ប្រទេសម៉ាឡេស៊ី ៖ មុននឹងអញ្ជើញមាតុភូមិនិវត្តន៍វិញ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបពិភាក្សាការងារជាមួយ ឯកឧត្តមបណ្ឌិត…
ប្រទេសម៉ាឡេស៊ី ៖ មុននឹងអញ្ជើញមាតុភូមិនិវត្តន៍វិញ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបពិភាក្សាការងារជាមួយ ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន អំឡុងពេលនៃការចូលរួមកិច្ចប្រជុំពិសេសរដ្ឋមន្ត្រីការបរទេសអាស៊ាន ស្តីពីស្ថានភាពបច្ចុប្បន្នរវាងកម្ពុជា និងថៃ នៅទីក្រុងគូឡាឡាំពួ ប្រទេសម៉ាឡេស៊ី ។ នេះបើយោងតាមហ្វេសប៊ុករបស់លោក ប្រាក់សុខុន បានប្រកាសនារសៀលថ្ងៃទី២២ ខែធ្នូនេះ ។
ឯកឧត្តមឧបនាយករដ្ឋមន្ត្រី បានសម្តែងនូវកង្វល់ចំពោះស្ថានភាពមនុស្សធម៌ ដែលកាន់អាក្រក់ទៅៗ ដែលបានជិះឥទ្ធិពលដល់ជនភៀសសឹកកម្ពុជាជាងកន្លះលាននាក់ និងសង្កត់ធ្ងន់ពីការប្តេជ្ញាចិត្តយ៉ាងមុតមាំរបស់កម្ពុជា ក្នុងការលើកកម្ពស់សន្តិភាព សន្តិសុខ និងវិបុលភាពរួមក្នុងតំបន់ ស្របតាមធម្មនុញ្ញអាស៊ាន និងគោលការណ៍មូលដ្ឋាននៃច្បាប់អន្តរជាតិ ដោយផ្អែកលើស្មារតីនៃការចូលរួមដោយស្ថាបនាជាមួយបណ្តាប្រទេសសមាជិកអាស៊ានទាំងអស់ និងដៃគូនានា ។
ទន្ទឹមនឹងនេះ កម្ពុជាបានបញ្ជាក់សារជាថ្មីនូវស្មារតីសហប្រតិបត្តិការប្រកបដោយភាពស្ថាបនា ជាមួយបណ្តាប្រទេសសមាជិកអាស៊ានទាំងអស់ និងដៃគូពាក់ព័ន្ធ ដើម្បីស្វែងរកដំណោះស្រាយសមស្រប និងស្ថិរភាពយូរអង្វែងសម្រាប់តំបន់ទាំងមូល ៕
ចែករំលែកព័តមាននេះ