សហរដ្ឋអាមេរិក ៖ រដ្ឋការលោកដូណាល់ត្រាំបានដកអ្នកការទូតអាជីពជិត៣០នាក់ចេញ ពិសេសបណ្ដាឯកអគ្គរដ្ឋទូតក្នុងក្របខណ្ឌនៃការកែប្រែរចនាសម្ព័ន្ធ ការទូតអាមេរិកនៅបរទេសឡើងវិញ។ រដ្ឋការនោះចង់ដាក់មនុស្សថ្មីដែលយល់ច្បាស់ពេញលេញពីនយោបាយ គិតដល់អាមេរិកមុនគេ(AMERICAN FIRST) របស់ប្រធានាធិបតីលោកដូណាល់ត្រាំ។ យោងតាមអ្នកទទួលខុសត្រូវ២នាក់នៃក្រសួងការបរទេសអេមេរិកថា…
សហរដ្ឋអាមេរិក ៖ រដ្ឋការលោកដូណាល់ត្រាំបានដកអ្នកការទូតអាជីពជិត៣០នាក់ចេញ ពិសេសបណ្ដាឯកអគ្គរដ្ឋទូតក្នុងក្របខណ្ឌនៃការកែប្រែរចនាសម្ព័ន្ធ ការទូតអាមេរិកនៅបរទេសឡើងវិញ។ រដ្ឋការនោះចង់ដាក់មនុស្សថ្មីដែលយល់ច្បាស់ពេញលេញពីនយោបាយ គិតដល់អាមេរិកមុនគេ(AMERICAN FIRST) របស់ប្រធានាធិបតីលោកដូណាល់ត្រាំ។
យោងតាមអ្នកទទួលខុសត្រូវ២នាក់នៃក្រសួងការបរទេសអេមេរិកថា ចលនាផ្លាស់ប្ដូរប្រមុខបេសកកម្មការទូត ក្នុងប្រទេសយ៉ាងតិច២៩ ត្រូវបានជូនដំណឹងកាលពីសប្ដាហ៍មុនថា អាណត្តិពួកគេនឹងត្រូវចប់ក្នុងចុងខែមករា។
អ្នកទាំងនោះសុទ្ធតែជាអ្នកកាន់តំណែងក្រោមរដ្ឋការលោកចូបៃដិន តែនៅបន្តក្រោយរលកទីមួយនៃការដកចេញពីដើមអាណត្តិទី២របស់លោកត្រាំមក សំដៅជាពិសេសបណ្ដាមនុស្សដែលតែងតាំងដោយសារហេតុផលនយោបាយ។ តែសភាពការណ៍បានផ្លាស់ប្ដូរកាលពីថ្ងៃទី១៧ធ្នូ ពេលពួកគេបានទទួលសារលិខិតពីថ្នាក់លើនៅក្រុងវ៉ាសិុនតោនទាក់ទិននឹងការចាកចេញភ្លាមៗរបស់ពួកគេ។
អ្នកទទួលខុសត្រូវទាំង២រូបនោះបញ្ជាក់ថា បណ្ដាឯកអគ្គរដ្ឋទូតត្រូវបានតែងតាំងដោយប្រធានាធិបតី ទោះបីពួកគេជាទូទៅស្ថិតក្នុងតំណែង ក្នុងរយៈពេលពី៣ទៅ៤ឆ្នាំក៏ដោយ។ បណ្ដាមនុស្សដែលទាក់ទិននឹងការដោះដូរនោះ មិនបាត់បង់ការងារក្នុងផ្ទៃសេវាកម្មការទូតឡើយ តែអាចវិលមកកាន់ក្រុងវ៉ាសិុនតោនទទួលបេសកកម្មដទៃៗទៀតប្រសិនបើចង់៕
ចែករំលែកព័តមាននេះ