ខេត្តកំពង់ស្ពឺ ៖ រោងចក្រកាត់ដេរយីហោ «យាន ហ្សេន ខូតធីង មេធៀរៀល» ត្រូវបានអគ្គិភ័យលេបត្របាក់ ខណៈដែលឆ្លងចរន្តភ្លើងបង្កឱ្យមានការភ្ញាក់ផ្អើលកម្មករ និងសមត្ថកិច្ចយករថយន្តជួយពន្លត់អគ្គិភ័យជួយបាញ់ពន្លត់…
ខេត្តកំពង់ស្ពឺ ៖ រោងចក្រកាត់ដេរយីហោ «យាន ហ្សេន ខូតធីង មេធៀរៀល» ត្រូវបានអគ្គិភ័យលេបត្របាក់ ខណៈដែលឆ្លងចរន្តភ្លើងបង្កឱ្យមានការភ្ញាក់ផ្អើលកម្មករ និងសមត្ថកិច្ចយករថយន្តជួយពន្លត់អគ្គិភ័យជួយបាញ់ពន្លត់ ។
ករណីអគ្គិភ័យឆាបឆេះរោងចក្រខាងលើ បានកើតឡើងកាល០៤និង៣០នាទីទៀបភ្លឺឈានថ្ងៃទី៨ ខែសីហា ឆ្នាំ២០២៥ ស្ថិតនៅក្នុងភូមិបាញ់កង្កែប ឃុំត្រពាំងគង ស្រុកសំរោងទង ខេត្តកំពង់ស្ពឺ ។
នគរបាលស្រុកសំរោងទងបាននិយាយឱ្យដឹងថា មានករណីអគ្គិភ័យបានឆេះសម្ភារ:ក្នុងរោងចក្រ យី( យាន ហ្សេន ខូតធីង មេធៀរៀល ខេមបូឌាឯ.ក) ដែលស្ថិតនៅក្នុងភូមិបាញ់កង្កែប ឃុំត្រពាំងគង ស្រុកសំរោងទង ខេត្តកំពង់ស្ពឺ អគាដែលរងការឆេះនោះមានទំហំ២៥ម៉ែត្រ គុណនិង១០០ម៉ែត្រ រងការខូចខាតអាគាអស់ប្រហែល១០ភាគរយ(១០%)។
-ទឹកថ្នាំចំនួន០៦ធុង
-ម៉ាស៊ីនវ៉ៃថ្នាំ០១គ្រឿង
-សម្ភារ:ប្រើប្រាស់មួយចំនួនផងដែរ។
នគរបាលស្រុកសំរោងទងបានបន្តថា ករណីឆាបឆេះរោងចក្រខាងលើនេះ មិនបណ្តាលឲ្យគ្រោះថ្នាក់ដល់មនុស្សនោះទេ។ នគរបាលស្រុកសំរោងទងបានបញ្ជាក់ថា នៅក្នុងកិច្ចប្រតិបត្តិការណ៍ជួយអន្តរាគមន៍ រថយន្តពន្លត់អគ្គិភ័យរបស់ស្នងការដ្ឋានខេត្តកំពង់ស្ពឺមួយគ្រឿង កម្លាំង៩នាក់ ប្រើប្រាស់ទឹកអស់០១រថយន្ត ។
-រថយន្តពន្លត់អគ្គិភ័យស្រុកសំរោងទង១គ្រឿង កម្លាំង៦នាក់ ប្រើប្រាស់ទឹកអស់១រថយន្ត
-រថយន្តពន្លត់អគ្គិភ័យក្រុងច្បារមន១គ្រឿង កម្លាំង៦នាក់ ប្រើប្រាស់ទឹកអស់ ១រថយន្ត
-កម្លាំងនគរបាលប៉ុស្តិ៍ត្រពាំងគង៤នាក់
-កម្មករោងចក្រ
-ប្រើប្រាស់បំពង់ពន្លត់អគ្គីភ័យអស់ចំនួន៣២បំពង់។
នគរបាលបានបញ្ជាក់បន្ថែមថាមូលហេតុដែលឆេះរោងចក្រខាងលើ បណ្តាលមកពីឆ្លងចរន្តអគ្គិសនី ទើបឆេះរោងចក្រនេះបង្កឱ្យមានការភ្ញាក់ផ្អើលតែម្តង ៕
ចែករំលែកព័តមាននេះ