនោះទេ
រាជធានីភ្នំពេញ ៖ ការរស់នៅក្នុងផ្ទះមួយតែម្នាក់ឯងពុំមែនជាមធ្យោបាយល្អនិងងាយស្រួលនោះទេ ព្រោះគ្មាននរណាបានដឹងពីសុខទុក្ខរបស់យើងឡើយ ។ ជាក់ស្ដែងមានបុរសម្នាក់រស់នៅក្នុងផ្ទះមួយតែម្នាក់ឯងចំណែកប្រពន្ធនិងកូនរស់នៅផ្ទះផ្សេងមួយទៀត ហើយសង្ស័យបុរសរងគ្រោះរូបនោះខ្យល់គ ទើបបណ្ដាលឲ្យគាត់ស្លា.ប់បាត់បង់ជីវិត រហូតដល់ហើមស្អុយទៅហើយទើបអ្នកជិតខាងដឹង។
ហេតុការណ៍ខាងលើនោះបានបង្កឲ្យមានការភ្ញាក់ផ្អើលកើតឡើងកាលពីវេលាម៉ោង១០ព្រឹកថ្ងៃទី១៨ ខែធ្នូ ឆ្នាំ២០២៣ ស្ថិតនៅផ្ទះលេខD46 ផ្លូវលេខ៤ បុរីម៉ន ដានី គម្រោងទី២១ ស្ថិតនៅក្នុងភូមិតាអិន សង្កាត់ស្នោរ ខណ្ឌកំបូល រាជធានីភ្នំពេញ។
តាមប្រភពពីកន្លែងកើតហេតុបានឲ្យដឹងថា បុរសរូបនោះឈ្មោះ ឡុង សុជាតិ អាយុ៤៨ឆ្នាំ មុខរបរ ជាមន្ត្រីរាជការ ប៉ុន្តែអត់ដឹងថាគាត់ធ្វើការនៅក្នុងក្រសួងឬស្ថាប័នណាទេ គាត់មានប្រពន្ធនិងកូនដែរ តែគាត់ស្នាក់នៅចាំផ្ទះកើតហេតុខាងលើតែម្នាក់ឯងប៉ុណ្ណោះ ។ ដោយឡែកប្រពន្ធនិងកូនៗរបស់គាត់ស្នាក់នៅផ្ទះមួយផ្សេងទៀត ហើយយូរៗទើបបានមកលេងគាត់ម្ដង។
តាមប្រភពខាងលើបានប្រាប់ឲ្យដឹងបន្តទៀតថា ពុំមាននរណាបានចាប់អារម្មណ៍ថាបុរសនេះខានចេញពីក្នុងផ្ទះ និងស្លា.ប់រយៈពេលប៉ុន្មានថ្ងៃកន្លងមកហើយទេ រហូតដល់ព្រឹកថ្ងៃកើតហេតុ ក៏បានធុំក្លិនស្អុយភាយចេញពីក្នុងផ្ទះរបស់គាត់ ។ ខណៈនោះធ្វើឲ្យមានការងឿងឆ្ងល់គ្រប់ៗគ្នា ហើយដោយទ្រាំនឹងក្លិនស្អុយលែងបាន ពួកគាត់ក៏នាំគ្នាអើតមើលក្នុងផ្ទះកើតហេតុ ស្រាប់តែប្រទះឃើញបុរសរងគ្រោះរូបនោះដេកស្លា.ប់ហើមស្អុយបាត់ទៅហើយ ។
បន្ទាប់មកក៏បានរាយការណ៍ជូននគរបាលប៉ុស្តិ៍ស្នោរឲ្យចុះទៅពិនិត្យជាក់ស្តែង ហើយនគរបាលបានដាក់ការ សង្ស័យជាជំហ៊ានដំបូងថា បុរសនេះស្លា.ប់ដោយជម្ងឺខ្យល់គ រួចរាយការណ៍បន្តទៅកាន់នគរបាលការិយាល័យបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញពិនិត្យកោសល្យវិច័យ ៕
ចែករំលែកព័តមាននេះ