និស្សិត១រូបជិះម៉ូតូឌុបមិត្តភក្តិ ស្រាប់តែជួបគ្រោះអកុសលតាមផ្លូវ២៧១
- ភ្នំពេញ
រាជធានីភ្នំពេញ ៖ យុវជនម្នាក់បានស្លា.ប់នៅកន្លែងកើតហេតុ និង២នាក់ទៀតបានរងរបួសស្រាល
រាជធានីភ្នំពេញ ៖ យុវជនម្នាក់បានស្លា.ប់នៅកន្លែងកើតហេតុ និង២នាក់ទៀតបានរងរបួសស្រាលខណៈពេលដែលជិះម៉ូតូជ្រុលទៅបុ.ករថយន្តគេបើកបត់ឆ្វេង ហើយត្រូវរថយន្តធុនធំមកពីក្រោយកិ.នក្បាលធ្លាយខួរ បង្កឲ្យមានការភ្ញាក់ផ្អើលកាលពីវេលាម៉ោង១២និង៣០នាទីរំលងអាធ្រាតឈានចូលថ្ងៃទី១៧ ខែធ្នូ ឆ្នាំ២០២៣ នៅតាមបណ្ដោយផ្លូវ២៧១ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
ជនរងគ្រោះឈ្មោះ រិទ្ធ ចាន់ណា ភេទប្រុស អាយុ២៤ឆ្នាំ មុខរបរជានិស្សិតឆ្នាំទី២ ស្នាក់នៅសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
បើតាមប្រភពព័ត៌មានបានឱ្យដឹងថា នៅមុនពេលកើតហេតុ គេឃើញជនរងគ្រោះ និងមិត្តភក្តិ២នាក់ទៀតបានជិះម៉ូតូមួយគ្រឿងម៉ាកហុងដាឌ្រីម ពណ៍ខ្មៅ ពាក់ស្លាកលេខ ភ្នំពេញ ១KB-5700 ធ្វើដំណើរតាមបណ្ដោយផ្លូវ២៧១ ក្នុងទិសដៅពីកើតទៅលិច ស្រាប់តែមកដល់ចំណុចកើតហេតុក៏មានរថយន្តមួយគ្រឿងមិនចាំម៉ាកបើកនៅខាងមុខរួចបានបត់ឆ្វេង ធ្វើឲ្យជនរងគ្រោះចាប់ហ្វ្រាំងមិនទាន់ជ្រុលទៅបុកគូទរថយន្ត បណ្ដាលឲ្យដួលជនរង្គ្រោះជាអ្នកឌុបខ្ទា.តមកចិញ្ចើមផ្លូវត្រូវរថយន្តម៉ាកហ៊ីយ៉ាន់ដាយដឹកទំនិញបើកមកពីក្រោយកិ.នចំក្បាលធ្លាយខួរ បណ្ដាលឲ្យជនរងគ្រោះស្លា.ប់ភ្លាមៗ ចំណែកមិត្តភក្តិ២នាក់ទៀតដែលជិះនៅខាងក្រោយបានរងរបួសស្រាល។
រីឯអ្នកបើកបររថយន្តម៉ាកហ៊ីយ៉ាន់ដាយបានឈប់ហើយបើកទ្វារចុះរត់គេចខ្លួនបាត់ស្រមោល មួយសន្ទុះក្រោយមកក៏គេឃើញមានស្ត្រីដែលត្រូវជាម្ដាយជនរងគ្រោះបានមកស្រែកយំក្រសោបឱបសពកូនយ៉ាងអាណោចអាធ័ម។
ក្រោយពេលកើតហេតុ សមត្ថកិច្ចមូលដ្ឋានសហការជាមួយសមត្ថកិច្ចជំនាញចរាចរណ៍ខណ្ឌបឹងកេងកងបានចុះមកដល់កន្លែងកើតហេតុបានធ្វើការវាស់វែងយកម៉ូតូនិងរថយន្តប្រគល់ទៅឲ្យសមត្ថកិច្ចជំនាញនៃការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញយកទៅរក្សាទុកដើម្បីរង់ចាំធ្វើការដោះស្រាយគ្នានៅពេលក្រោយ។ ចំណែកសពត្រូវបានសមត្ថកិច្ចធ្វើលិខិតប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ