បណ្ដាក្រុមឧទ្ទាម ប្ដេជ្ញាផ្ដួលរំលំរបបយោធាមីយ៉ាន់ម៉ា
ប្រទេសមីយ៉ាន់ម៉ា ៖ សម្ព័ន្ធភាពជីវពលជនជាតិភាគតិចមីយ៉ាន់ម៉ាអះអាងជាថ្មីកាល ពីថ្ងៃទី១៣ធ្នូ ពី
ប្រទេសមីយ៉ាន់ម៉ា ៖ សម្ព័ន្ធភាពជីវពលជនជាតិភាគតិចមីយ៉ាន់ម៉ាអះអាងជាថ្មីកាល ពីថ្ងៃទី១៣ធ្នូ ពីការប្ដេជ្ញាផ្ដួលរំលំរបបផ្ដាច់ការយោធា។
របបយោធាមីយ៉ាន់ម៉ាដែលទទួលការជួយទ្រទ្រង់សកម្មរបស់បារាំងនិងក្រុមហ៊ុនប្រេងបារាំងតូតាល់ ចាប់តាំងពីទសវត្សឆ្នាំ៩០មក មិនដែលឈានទៅជិតដួលរលំដូចពេលនេះឡើយ។ ប្រទេសនេះទោះបីពេលកាលស្ថិតក្រោមការដឹកនាំរបស់លោកស្រីអ៊ួងសាន់ស៊ូជី ក៏ស្ថិតក្រោមការត្រួតត្រារបស់បណ្ដាឧត្ដមសេនីយដែលធ្វើរដ្ឋប្រហារ ក្រោយការបោះឆ្នោតឆ្នាំ២០២១ ព្រោះតែគណបក្សសម្ព័ន្ធជាតិដើម្បីលទ្ធិប្រជាធិបតេយ្យរបស់លោកស្រីស៊ូជីឈ្នះដាច់ ដែលអាចដឹកនាំប្រទេសមិនចាំបាច់ពឹងលើឥទ្ធិពលរបស់ពួកយោធា។ ក៏ទោះបីក្រុមហ៊ុនតូតាល់ជាផ្លូវការបានបញ្ចប់សកម្មភាពរបស់ខ្លួននៅមីយ៉ាន់ម៉ាក្រោយរដ្ឋប្រហារក្ដី តែពួកប្រឆាំងរបបយោធាបានចោទប្រកាន់បារាំងថា បានជួយផ្ដល់ថវិកាដល់សន្និសីទមួយ ដែលមានវត្តមានរបស់បណ្ដាតំណាងរបបយោធា។
ចាប់តាំងពីដំណាច់ខែតុលាមក ប្រហែលជាមួយការស្រុះស្រួលរបស់ចិន ដែលមានលទ្ធភាពរារាំងការប្រយុទ្ធគ្នា បណ្ដាក្រុមប្រដាប់អាវុធជនជាតិភាគតិច បានចងសម្ព័ន្ធភាពនឹងគ្នាដើម្បីប្រយុទ្ធប្រឆាំងរបបយោធា។ ពួកគេបើកការវាយលុកនានា និងដណ្ដើមបានទឹកដីជាច្រើន រំដោះបណ្ដាអ្នកទោសតាមពន្ធនាគារនានាត្រួតត្រាដោយពួកម៉ាហ្វីយ៉ាចិន ដូចដែលចិនចង់បានហើយបន្តវាយដណ្ដើមយកបានដែនដីកាន់តែច្រើន។
ការប្រយុទ្ធគ្នាកាន់តែបង្កើនរយៈពេលប៉ុន្មានសប្ដាហ៍ចុងក្រោយនេះ។ សម្ព័ន្ធភាពក្រុមឧទ្ទាម៣បានសម្របសម្រួលគ្នាក្នុងការវាយប្រហារ លើទីតាំងទាំងឡាយរបស់កងទ័ពមីយ៉ាន់ម៉ានៅភាគខាងជើងប្រទេស។ ការវាយលុកនោះនាំឲ្យពួកជីវពលស្និទ្ធប្រជាធិបតេយ្យដទៃៗទៀត បើកការវាយប្រហារដំណាលគ្នា ក្នុងតំបន់ឯទៀតៗរបស់ប្រទេស ធ្វើឲ្យពួកយោធាជួបការលំបាកកាន់តែខ្លាំង៕
ចែករំលែកព័តមាននេះ