មន្ត្រីនគរបាលស័ក្ដិ៤ម្នាក់ បា.ញ់ផ្តាច់ជីវិ.តខ្លួនឯង សង្ស័យតូចចិត្តប្រពន្ធដេញឱ្យដេកក្រៅផ្ទះ
- ភ្នំពេញ
រាជធានីភ្នំពេញ ៖ នាយផ្នែកម៉ូតូប្រដេញនគរបាលតម្រួតបទបញ្ជាម្នាក់ បានផឹកស៊ីស្រវឹងនៅខាង
រាជធានីភ្នំពេញ ៖ នាយផ្នែកម៉ូតូប្រដេញនគរបាលតម្រួតបទបញ្ជាម្នាក់ បានផឹកស៊ីស្រវឹងនៅខាង
រាជធានីភ្នំពេញ ៖ នាយផ្នែកម៉ូតូប្រដេញនគរបាលតម្រួតបទបញ្ជាម្នាក់ បានផឹកស៊ីស្រវឹងនៅខាងក្រៅ រហូតដល់យប់ជ្រៅទើបត្រឡប់ចូលដល់ក្នុងផ្ទះ បានមានទំនាស់ពាក្យសម្តីជាមួយប្រពន្ធ ហើយត្រូវបានប្រពន្ធរុញច្រាន និងដេញចេញឲ្យគាត់ដេកក្រៅផ្ទះ ។ ខណៈនោះគាត់ក៏បានដេកលក់នៅលើសាបមុខផ្ទះ ហើយក្រោយមកប្រពន្ធក៏បានយកទឹកទៅជះដាក់ឲ្យគាត់ភ្ញាក់ ដើម្បីឲ្យគាត់ចូលទៅដេកក្នុងផ្ទះវិញ ។ ប៉ុន្តែគ្រាន់តែដើរចូលទៅដល់ក្នុងផ្ទះភ្លាម គាត់ក៏ដកកាំភ្លើ.ងខ្លីបា.ញ់ក្បាលខ្លួនឯង១គ្រាប់ បណ្តាលឱ្យស្លា.ប់ភ្លាមៗនៅនឹងកន្លែងតែម្ដង ដែលសង្ស័យតូចចិត្តរឿងប្រពន្ធឲ្យដេកក្រៅផ្ទះនោះ។
ហេតុការណ៍ខាងលើនេះបានកើតឡើងកាលពីវេលាម៉ោងជាង១២យប់រំលងអធ្រាត្រឈានចូលថ្ងៃទី១៥ ខែធ្នូ ឆ្នាំ២០២៣ នៅផ្ទះរបស់ជនរងគ្រោះ ស្ថិតនៅតាមផ្លូវលំ ក្នុងភូមិខ្វែ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
បុរសរងគ្រោះរូបនោះឈ្មោះ ណយ ផារ៉ា អាយុ៣៦ឆ្នាំ មុខរបរមន្ត្រីនគរបាលតម្រួតបទបញ្ជា ឋានន្តរស័ក្ដិវរសេនីយ៍ត្រី តួនាទីនាយផ្នែកម៉ូតូប្រដេញ មានស្រុកកំណើតនៅភូមិរំលោង សង្កាត់សុព័រទេព ក្រុងច្បារមន ខេត្តកំពង់ស្ពឺ។ ប្រើប្រាស់កាំភ្លើងខ្លីម៉ាក NP42-9បាញ់ក្បាលខ្លួនឯង១គ្រាប់ គាត់មានប្រពន្ធមានឈ្មោះ ងិន សុលីតា អាយុ៣៥ឆ្នាំ មុខរបរកម្មការនីរោងចក្រ។ អ្នកទាំង២នាក់នេះមានកូនចំនួន២នាក់ នៅក្នុងបន្ទុកគ្រួសារ និងមានទីលំនៅអចិន្ត្រៃយ៍ផ្ទះកើតហេតុខាងលើនោះ ។
តាមប្រភពព័ត៌មានមួយបានបង្ហើបប្រាប់ឲ្យដឹងថា កាលពីវេលាម៉ោង១០និង៣០នាទីយប់ថ្ងៃទី១៤ ខែធ្នូ ឆ្នាំ២០២៣ ដោយសារតែយប់ជ្រៅហើយពុំឃើញបុរសនោះចូលទៅដល់ ស្ត្រីជាប្រពន្ធបានទូរស័ព្ទរកដើម្បីហៅឲ្យគាត់ចូលផ្ទះ ប៉ុន្តែទូរស័ព្ទបុរសនោះតេអត់ចូលសោះ ។ លុះក្រោយមកទើបឃើញគាត់ទៅដល់ផ្ទះហើយស្ថិតក្នុងស្ថានភាពស្រវឹង ពេលនោះក៏មានទំនាស់ពាក្យសម្តីតឹងសសៃ.កជាមួយប្រពន្ធ ហើយគាត់ក៏បានចោទថាប្រពន្ធរបស់ខ្លួនថា លួចមានសហា.យជាមួយប្រុសផ្សេងថែមផង។
ប្រភពដដែលបានប្រាប់ឲ្យដឹងបន្តទៀតថា ពេលនោះដោយខឹងខ្លាំងពេក នាងជាប្រពន្ធបានរុញច្រាននិងដេញឲ្យជនរងគ្រោះទៅដេកក្រៅផ្ទះមិនឲ្យដេកនៅក្នុងផ្ទះឡើយ បន្ទាប់មកបុរសនេះក៏បានដេកនៅលើសាបមុខផ្ទះម្នាក់ឯង ។ រហូតលុះដល់វេលាម៉ោងជាង១២យប់រំលងអធ្រាត្រឈានចូលថ្ងៃទី១៥ ខែធ្នូ ឆ្នាំ២០២៣ ពេលកំពុងដេកលក់ប្រពន្ធ ក៏បានយកទឹកទៅជះឲ្យភ្ញាក់ រួចបើកទ្វារហៅឲ្យចូលទៅដេកក្នុងផ្ទះវិញ ។
ប្រភពខាងលើបានបញ្ជាក់បន្ថែមទៀតថា ខណៈនោះសង្ស័យគាត់តូចចិត្តនិងប្រពន្ធដេញឲ្យដេកក្រៅផ្ទះហើយមើលទៅទើបគ្រាន់តែដើរចូលដល់ក្នុងផ្ទះភ្លាម ស្រាប់តែដកកាំភ្លើ.ងខ្លីម៉ាក NP42.9បាញ់ក្បាលខ្លួនឯង១គ្រាប់ ពីខាងស្តាំធ្លាយទៅឆ្វេង បណ្តាលឲ្យស្លា.ប់បាត់បង់ជីវិតភ្លាមៗនៅនឹងកន្លែងតែម្ដង ។ ក្រោយពេលកើតហេតុ កម្លាំងនគរបាលប៉ុស្តិ៍ត្រពាំងក្រសាំងបានរាយការណ៍ទៅកាន់នគរបាលការិយាល័យបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញចុះទៅធ្វើកោសល្យវិវ័យ ហើយបានរកឃើញថាបុរសនោះពិតជាបា.ញ់សម្លា.ប់ខ្លួនឯងមែន។
ទាក់ទិនទៅនិងហេតុការណ៍ដែលបានកើតឡើងនេះពុំទាន់មានការបំភ្លឺឲ្យដឹងពីក្រុមគ្រួសារ សាច់ញាតិ ជាពិសេសប្រពន្ធរបស់មន្ត្រីនគរបាលរូបនេះថា ដើមចមរហូតឈានដល់ធ្វើឲ្យគាត់បាញ់សម្លាប់ខ្លួនឯងបែបនេះ ដូចជាការអះអាងខាងលើឬមានអ្វីផ្សេងក្រៅពីនេះទៀតនៅឡើយទេ។ អង្គភាពសារព័ត៌មានកោះសន្តិភាពរង់ចាំការបំភ្លឺលើករណីនេះពីសំណាក់ក្រុមគ្រួសារ សាច់ញាតិ និងប្រពន្ធរបស់ស.ពនៅរៀងរាល់ពេលម៉ោងធ្វើការ។ ដោយឡែកសាកស.ពក្រោយពីនគរបាលបច្ចេកទេសធ្វើកោសល្យវិច័យរួចមក ត្រូវបានក្រុមគ្រួសារដឹកយកទៅធ្វើបុណ្យតាមប្រពៃណីនៅឯស្រុកកំណើតហើយ ៕
ចែករំលែកព័តមាននេះ