ខេត្តប៉ៃលិន ៖ សមត្ថកិច្ចចម្រុះរាប់រយនាក់ ដឹកនាំដោយលោកអៀង វុធ អភិបាលរងខេត្ត បានយកគ្រឿងចក្រឈូសឆាយតូបលក់ដូររបស់អាជីវករ និងបណ្តេញប្រជាពលរដ្ឋនៅផ្លូវបំបែកជាបួន ស្ថិតក្នុងសង្កាត់សាលាក្រៅ ក្រុងប៉ៃលិន នៅព្រឹកថ្ងៃទី២៤ ឧសភា ២០១១ នេះ។ បើតាមអ្នកឆ្លើយឆ្លងព័ត៌មានកោះសន្តិភាពបានឱ្យដឹងថា
ខេត្តប៉ៃលិន ៖ សមត្ថកិច្ចចម្រុះរាប់រយនាក់ ដឹកនាំដោយលោកអៀង វុធ អភិបាលរងខេត្ត បានយកគ្រឿងចក្រឈូសឆាយតូបលក់ដូររបស់អាជីវករ និងបណ្តេញប្រជាពលរដ្ឋនៅផ្លូវបំបែកជាបួន ស្ថិតក្នុងសង្កាត់សាលាក្រៅ ក្រុងប៉ៃលិន នៅព្រឹកថ្ងៃទី២៤ ឧសភា ២០១១ នេះ។ បើតាមអ្នកឆ្លើយឆ្លងព័ត៌មានកោះសន្តិភាពបានឱ្យដឹងថា ការបណ្តេញប្រជាពលរដ្ឋ និងឈូសឆាយតូបលក់ដូររបស់អាជីវករនេះ ធ្វើឡើងបន្ទាប់ពីអាជ្ញាធរបានជូនដំណឹងឱ្យរុះរើជាច្រើនថ្ងៃមកហើយ ។
ការដែលអាជ្ញាធររុះរើនេះ គឺអាជ្ញាធរអះអាងថា ដើម្បីយកទីតាំងផ្លូវបំបែកជាបួននេះធ្វើរង្វង់មូល ដោយឱ្យអាជីវករទៅលក់នៅផ្សារថ្មីវិញ ។ ប៉ុន្តែក្រុមអាជីវករបាននិយាយថា ពួកគេមិនអាចទៅលក់នៅផ្សារថ្មីនោះបានទេ ដោយសារតម្លៃតូបខ្ពស់ ។ ចំណែកប្រជាពលរដ្ឋប្រមាណ២០គ្រួសារ ដែលប៉ះពាល់ដល់ការស្ថាបនារង្វង់មូលនោះវិញ ពួកគេមិនអាចទទួលយកនូវថ្លៃគោលនយោបាយដ៏តិចតួចនោះបានទេ ។ ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព.
ចែករំលែកព័តមាននេះ