ជិត២ម៉ោងទំរាំកាត់ឡានយកជនរងគ្រោះចេញបាន ក្រោយឡាន២គ្រឿងបុ.កគ្នាលើផ្លូវ៦០ម៉ែត្រ
- ភ្នំពេញ
រាជធានីភ្នំពេញ ៖ រថយន្តប៉ែនដឹកដីខ្សាច់ពេញបានបើករថយន្តវ៉ាជែងមិនប្រយ័ត្នជ្រុលចង្កូតទៅ
រាជធានីភ្នំពេញ ៖ រថយន្តប៉ែនដឹកដីខ្សាច់ពេញបានបើករថយន្តវ៉ាជែងមិនប្រយ័ត្នជ្រុលចង្កូតទៅបុករថយន្តមួយគ្រឿងទៀតពេញទំហឹង បណ្ដាលអោយបុរសជាបើករថយន្តគៀបជាប់ក្នុងរថយន្តស្លា.ប់ ហើយបុរសជាអ្នកបើករថយន្តដឹកខ្សាច់បានបើកទ្វាររថយន្តរត់ចូលព្រៃត្រែងបាត់ បង្កការភ្ញាក់ផ្អើលកាលពីវេលាម៉ោង១១និង៣០នាទីយប់ថ្ងៃទី១៦ ខែ ធ្នូ ឆ្នាំ ២០២៣ នៅចំណុចក្បែរផ្សារទំនើបអ៊ីអន៣ តាមផ្លូវ៦០ម៉ែត្រ ស្ថិតនៅភូមិសុខចេក សង្កាត់ជើងឯក ខណ្ឌដង្កោ រាជធានីភ្នំពេញ ។
តាមប្រភពព័ត៍មានពីសមត្ថកិច្ចផ្នែកជំនាញវាស់វែងខណ្ឌដង្កោបានអោយដឹងថា យោងតាមសាក្សីអ្នកធ្វើដំណើរថាឃើញរថយន្តប៉ែនដឹកដីខ្សាច់ ពណ៍ស ពាក់ស្លាកលេខ ភ្នំពេញ៣ F-០៩៨៤ បើកតាមផ្លូវ៦០ម៉ែត្រ សង្ស័យវ៉ាជែងរថយន្ត១គ្រឿងក្នុងទិសដៅពីជើងទៅត្បូង មិនប្រយ័ត្នក៏ជ្រុលចង្កូតទៅបុកពេញទំហឹងរថយន្តមួយគ្រឿងម៉ាកFord ranger ពណ៍ប្រផេះ ពាក់ស្លាកលេខ ភ្នំពេញ ២BK-៧៨៥៨ ធ្វើដំណើរតាមផ្លូវ៦០ម៉ែត្រក្នុងទិសដៅពីត្បូងទៅជើង បណ្ដាលឱ្យរថយន្តបែនដឹកខ្សាច់គៀបជាមួយរថយន្តម៉ាកFord ranger អូសជាង៥០ម៉ែត្រ កៀបបុរសជាអ្នកបើករថយន្តFordស្លា.ប់ក្នុងរថយន្ត ចំណែកបុរសបើកបររថយន្តបែនដឹកដីខ្សាច់បើកទ្វាររថយន្តឃើញជនរងគ្រោះកៀបស្លា.ប់ក៏រត់គេចចូលព្រៃត្រែងបាត់ស្រមោល បន្សល់ទុករថយន្តនៅកន្លែងកើតហេតុ ។
ស.ពជនរងគ្រោះឈ្មោះ ស្រឺ វណ្ណះ ភេទប្រុស អាយុ៤៣ឆ្នាំ មុខរបរលក់គ្រឿងសំណង់ ស្នាក់នៅភូមិទួលរកា៣ សង្កាត់ចាក់អង្រែក្រោម ខណ្ឌមានជ័យ បានគៀបជាប់ក្នុងរថយន្តដោយមិនអាចយកស.ពចេញបានទេ ពេលនោះមានអង្គភាព៧១១ចុះអន្តរាគមន៍ប្រើបច្ចេកទេសកាត់តួរថយន្ត ដើម្បីយកសពជនរងគ្រោះចេញពីក្នុងរថយន្តរហូតដល់ម៉ោង១និង២០នាទីរំលងអាធ្រាត្រឈានចូលថ្ងៃទី១៧ ខែ ធ្នូ ឆ្នាំ ២០២៣ ទើបអង្គភាពកងពលលេខ៧១១ បានយកស.ពចេញពីក្នុងរថយន្តបានហើយប្រគល់អោយគ្រួសារយកទៅធ្វើបុណ្យតាមប្រពៃណី ។
ក្រោយពេលកើតហេតុ រថយន្តទាំង២គ្រឿងត្រូវបានប្រគល់អោយខាងការិយាល័យចរាចរណ៍វាស់វែងស្នងការដ្ឋានគរបាលរាជធានីភ្នំពេញមកយកវាស់វែងយករថយន្តទៅរក្សាទុក ស្រាវជ្រាវរកតំណាងក្រុមហ៊ុនឬបុរសបើករថយន្តបង្កដើម្បីចាត់ការតាមផ្លូវច្បាប់ ៕
ចែករំលែកព័តមាននេះ